Blanka dometo

(Originala titolo: Casinha branca)
Verkis: Gilson k Joran k Marcelo
Traduko: James Rezende Piton

Mi laste vivas en solec', sen kompanio,
Kaj mi eĉ ne vidas ion,
Kio plezurigas nun

Sentas mi ke la feliĉ' estas miraĝo
Kaj mi vidas tra l' junaĝo
Revojn preter oportun'

Ho, se mi nur povus havi ordinaran,
Propran lokon surkamparan
Por semado kaj fortun'

Havi blankan domon, etan, kun verando,
Havi korton kaj fenestron
Por leviĝo de la sun'

Mi foje iras tra la urb' en promenadoj
Mi plu serĉas kamaradojn
Mi pluiras laŭ l' amas'

Sed mi retiriĝas pro ĉiu vizaĝo,
Ĉiu estas kun mistero,
Iluzi' kaj embaras'


KURIOZAĴO: la domo en la foto estas la vera blanka dometo, kiu inspiris la kanton al la aŭtoroj.
CURIOSIDADE: a casa na foto é a verdadeira casinha branca que inspirou a música aos autores.



Kantas kaj gitarludas: Ana Paula Pose



Kantas kaj gitarludas: Cícero Soares
Perkutilo: Guilherme Nascimento



Kantas kaj gitarludas: Flávio Fonseca

Aŭdu kaj elŝutu mp3-dosieron de ĉi tiu kanto.
Kantas kaj gitarludas: Cícero Soares

Vidu kaj elŝutu la muziktekston kun akordoj (x-sistemo).

Galopumo

(Originala titolo: Galopeira)
Verkis: Mauricio Cardozo Ocampo
Portugallingva traduko: Pedro Bento
Esperanta traduko el la portugala: James Rezende Piton

Estis bal' en Asuncion',
La ĉefurb' de Paragvaj',
Kie estis lokaninoj
Ridetantaj en balad'
Kaj kvarope kun gitaroj
Forte kantis bravular'
Galopumo, galopumo
Ankaŭ mi en la balad'

Galopuuuuuuuuuuumo, mi ne plu forgesos vin
Galopuuuuuumo, por sanigi resopiron,
Kontentigi kordeziron, Paragvaj', atendu min!
Kontentigi kordeziron, Paragvaj', atendu min!


Rim (N.T.): La ritmo Galopa misionera fontas el la nordo de Argentino, regiono, kiu limas al Brazilo kaj Paragvajo. Ĝi rilatas al Galopa en Paragvajo kaj Galopeira en tiu suda regiono de Brazilo, ĉiuj similaj specoj de polko, laŭ la tradicia takto gvarania.

Vidu kaj elŝutu la muziktekston kun akordoj (x-sistemo).

La nambu-tinamo kaj la tinameto

(Originala titolo: O inhambu-chintã e o chororó aŭ Chitãozinho e Xororó)
Verkis: Athos Campos k Serrinha
Traduko: James Rezende Piton

Mi ne volas urban vivon
En bangalo aŭ domet'
Ĉar mi havas mian hejmon
Sub la pajloj de ĉalet'

Mi vivadas sen najbaroj,
For de ĉia societ'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Je l' alveno de l' mateno
Kantas kokoj en duet'
Triste hurlas la noktuo
En grenejo kun breĉet'

Trilas je la sunsubir'
Kripturelo sen egret'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Mi ne ŝatas ruĝan teron
Pro la polvo kiel kret'
Saltofestas en sablej'
Ĉiu gaja kolombet'

Kun plezur' ili petolas
Kvazaŭ sablo-kabaret'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Mi tre frue iras ĉasi
Kun la suno trans valet'
La pafilo kun kartoĉoj
Kaj ĉasujo por enmet'

Post preparo iras mi
Kun la hund' kaj ĉaskornet'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Kiam foje mi ekscias
Pri pli bona interpret'
Mia koro ŝanceliĝas
Kaj bedaŭras en sekret'

La suspiroj miabruste
Pikas pli ol bajonet'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'


Rim (N.T.): La nambuo aŭ tinamo (Crypturellus tatauapa, kio inkluzivas ĝian tupian nomon), portugale: "inhambu-chintã" [injambu'-ŝintan'], estas birdo de la familio de Tinamedoj. La tinameto (Crypturellus parvirostris) estas la plej malgranda specio en la sama genro Crypturellus, kaj tiun ĉi oni i.a. nomas portugale: "inhambu-chororó" [injambu'-ŝororo']. Kripturelo (Crypturellus undulatus) estas alia tinamedo, en la portugala konata kiel "jaó" [ĵao']. Eksciu pli ĉi tie.

