Troltreno

(Originala titolo: Arrastão)
Verkis: Edu Lobo k Vinicius de Moraes
Traduko: Flávio Fonseca

He, jen la floso sur mar'
He, he, he
Jen hodiaŭ troltren'
He, iru ni por fiŝar'
Lasu la ombron kaj venu vi!

Jen la troltreno en vasta mar' sen fin'
He, vi venigu ŝin, Jemanĵa', al mi

Mia Sankta Barbara, vi benu min
Vi edzigu min al Ĵanaina 

He, trenu ĝin sen erar'
He, he, he
Jen okazas troltren'
He, jen Reĝino de l' Mar'
Venu vi al entrepren' por mi

Helpu min Dio, ho Sinjor' de Bonfin'
Tiom da fiŝoj neniam vidis ni


Rim:

- Jemanĵa’ = oriŝao de l' maro.
- Laŭ sinkretismo, Sankta Barbara estas la oriŝao Iansan' (originale: Iansã), regantino de l' ventoj, fulmoj kaj ŝtormoj.
- Ĵanaina = sireno el salaj akvoj; ankaŭ unu el la nomoj de Jemanĵa'.
- Sinjor' de Bonfin' = laŭ katolika devoteco, estas reprezento de Jesuo Kristo laŭ figuraĵo de Lia morto, kaj unu el la ĉefaj devotaĵoj en Bahio.
- La partituro de tiu ĉi muzikaĵo estas disponebla ĉe Klubo Brazila Muziko.




Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Ho, mia kor'

Verkis: Cícero Soares
sur poemo de L. L. Zamenhof

Ho, mia kor'!
Ne batu maltrankvile!
Ho, mia kor'!
El mia brusto nun
Ne saltu for!
Jam teni min
Ne povas mi facile!
Ho, mia kor'!

Ho, mia kor'!
Post longa laborado,
Ho, mia kor'!
Ĉu mi ne venkos
En decida hor'?
Sufiĉe!
Trankviliĝu de l' batado,
Ho, mia kor'!

Aŭdu kaj elŝutu mp3-dosieron de ĉi tiu kanto.
(AI-farita muzikaranĝo)

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).




Vidu aliajn komponaĵojn sur la sama teksto:
Ho! Mia kor'! (Markone Froes)
Ho, mia kor' (Neide Barros Rêgo)
Ho, mia kor'! (Dirce Sales)

Printempo

(Originala titolo: Gentil primavera)
Tradicia
Traduko: nekonata

Alvenis printempo
kun vesto tre riĉa
sur branĉoj de la arbaro
birdar' estas tre feliĉa.

De mil belaj floroj
kamparoj kovriĝas
de molaj belsonaj nestoj
arbar' vasta nun riĉiĝas.

Nun fluas serene
kun ĝoj' rivereto
ĉar en la tuta naturo
ekzistas dolĉa rideto.



Kantas kaj gitarludas: Flávio Fonseca

Vidu kaj elŝutu la partituron.

Vidu kaj elŝutu la muziktekston kun akordoj (x-sistemo).

Pastro Anton'

(Originala titolo: Frère Jacques)
Tradicia, franca
Traduko: nekonata

Ĉu vi dormas, ĉu vi dormas,
Pastro Anton', pastro Anton'?
Sonoriloj vibras, sonoriloj vibras:
Din-den-don, din-den-don.

Vidu kaj elŝutu la partituron.

Vidu kaj elŝutu la muziktekston kun akordoj (x-sistemo).




Vidu aliajn versiojn:
Bonan tagon
La fingretoj
Mia lunĉeto

Kiel citron'

(Originala titolo: Qui nem jiló)
Verkis: Luiz Gonzaga k Humberto Teixeira
Traduko: Querino Neto

Se venas memorspur' pro hazard'
Pri la amato de pasintec'
Saŭdado venas sen lament'
Por ke rezonu la hom',
Ke ĝi vivantas en bon'
Sen sufersenc'

Se tamen ni sopiras kun ard'
Al kiu aldestinas l' aprec'
Saŭdado samas al turment'
Min bone konas la sent'
Rompiĝas kor' en plurpec'

Ho, se revenus dekad'
De tiu amoburĝon'
Ne estus plu la saŭdad'
Acida kiel citron'
Sed sentoj agu laŭ dec'
Ne estu vea invad'
Saŭdado, jen rimedo: kantad'
Saŭdado, jen rimedo: kantad'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas: Querino Neto
Gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Direktoj

Verkis: Afonso Camboim

Voĉo kaj la gitar’
geedziĝas je sonar’,
lampir’ relumas dum
lumas ĉiele lun’.

