Doloreto

(Originala titolo: Dorzinha aŭ Lembre)
Verkis: nekonata
Traduko: Flávio Fonseca

Kiam doloreto venos al la kor'
Kun ĝi la sufero, kaj kun ĝi la plor'

Memoru, ke el ĉielo iu gardas vin
Kun amega inklino, kun am', kun inklin'
Iu gardas vin
Kun amega inklino, kun am', kun inklin'

Kiam la malĝojo frapos je la pord'
Ne senesperiĝu, kantu en akord'

Memoru...

Metu belan ridon sur via mieno
Lasu ke la larmoj lavu la ĉagrenon

Memoru...



Voĉo: Eveline Paŭla
Gitaro: Flávio Fonseca

Vidu kaj elŝutu la muziktekston kun akordoj (x-sistemo).

Kiu la sunon faris?

(Originala titolo: Quem fez o grande sol?)
Verkis: nekonata
Traduko: Eveline Paŭla

Kiu la sunon faris?
Kiu la arbojn faris?
Kiu la birdojn faris
Kaj faris min?

Dio la sunon faris por brilad',
Dio la arbojn faris por dormad',
Dio la birdojn faris por flugad'
Kaj faris min por la amad'!

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Flávio Fonseca)

Vidu kaj elŝutu la partituron.

Vidu kaj elŝutu la muziktekston kun akordoj (x-sistemo).

Mia bon', mia malbon'

(Originala titolo: Meu bem, meu mal)
Verkis: Caetano Veloso
Traduko: Flávio Fonseca

Vi estas mia vojo
La ĝojo, kaj arto
Ekde la starto mi volas vin

Balzamo kaj benigno
La signo, kaj zeno
Sekurhaveno kvazaŭ patrin’

La tim’ kaj ocean’
La vin’ kaj la ĉampan’
Vizio de senfinastral’
Dronigo kaj apogo
Tabako kaj la jogo
Vi estas mia drogo
Pasi’ kaj karnaval’

La bon’, malbon’, la mal’


Rim: Astralo = spirita mondo (laŭ Dicionário Português-Esperanto de A. K. Afonso Costa)

Registrita de kantistino Luanda Cozetti en albumo Vinilkosmo-kompil' Volumo 2, en Julio 1996.
Albumo disponebla ĉe Vinilkosmo.



Kantas: Luanda Cozetti
Muzikaranĝo: Flávio Fonseca



Kantas: Eveline Paŭla
Gitaro: Flávio Fonseca

Vidu kaj elŝutu la muziktekston kun akordoj (x-sistemo).

Alfabeta muziko

Verkis: nekonata

Amiketoj kantu ni
Nian gajan ABC

A B C Ĉ D E F
G Ĝ H Ĥ I J Ĵ
K L M N O P R
S Ŝ T U Ŭ V Z

Amiketoj kantu ni
Pli rapide sed ne tro

A B C Ĉ D E F
G Ĝ H Ĥ I J Ĵ
K L M N O P R
S Ŝ T U Ŭ V Z

Amiketoj tre rapide
Tuj kaj senerare, do

A B C Ĉ D E F
G Ĝ H Ĥ I J Ĵ
K L M N O P R
S Ŝ T U Ŭ V Z



Kantas kaj gitarludas: Eveline Paŭla

Vidu kaj elŝutu la muziktekston kun akordoj (x-sistemo).

Mia amatino

(Originala titolo: My Bonnie lies over the ocean)
Tradicia
Versio: Jair Salles

Sur' mar' amatin' mia iras.
Sur la ocean' iras ŝi.
Sur' mar' amatin' mia iras.
Ho! Alportu ŝin nun al mi!

Al mi, al mi...
Ho! Alportu ŝin nun al mi! Al mi!
Al mi, al mi,
Ho! Alportu ŝin nun al mi!


Rim: Tiu ĉi tradukaĵo troviĝas en la libro Esperanto Conversacional - Curso Básico, de Jair Salles.



Kantas kaj gitarludas: Eveline Paŭla

Vidu kaj elŝutu la muziktekston kun akordoj (x-sistemo).

Mi laboras en fervojo

(Originala titolo: I’ve been working on the railroad)
Tradicia
Traduko: Sylla Chaves

Mi laboras en fervojo,
en moderna trajn',
kaj rapide kaj kun ĝojo
mi vojaĝas ien ajn.

Vidas mi aŭtomobilojn
en pluraj vojoj de l' kampar';
en aer', aviadilojn;
ŝipojn, en la mar'.

El mia fervoj', el mia fervoj',
mi salutas vin kun granda ĝoj'.
El mia fervoj', el mia fervoj',
mi salutas vin kun ĝoj'.

Mi vojaĝas multe tra l' kampar'.
Mi vojaĝas ankaŭ ĉe l' mar'.
Kaj pejzaĝojn vidas mi kun klar'
el la supro de l' montar'.


Rim:
- El la libroj 100 jaroj da kantado, de Sylla Chaves: Kultura Kooperativo de Eo, 1989.
- Registrita en albumo akompana al lernilo Rapida Vojo al legado kaj kanto en Esperanto, de Sylla Chaves: Asocio Esperantista de Rio-de-Ĵanejro, 1999.



Kantas kaj gitarludas: Eveline Paŭla

Vidu kaj elŝutu la muziktekston kun akordoj (x-sistemo).

Movu kaj dancu

(Originala titolo: Pezinho -aŭ- Ai bota aqui o seu pezinho)
Verkis: Tradicia, rikoltita de Paixão Côrtes
Traduko: Eveline Paŭla

Movu kaj dancu vian dekstran piedeton

Al la maldekstra piedo faru same

Levu la manon al l' aero

Brakumu vian amiketon

Elektu iun nekonata
Kaj daŭrigu la danceton!


Rim: Tiu ĉi kanto estas tradukita el versio de la originala.

Kantas kaj gitarludas: Eveline Paŭla

Vidu kaj elŝutu la muziktekston kun akordoj (x-sistemo).




Vidu alian version:
Piedeto