KURIOZAĴOJ:
- Aŭdu, kiel ili sonas: Tinamo - Tinameto - Kripturelo

- La tipa sono de tiuj birdoj en la naturo rekte inspiris la artan nomon de la fama sertaneca duopo Chitãozinho & Xororó.

CURIOSIDADES:
- Ouça como eles soam: Inhambu-chintã - Inhambu-chororó - Jaó

- O som característico dessas aves na natureza serviu de inspiração direta para o nome artístico da famosa dupla sertaneja Chitãozinho & Xororó.

Vidu kaj elŝutu la muziktekston kun akordoj (x-sistemo).

Vagado

(Originala titolo: Andança)
Verkis: Danilo Caymmi k Edmundo Souto k Paulinho Tapajós
Traduko: James Rezende Piton

Tra vasta sabloplaĝ'
Sub lum’ de l’ lun', miraĝ',
Grandega resopiro...
Vaganta ĝis l’ alven',
En robo el saten',
La dekstra man' kun rozoj,
Pluos mi

Jen la milda luno (konduku min),
Ĝi verŝas sin,
Sub lunlum' ripozas
Mia destin' (karul')
Kun rigardo festa
Venis sopir' (konduku min)
Pri kanzon' modesta
El mia lir' (en ĉiu lok' estu ni duop')

Mi jam tre batalis (konduku min)
Pro nekonsci'
Ke ĉi-lande vivas
Mia pasi' (amor')
Kaj senfina estas
Mia vojaĝ' (konduku min)
Nur la am' instruas
Pri l' cela saĝ' (en ĉiu lok' estu ni duop')

En rondo rondis mi
Laŭmode dancis pli
Lacigis min izolo
Per versa artifik',
Kun reĝa koramik',
En voja parabolo
Iris mi

Laŭ la vojirado (konduku min)
Antaŭas mi
Kune kun l' amat'
Kiel kompani' (amat')
Mi venis aŭdace
Kun mia kant'(konduku min)
Senkapitulace
Mi, la spitant' (en ĉiu lok' estu ni duop')


Rim: Partituroj de tiu ĉi muzikaĵo (ankaŭ korusa) estas disponeblaj ĉe Klubo Brazila Muziko.
Obs: Partituras desta música (inclusive para coral) estão disponíveis no Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Neniam mi forgesos vin

(Originala titolo: Eu nunca mais vou te esquecer)
Verkis: Moacyr Franco
Traduko: James Rezende Piton

Se estus plu iama kor' ĉe mi
Se estus plu la iluzi', ho Di',
Kuraĝo por la rekomenc' de am'
Stultaĵo, ĉar simila am', ne plu!

Nun al mi mankas vivkial' jam ĉar
Je ĉiu provo preĝis mi pri vi
De via manko kreskas la invado
Vi amon petis kun repag’: saŭdado

Neniam mi forgesos vin
Neniam mi forgesos vin, karulin'

Vidu kaj elŝutu la muziktekston kun akordoj (x-sistemo).

Pirateca koro

(Originala titolo: Coração pirata)
Verkis: Aldir Blanc k Nando
Traduko: James Rezende Piton

Mia pirateca koro
Sendistinge tuj kaperas
Sed l' animo jam divenas
Ke pagon, ĝi ĉiam liveras
- Kaj restas tutsola

Mia vivo tre liberas,
Nur en volo la valor'
Mi neniam senesperas,
Mi estas reganto de l' kor'
Ho! Deklar' de spegulo:
- Vi plu estas vi...

Mi tre amas la sukceson
Ĝin mi regas laŭ neceso
Estiĝas la rev' de infan'
Eraranto sen konfeso
Konsci' pri mia fon'
Sen ajna fordon'!