Estas la verand’ anten’
de feliĉo, la haven’
de lumeroj de la sun’
reflektitaj de la lun’.

Kaj geamikoj la feston
faras, la ĝojo staras,
ridas kaj dancas kun ni.

Samkiel sonoj, la paroj
tutharmonie brakumas sin
- kisoj estas la vin’.

Samkiel sonoj la paroj
brakumas sin. La rezonoj
estas alia destin’.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Afonso Camboim)

Vidu kaj elŝutu la muziktekston kun akordoj (x-sistemo).

Rio

(Originala titolo: Rio)
Verkis: Roberto Menescal k Ronaldo Bôscoli
Traduko: Flávio Fonseca

Rio loĝanta en mar'
Ferias mi en Rio
Kiu ĉe la mar'
Havas florojn naskiĝintajn brunaj
En ĝardenoj sunaj

Rio de veluraj montoj
Ĝojkrias mi al Rio
Al ridetaj fontoj
Kiuj oras preskaŭ ĉiutage
Kaj ĝojas lum-image

Rio, mar',
Eterna en la amofar'
Mia Rio lunas
Amike, blanke, junas

Jen sun', jen sal', jen sud'
La manoj sin malkovras, blu-apud'
Pro tio mia Rio de l' virina belo
Tuj finas ĉiun senton de ia malhelo
Ne dormas mia Rio, ĉar neniam lacas,
Kaj Rio nur donacas

Ferio ĉe Rio
Mi, Rio,
Ferio ĉe Rio
Mi, Rio, mirio!


Rim (N.T.):
- "Rio" estas mallongigo de la urbonomo "Rio-de-Ĵanejro".
- "Mirio" estas libera uzo de la prefikso "miria/", kun la senco de "miriado".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

La bono

Verkis: Markone Froes

Faru la bonon ne rigardu al kiu
Fari la bonon, fari la bonon
Faru la bonon ne rigardu al kiu
Fari la bonon, fari la bonon

Vi povas alporti manĝon al kiu malsatas
Vi povas alporti veston al kiu frostas
Vi povas alporti konsolon al kiu suferas
Vi povas alporti la amon al kiu estas sola

Faru la bonon ne rigardu al kiu...

Ni povas ja kunligi la manojn
Kaj forgesi ĉiajn diferencojn
Farante la bonon ne rigardu al kiu
Kaj forgesante pri neniu

Faru la bonon ne rigardu al kiu...


Rim: Registrita en la albumo Ho! Mia kor'!, de bando Merlin. Brazila Esperanto-Ligo, 2002 (aĉetu ĝin ĉi tie).
Obs: Gravada no álbum Ho! Mia kor'!, da banda Merlin. Liga Brasileira de Esperanto, 2002 (adquira aqui).

Vidu kaj elŝutu la muziktekston kun akordoj (x-sistemo).

Marakangaljo

(Originala titolo: Maracangalha)
Verkis: Dorival Caymmi
Traduko: Flávio Fonseca

Jen mi al Marakangaljo iros
Jen mi blankauniforme iros
Jen mi kun ĉapelo pajla iros
Inviti Analjan ja mi iros

Se neos Analja, iros nur mi
Ja nur mi, ja nur mi
Se neos Analja, iros nur mi
Ja nur mi, ja nur mi
Sen Analja, iros mi



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Aŭdu

Verkis: Vitor Mendes

Aŭdiĝas la kanzon’
Kaj batas via kor’
Kantadas la natur’
Parolante pri am’
Do aŭdu ĉion ĉi
Kaj mian voĉon mi
Diradas pri la rev’
Ke mi vivu kun vi.

Kaj krias la pasi’
Kaj krias mia kor’
Kaj tiu povra kor’
Batadas pli rapide
Pro la am’ kaj pro amor'

Vi aŭdu
Ĉi kanzonon de mi
Vi aŭdu
Kion diras ja ĝi
Kaj aŭdu kion
Diradas mi
Vi aŭdu, ha vi aŭdu

Vi aŭdu, Gershwin aŭ Tom Jobim
Do aŭdu, ĉu kanzon' tuŝas vin?
Kaj sentu, kion ja diras ĝi
Vi aŭdu
Ho mi tre amas vin

Aŭdu kaj elŝutu mp3-dosieron de ĉi tiu kanto.
(Muzikaranĝita de artefarita intelekto)

Vidu kaj elŝutu la muziktekston kun akordoj (x-sistemo).