Se ne prosperas pasio,
Mi ne riproĉu al mi
Kaj ne lamentu pri ĝi
Vanos la situaci'
(1ª) Mi rekomencos de nulo kun rezignaci'
(2ª) Mi rekomencos sen bazo kun rezignaci'

Eĉ se homoj tute certas
Pri bonŝanco de l' favor'
Tamen mi tre zorge semis
Kiel min gvidis la kor'
Ho! Deklar' de spegulo:
- Vi plu estas vi...



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Tio

(Originala titolo: Isso)
Verkis: Tony Bellotto
Traduko: James Rezende Piton

Tio
Okazanta al la nia
Estas ordinara inter ĉiu par’
Tio
Ekestas senracia
Ne gravas kolor',
Kred' aŭ la socia far'
Tio, tio

Tute fajnis, ke ĝi ŝajnis
Rara, io nova,
Nia amo firmis, fortis,
Estus daŭripova,

Ne diru nun
Ke mankis l' oportun'
Vi agu por fortun'
Ne diru nun

Ne utilas multe ĉia plend'
Nur kredi, ke sufiĉas
Simple daŭri en atend'

Tio
Malhelpanta niajn revojn
Disfaligis muron
Kun invad' al nia kort'
Tio...
Pasas multaj jaroj,
Estis tiel ĉi,
Tia nia sort'

Vidu kaj elŝutu la muziktekston kun akordoj (x-sistemo).

Sunfloro

(Originala titolo: Girassol)
Verkis: Alceu Valença
Traduko: James Rezende Piton

Mar' kaj sun'
Floro, floro, floro, floro,
Floro, floro, floro, floro, sun'

Estis sunflor' en viaj haroj
Lipoŝminkaĵo, la sunflor'
Ho, bruna flor' sur la lito
De vi restas la odor'

Jam sur la strato, mi vin sopiras
Kiel ĉasisto kontraŭ jaguar'
Ho, bruna flor' sur la lito
Kun odoro sen kompar'



Kantas: Ana Paula Pose
Gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Filo de Bahio

(Originala titolo: Filho da Bahia)
Verkis: Walter Queiroz
Traduko: James Rezende Piton

Ho, brunulo...
Ho, brunulo...
Ho, brunulet'
Ho, mia am'
Ho, brunulo...

Venu eksterronden
Venu al ripoz'
Tuj ĉe mian sinon
Venu por am-doz'
Ho, brunulo...

Ĉar mi, junulino,
Pri amor', mastrin'
Mi eklernis frue
Por instrui vin
Ho, brunulo...

Filo de Bahio,
Se vi restos for,
Mi vin ne dorlotos
Mi ne lulos vin, ho brunulo...

La viv' estas granda pen'
En mia kor' estas kompren'

Perdopova kun braveco,
Amopova por karul'
Ho, brunulo...

Pri drinkad' en Varandá
De Sandoval venis l' instru'
Ho, brunulo...


Rim (N.T.): Tiu ĉi kanto fariĝis konata pro la televida felietono "Gabriela" (1975), kreita laŭ la libro de Jorge Amado. En ĝi Sônia Braga estis la ĉefrolulino. La kanzono disvastiĝis en la voĉo de tiam juna kaj plu tre respektata kantistino Fafá de Belém (foto).

Ĝia bazo tute kongruas kun la ritmoj uzataj en kapoejro, luktarto disvolvita de afrikanoj venigitaj al Brazilo por trudlaboro, ekde la fino de la 16ª jarcento: https://eo.wikipedia.org/wiki/Kapoejro. "Rondo" en la kanzono aludas al la grupo, kiu formiĝas por spekti kaj alterne partopreni la lukton.
La teksto cetere mencias:

- Varandá [varanda'], t.e. "Bar do Varandá", tiam tre konata trinkejo en Salvador, la ĉefurbo de la brazila federaciero Bahio.
- Sandoval [sandovaŭ'], Sandoval Leão de Caldas, posedanto de noktoklubo kaj konata kiel "La Reĝo de la Nokto". Li estis simbolo de la bohemianoj de Salvador.

Vidu kaj elŝutu la muziktekston kun akordoj (x-sistemo).

Lambado / Plore iris for

(Originala titolo: Lambada / Chorando se foi)
Verkis: Gonzalo Hermosa Gonzales k Ulises Hermosa Gonzales
Traduko: James Rezende Piton

Plore iris for kiu iam nur plorigis min...
Plore iris for kiu iam nur plorigis min...

Ploros ankaŭ li, pro la daŭra memor'
Pri la amo lasita sen zorg'...
Ploros ankaŭ li, pro la daŭra memor'
Pri la amo lasita sen zorg'

Tiu rememor' sekvos lin ĝis la plej fora lok'
Tiu rememor' ĉiam sekvos min, en ĉiu lok'

Danco, sun' kaj mar' restos en la kor'
Estas perd' kaj retrov' en amor'
Kaj en lambadej' mi en danc' pensos, ke
Tiu amo, por moment', gravis plej

Tiu rememor' sekvos lin ĝis la plej fora lok'
Tiu rememor' ĉiam sekvos min, en ĉiu lok'

Ploros ankaŭ li, pro la daŭra memor'
Pri la amo lasita sen zorg'
Kanto, rid', dolor', melodi' de amor',
Pormomenta ŝvebanta valor'

Aj, aj, aj
Dancante lambadon!...


Rim:
- (N.T.) Kanzono kreita en Bolivio, kiu poste furoris fasonita laŭ la brazila ritmo lambado. Ĝi estis internacie popularigita de la franca-brazila ensemblo Kaoma.
- La esperantigo estas farita el la portugallingva versio de Kaoma.
Obs:
- (N.T.) Canção criada na Bolívia, que depois fez sucesso talhada conforme o ritmo brasileiro lambada. Ela foi internacionalmente popularizada pelo grupo franco-brasileiro Kaoma.
- A tradução foi feita a partir da versão em português do grupo Kaoma.

Vidu kaj elŝutu la muziktekston kun akordoj (x-sistemo).

Senkompata brando

(Originala titolo: Marvada pinga)
Verkis: Laureano
Traduko: James Rezende Piton

Senkompata brando portas la konfuzon
Tuj en la drinkejo trovas mi amuzon
Post l' unua dozo, la elir-rifuzo,
Kie drinkas mi, tie nur kontuzo!
Mi bezonas helpon jam pro trouzo...
Hop la!

El la urb' mi venas kaj tuj ekkantas
Ĉiu dozo indas, kiam ĝi grandkvantas
Tra la tuta vojo min la stumbloj hantas
Tiam vojorando pli kaj pli gigantas
Kaj en la lok' de l' falo restos mi ronkanta...
Hop la!

L' edzin' petegis, ŝi alparolis min:
"Ĉesu la drinkado, strebu al l' abstin'!
Al virina dir' mi estas sen inklin'
Mi drinkas dum la tago laŭ la rutin'
Kaj mi drinkas nokte nur pro medicin'...
Hop la!

Mi en ĉiu falo, alimaniere
Falas mi interne, falas mi ekstere
Falas mi sur lito, falas mi altere
Iras mi kun helpo, preskaŭ mem senpere,
Sed pri plia doz' falas mi espere...
Hop la!

Plenigu mian glason, faru sen ŝancelo,
Estas por kontrol' de l' trinkaĵ-nivelo
Mi ne trinkos ĉion, restos la barelo,
Je l' unua gluto, nur duon-botelo...
Kun la dua gluto venas la pelmelo!
Hop la!

Mi nun drinkas brandon, drinkis jam praavo
Mi drinkas pro la gusto kaj la brando-flavo
Mi drinkas la glason, la botel-enhavon,
Sukerkan' ekzistas por mia ravo.
Se montriĝas brand', ek al la buŝkavo...
Hop la!

Senkompata brando!...

Iris mi al fest' en Tietê-bien'
Mi fine ĝin atingis preskaŭ en maten'
Oni donis brandon ekde l' alven'
Oni donis brandon ekde l' alven', estis glasoplen'...