Kanzono

(Originala titolo: Modinha)
Verkis: Sérgio Bittencourt
Traduko: Elvira Fontes

Freŝa rozo ĉe fenestro
Naskas adoleskan revon
Kaj se knabo nun mi estus
Tiu roz' ne tie restus
Mi fiere ĝin donacus
Al l' unua amatino
Kaj per tiu malmultaĵo
Ja montriĝus mia am' (ja mia am')

Jen la sun' ĉe okcidento
Naskas maturecan revon
Mia voĉ' en voĉ' de l' vento
Serĉas vian silueton
Por vers' mia ĉagrenita
Ĉu ne estas plu pardon'?
Mi min perdas vin serĉante
Kaj min trovas en kanzon'

Ve, mi mortos, amatin'
Serĉante vane vin


Rim: La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi naskiĝis en Brazilo

Verkis: José Calixto k Marcos Viterbo

Mi naskiĝis en Brazilo,
Do mi estas brazilano.
Iĝis mi esperantisto,
Estas mi mondcivitano.

Estas mi person' libera,
Mi parolas belan lingvon
Kaj mi estas tre sincera.

Estas vi, brazilanino, mia espero
Vin revidi estas mia granda celo.

Mi naskiĝis en Brazilo,
Do mi estas brazilano.
Iĝis mi esperantisto,
Estas mi mondcivitano.

Vi delonge ne aperas
Kaj de kiam vi forestas
Mia kor' tre trista estas

Estas vi, brazilanino, mia espero
Vin revidi estas mia granda celo.


Rim: Registrita en la albumo Esperante: memeldona, 2002.

Vidu kaj elŝutu la muziktekston kun akordoj (x-sistemo).

La nambu-tinamo kaj la tinameto

(Originala titolo: O inhambu-chintã e o chororó aŭ Chitãozinho e Xororó)
Verkis: Athos Campos k Serrinha
Traduko: James Rezende Piton

Mi ne volas urban vivon
En bangalo aŭ domet'
Ĉar mi havas mian hejmon
Sub la pajloj de ĉalet'

Mi vivadas sen najbaroj,
For de ĉia societ'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Je l' alveno de l' mateno
Kantas kokoj en duet'
Triste hurlas la noktuo
En grenejo kun breĉet'

Trilas je la sunsubir'
Kripturelo sen egret'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Mi ne ŝatas ruĝan teron
Pro la polvo kiel kret'
Saltofestas en sablej'
Ĉiu gaja kolombet'

Kun plezur' ili petolas
Kvazaŭ sablo-kabaret'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Mi tre frue iras ĉasi
Kun la suno trans valet'
La pafilo kun kartoĉoj
Kaj ĉasujo por enmet'

Post preparo iras mi
Kun la hund' kaj ĉaskornet'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'

Kiam foje mi ekscias
Pri pli bona interpret'
Mia koro ŝanceliĝas
Kaj bedaŭras en sekret'

La suspiroj miabruste
Pikas pli ol bajonet'
Mi nur ĝojas pro la triloj
Trans la plej fora montet'

De l' nambu-tinam' kaj de l' tinamet'
De l' nambu-tinam' kaj de l' tinamet'


Rim (N.T.): La nambuo aŭ tinamo (Crypturellus tatauapa, kio inkluzivas ĝian tupian nomon), portugale: "inhambu-chintã" [injambu'-ŝintan'], estas birdo de la familio de Tinamedoj. La tinameto (Crypturellus parvirostris) estas la plej malgranda specio en la sama genro Crypturellus, kaj tiun ĉi oni i.a. nomas portugale: "inhambu-chororó" [injambu'-ŝororo']. Kripturelo (Crypturellus undulatus) estas alia tinamedo, en la portugala konata kiel "jaó" [ĵao']. Eksciu pli ĉi tie.

KURIOZAĴOJ:
- Aŭdu, kiel ili sonas: Tinamo - Tinameto - Kripturelo

- La tipa sono de tiuj birdoj en la naturo rekte inspiris la artan nomon de la fama sertaneca duopo Chitãozinho & Xororó.

CURIOSIDADES:
- Ouça como eles soam: Inhambu-chintã - Inhambu-chororó - Jaó

- O som característico dessas aves na natureza serviu de inspiração direta para o nome artístico da famosa dupla sertaneja Chitãozinho & Xororó.

Vidu kaj elŝutu la muziktekston kun akordoj (x-sistemo).