Mi jam tro drinkis, estis la konstato
Mi surgrunde kuŝis kvazaŭ en komato
Mi foriris kiel la ĉefzorgato...
Sed la ĉefzorgato inter du soldatoj!
Dankon pro l' kompato!


Rim (N.T.) - Tiu ĉi jam "klasika" kamparana kanzono el 1937 respegulas la oftan temon de publika sano, la alkoholemo. Inter kamparanoj, aparte proksima estas ilia rilato al la brazila sukerkana brando - trinkaĵo produktata de pli ol kvar jarcentoj.

Amuzas en la originala teksto vortoj en nenorma uzo de la portugala lingvo. La kantistoj imitas la parolojn de kamparanoj el ŝtato San-Paŭlo (ĉe kiuj ofta fenomeno estas la t.n. rotaismo, kiel oni trovas en la titolo mem de la kanzono, "marvada" anstataŭ "malvada").

Tietê [tiete'] estas la nomo de unu el la ĉefriveroj kaj de urbo en tiu landoparto.

Vidu kaj elŝutu la muziktekston kun akordoj (x-sistemo).

Amo, eble

(Originala titolo: Perhaps love)
Verkis: John Denver
Traduko: James Rezende Piton

Am' eble estas ripozlok’ aŭ ŝtormo-rifuĝej'
Ĝi donas la komforton, varmige estas plej
Kaj en la malfacila temp' de kvazaŭagoni'
La am-memor' reportos vin ĉe vi

Am' eble estas enirej' por la sunradi'
Ĝi invitas vin al la proksim', ĝi volas montri pli
Kaj eĉ kiam vi perdiĝas kaj mankas l' orient'
La am-memoroj restos je atent'

La am' por iuj estas nub', por aliaj el ŝtal'
Por iuj nur vivomanier', por iuj ideal'
Kaj iuj diras, ke am' bremsas, por iuj liberig'
Kaj iuj kredas ĝin mister', por iuj forta lig'

Am' eble estas ocean' je kirlo kaj sufer'
Kiel fajro en kamen' kaj tondro en veter'
Kaj se mi porĉiame vivus, eĉ tiam pli kaj pli
Miaj am-memoroj estus vi



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Letero al la misiuloj

(Originala titolo: Carta aos Missionários)
Verkis: Cal Galvão k Marcelo Hayena k Nilo Nunes
Traduko: James Rezende Piton

Misiuloj de sendia mond'
Fidissemantoj de la amdetrua ond'
Venas al la mond’ sen hezito:
La morto, malpaco, avido, milito
(milito)

Misiuloj en misi’ sinmortiga
Infanoj infanojn
Atakas aliligajn
Generaloj tra la tuta mond’
Beluniforma, medalara rond',
Sin prezentas en odiseo
La gloraĉe sanga spur' de armeo.

El la diversaj mondpartoj
En sia nur sencela pad'
Tiel pluiras la homaro
En reciproka vorvorad'
Mi alkriis horizonton
Tamen mankis la respond'
Kun la ferm' de l' okuloj, ties voĉ'
Min frapis laŭ ond'


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Aĉa ne estas plaĉa

(Originale: Feio não é bonito aŭ O morro)
Verkis: Carlos Lyra k Gianfrancesco Guarnieri
Traduko: James Rezende Piton

Vivu la belaĵoj propraj de Brazil'
Kun histori' kaj tradici'
Kaj vivu "monto" en gloropleno
Kun samblernejoj kantataj en samboj
Pri sia deveno

Aĉa ne estas plaĉa
La "monto" daŭras
Tamen ĝi revas pri fin'
Kantas, ĝi kantas triste
Ĉar nur tristecon
Rakontas ĝia rutin'
Ploras, ĝi ploras ride
Ĉar ĝi kuraĝas,
Bravega de l' origin'
Amas, la "monto" amas
Kun am' timida, kun am' avida
Pri aliestonto


Rim (Noto de la Tradukinto): "La monto" estas maniero aludi al la periferiaj kvartaloj en Rio.
En la komenco de la 20-a jc. la modernigo de la historia urbo kun larĝaj avenuoj forigis multajn loĝejojn, kie vivis malbonhavaj familioj. Sen protekto kaj monkompensoj, tiuj homoj transloĝiĝis al terpecoj sur la montoj ĉirkaŭ Rio, sen minimumaj sanitaraj kondiĉoj.
Tiuj homoj de "la monto" produktis multe da arto kaj donis riĉajn kontribuojn al la brazila kulturo, speciale ĉirkaŭ sambo. Tiu ĉi kanzono pledas por normala vivo kaj ke malgraŭ la pozitivaĵoj, oni ne devas romantikigi la malbonajn kondiĉojn de "la monto", kun nefinitaj domoj el brikoj, aŭ domoj faritaj el alternativaj materialoj kiel lado kaj recikligita lignaĵo. Al ili mankis - kaj al multaj plu mankas - bazaj rimedoj kiel akvo kaj elektro.
Obs (Nota do Tradutor): "La monto" (i.e. "O morro") é uma maneira de aludir aos bairros de periferia no Rio. No começo do séc. XX a modernização da cidade histórica com largas avenidas desalojou várias moradias, nas quais viviam famílias de poucos recursos. Sem proteção ou indenização, essas pessoas mudaram-se para terrenos nos morros em torno do Rio, sem condições sanitárias mínimas.
Essas pessoas "do morro" produziram muita arte e deram ricas contribuições à cultura brasileira, especialmente no samba. Esta música apela por uma vida normal e diz que, apesar das coisas positivas, não se deve romantizar as más condições "do morro", com casas inacabadas em alvenaria, ou casas feitas de materiais alternativos como lata e madeira reciclada. A eles faltava - e a muitos ainda falta - recursos básicos como água e eletricidade.

Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Bruna jako

(Originala titolo: Casaco marrom)
Verkis: Guarabyra k Renato Corrêa k Danilo Caymmi
Traduko: James Rezende Piton

Reiros mi al mia malnova temp'
Kun bruna jako de iama sezon'
Por preni manon de la ĝoj' en promen'
Bye-bye, Cecy, nous allons*

Kopakabano venas kun la bonven'
Kaj disponigis brizon en mia fon'
La atombomb' kun eksplodem' en ĝarden'
Eksterme al flor-burĝon'

Ne! - rifuzordon'
Rigarde knabinon
De milda sezon'
Ha lo, mia kor',
Ha lo, mia kor',
Ha lo, mia kor'

Reiros mi al mia malnova temp'
Kun bruna jako de iama sezon'


*Rim: alilingve en la originalo.



Kantas kaj gitarludas: Cícero Soares

Vidu kaj elŝutu la muziktekston kun akordoj (x-sistemo).

Fruaj eraroj

(Originala titolo: Primeiros erros)
Verkis: Kiko Zambianchi
Traduko: James Rezende Piton

Mia vojo, jen ĉiu maten',
Vi ne zorgu pri mia destin'
Mia celo kun ekskluzivec'
Mi ne lasas la spurojn sur ter'

Sen kompreno vi estos sen vid'
Kaj sen la vid', sen kompreno
Ne klopodu por scii pri mi
Se surprizas mia sinteno

Se ĉi korpo fariĝus nur sun'
Mia menso fariĝus nur sun'
Sed nur pluvas kaj pluvas,
Pluvas kaj pluvas

Se ĉe mi estus la vidpov'
Super miaj prafaroj
Kaj kapablus pri pluvo-forŝov'
Post fruaj eraroj

Mia korpo fariĝus nur sun'
Mia menso fariĝus nur...
Sed nur pluvas kaj pluvas,
Pluvas kaj pluvas



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Tropikulino

(Originala titolo: Morena tropicana)
Verkis: Alceu Valença k Vicente Barreto
Traduko: James Rezende Piton

El dolĉa mango volas mi la sukon
Maturmelono kaj sapotpasi'
Ĵabutikabo, via noktokulo
Acerba kiso kiel la spondi'

Kun milda haŭto,
Laŭ pulpa akaĵu',
Salivo dolĉa,
Mieldolĉa mielĝu'

Belbrunulino,
Frua frukto jam matura,
Sukerkano plej plezura,
Mi elfrandos vin!