Gitaristo

Verkis: Flávio Fonseca sur poemo de Ewa Barbara Grochowska

La pluv' perlas sur la vitroj,
La pord' klakas pro ventblovo,
Falas notoj de l' pupitro
Kaj turniĝas en dancmovo.

Plor', plor', pluva plor'
Sol, sol, gama sol

Bruis ofte la aplaŭdoj
De publiko ensorĉata
Kaj famigis lin per laŭdoj
Grava homo tre konata.

Laŭd', laŭd', brua laŭd'
La, la, laŭta la

Sur la kordoj mal streĉitaj
Glitas fingroj de l' artisto.
Iam fama, nun perdita,
Ne plu lerta gitaristo.

Fam', fam', trompa fam'
Fa, fa, kurta fa

La gitaro plendas paŭte
Pro la ludo sen efiko.
Murhorloĝo tiktas laŭte,
Laŭ la ritmo de l' muziko.

Tiktak', re-tiktak'
Re, re, daŭra re

Li batalas kontraŭ sorto,
Kun en kapo sonoŝtormo,
Sed la korpo jam sen forto
Nur aspiras al la dormo.

Dorm', dorm', ŝtona dorm'
Do, do, longa do


Rim: Tiu ĉi kantoteksto ricevis la unuan premion en Belarta Konkurso de UEA en 2026, kaj Flávio estas invitita de BK-prezidanto verki la muzikon.
Obs: Esta letra de música foi premiada em primeiro lugar no Belarta Konkurso da UEA em 2026, e Flávio foi convidado pelo presidente do concurso a fazer a música.



Kantas kaj gitarludas: Flávio Fonseca

Vidu kaj elŝutu la partituron.

Vidu kaj elŝutu la muziktekston kun akordoj (x-sistemo).

Timo je pluvo

(Originala titolo: Medo da chuva)
Verkis: Raul Seixas k Paulo Coelho
Traduko: Vitor Luiz

Domaĝe, ke vi min vidas
kiel vian sklavon
Kaj diras, ke edzo mi estas,
ne povas foriri

Kiel ŝtonoj senmovaj sur plaĝo
Mi restas ĉe vi sen ia sci’
pri la amoj donitaj de l’ viv’
ne spertitaj de mi

Mi ja perdis la timon, la timon
la timon je pluvo
ĉar la pluvo revene sur teron
portas aeraĵojn
Mi ja lernis sekreton, sekreton,
sekreton de l’ vivo
revidante la ŝtonojn plorantaj
solecaj samloke

Mi ne povas kompreni amason
glutante mensogon,
Ke la revoj malfaras ja tion
diritan de l’ pastr’

ĉar ĵurante al vi mian amon
mi perfidis min mem
nun mi scias, ke neniu feliĉas
se amas je nur unu foj’, unu foj'

Vidu kaj elŝutu la muziktekston kun akordoj (x-sistemo).

Vagado

(Originala titolo: Andança)
Verkis: Danilo Caymmi k Edmundo Souto k Paulinho Tapajós
Traduko: James Rezende Piton

Tra vasta sabloplaĝ'
Sub lum’ de l’ lun', miraĝ',
Grandega resopiro...
Vaganta ĝis l’ alven',
En robo el saten',
La dekstra man' kun rozoj,
Pluos mi

Jen la milda luno (konduku min),
Ĝi verŝas sin,
Sub lunlum' ripozas
Mia destin' (karul')
Kun rigardo festa
Venis sopir' (konduku min)
Pri kanzon' modesta
El mia lir' (en ĉiu lok' estu ni duop')

Mi jam tre batalis (konduku min)
Pro nekonsci'
Ke ĉi-lande vivas
Mia pasi' (amor')
Kaj senfina estas
Mia vojaĝ' (konduku min)
Nur la am' instruas
Pri l' cela saĝ' (en ĉiu lok' estu ni duop')

En rondo rondis mi
Laŭmode dancis pli
Lacigis min izolo
Per versa artifik',
Kun reĝa koramik',
En voja parabolo
Iris mi

Laŭ la vojirado (konduku min)
Antaŭas mi
Kune kun l' amat'
Kiel kompani' (amat')
Mi venis aŭdace
Kun mia kant'(konduku min)
Senkapitulace
Mi, la spitant' (en ĉiu lok' estu ni duop')


Rim: Partituroj de tiu ĉi muzikaĵo (ankaŭ korusa) estas disponeblaj ĉe Klubo Brazila Muziko.
Obs: Partituras desta música (inclusive para coral) estão disponíveis no Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).