Belbrunulino,
Frua frukto jam matura,
Sukerkano plej plezura,
Venu frandi min!

Tropika brunulino,
Mi volas frandi vin
Aj-aj jo-joj



Kantas kaj gitarludas: Vicente Sales

Vidu kaj elŝutu la muziktekston kun akordoj (x-sistemo).

Ŝoto de la knabinoj

(Originala titolo: Xote das meninas)
Verkis: Luiz Gonzaga k Zé Dantas
Traduko: James Rezende Piton

Jamakaru', kiu floras en senpluvo
Indikas pluvon tuj, por la baldaŭa hor'
La junulino, kiu lasas sian pupon
Montras, ke ies am' instaliĝas en la kor'...
Ne nur pri ŝtrumpoj kaj la ŝuoj kun talono
Revas ŝi ankaŭ pri rob', la ĉemizoj iru for!

Ŝi pensas nur
Kaj nur pri amindum'...

En la maten' ŝminkaĵ' preludas
Ŝi reve nur suspiras,
La patro senkonkludas...
Vizit' al kuracist' - jen kion li altrudas
Ŝi fastas kaj ne lernas,
Ne dormas, ne plu ludas...

Ŝi pensas nur
Kaj nur pri amindum'...

Sed la doktor' sen ekzameno
Tuj vokas ŝian patron kaj diras kun sereno
Normale por la aĝo, daŭros la ĉagreno,
Ne estas kuracilo por tiu fenomeno...

Ŝi pensas nur
Kaj nur pri amindum'...


Rim: Jamakaru' estas tipa brazila kakto, kiu floras rare (vidu angle en Wikipedia).



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kara Adamo

(Originala titolo: Querido Adão)
Verkis: Benedito Lacerda k Oswaldo Santiago
Traduko: James Rezende Piton

Adam', kara, hej, Adam',
Ĉiuj scias, ke al vi mankis la saĝo
El Paradizo pro fia serpento
Nia Sinjoro vin forpelis al vilaĝo

Adam'-Adam'-Adam'!...

Sed en l' alia flank', via kor' je amomank'
Iam tute, tute senigita de la am',
Ĝi kreskis kaj daŭras la rava pek'
Por l' eterneco, ho, Adam'!

Kaj nun-kaj nun-kaj nun!...

Vidu kaj elŝutu la muziktekston kun akordoj (x-sistemo).

Estis junulo, kiu ŝategis kiel mi "Beatles" kaj "Rolling Stones"

(Originala titolo: C'era un ragazzo che come me amava i Beatles e i Rolling Stones)
Verkis: Franco Migliacci k Mauro Lusini
Traduko el la itala: James Rezende Piton

Estis junulo,
Li kiel mi
Ŝategis "Beatles" kaj "Rolling Stones"
Mondovaganto,
La hejma dom'

Troviĝis en la usona land'

Ne vere bela,
Tamen ĉirkaŭ li
Virinoj svarmis, ĉiam pli
Li kantis "Help!" kaj "Ticket to Ride"
Aŭ "Lady Jane", aŭ "Yesterday"

Li kante pledis por liberec'
Ĝis kiam venis al li leter'
Lian gitaron ricevis mi,
Oni kunvokis lin al Uson'

Ne plu Rolling Stones...
Ne plu Beatles-son'...
Laŭdire li en Vjetnami'
Pafados al Vjetkong'

Estis junulo,
Li kiel mi
Ŝategis "Beatles" kaj "Rolling Stones"
Li tre vagadis,
Kaj fine al
la grandmilito en Vjetnami'

Li longajn harojn ne portas plu
Ne ludas la gitaron, sed
Nur instrumenton kun ĉiam la
Solsola noto: Ra-ta-ta-ta

Ne plu amikoj,
Ne plu fanar',
Nur pereantoj ĉirkaŭas lin,
Li al la hejmo ne iros plu,
Ĉar li pereis en Vjetnami'

Ne plu Rolling Stones...
Ne plu Beatles-son'...
Ĉe l' brusto ne plu estas kor',
Nur eta medalar'

Vidu kaj elŝutu la muziktekston kun akordoj (x-sistemo).