Mi diris ĝis

(Originala titolo: Eu disse adeus)
Verkis: Roberto Carlos k Erasmo Carlos
Traduko: Flávio Fonseca

Mi diris ĝis
Mi mem ne kredis tion
Sed mi diris ĝis
Kaj vidis sur la planko
Miajn revojn dise
Mi diris ĝis
Al iluzioj kaj
Al reva mis'

Mi diris ĝis
Kaj vidis tutan mondon
Fali do sur min
Mi volis nur feliĉon
Sed jen mia fin'
Mi mem kondamnis min
Nur al memor', nur al memor'

Ja certe tristos vidi sole
Ĉion kio estis de ni du
Sed ja pli bonis diri ĝis en tiu horo
Anstataŭ plori plu

Mi diris ĝis
Mi mem ne kredis tion
Sed mi diris ĝis
Mi tretis sur la iluzi'
Kaj reva mis'
Alvenis plor'
Kaj malgraŭ ĝi mi diris ĝis
Mi diris ĝis

Vidu kaj elŝutu la muziktekston kun akordoj (x-sistemo).

Detaloj

(Originala titolo: Detalhes)
Verkis: Roberto Carlos k Erasmo Carlos
Traduko: Marcos Campos

Klopodoj por forgesi min ne taŭgos ja,
Ĉar longe restos mi en viaj menso kaj vivad’.
Detaloj tiel simplaj pri ni du,
Fariĝas tiom gravaj pri l’ forges’,
Kaj ofte restos en via memor’
Vi sentos, jes.

Se alia longharulo ekaperos sur la strato,
Kaj tio portos saŭdadon al vi, jen nur vi kulpas;
La brua ronko de l’ veturil’ lia
La senkolora pantalono, vere pro l’ malnov’
Do, senprokraste mi ĉeestos en
Via memor’.

Se iu tuŝos vin samkiel mi, diru nenion,
Ĉar tiel vi evitos voki min, anstataŭ tiun.
Pensante ĝui amon dum moment’
Klopodas vi aflikte ĝis la fin’,
Kaj tiam eĉ dum momento pensos
Vi je mi.

Mi scias, ĉi detaloj malaperos tra la vojo
De l’ tempo kiu ŝanĝas amon je preskaŭ nenio.
Sed tio ankaŭ estas la detal’
Ĉar granda amo daŭre vivos ja,
Kaj vi pro tio rememoros min
Dum la vivad’

Klopodoj por forgesi min ne taŭgos ja,
Ĉar longe restos mi en viaj menso kaj vivad’...
Klopodoj por forgesi min ne taŭgos ja,
Ĉar longe restos mi en viaj menso kaj vivad’...



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Detaloj

Detaloj

(Originala titolo: Detalhes)
Verkis: Roberto Carlos k Erasmo Carlos
Traduko: Vitor Mendes

Ne finsukcesos via pen’
Forgesi min
Dum multa tempo vivos mi ĉe vi
En via sin' 
Detaloj tre malgrandaj de ni du
Al ni ne eblas tute la forges’
Kaj ĉiun horon venos tiuj ĉi
Al vi sen ĉes’.

Se iam venos al vi multharulo
Kun trajto mia,
Kaj tio portos al vi resopiron,
Kulp’ estos via,
Kaj li parolos Esperanton kiel mi
Kaj t-ĉemizojn esperantajn uzos li
Kaj tiam certe tuje via pens’
Estos pri mi.

Mi scias ke alia vir’ vin flatas
Ĉe la oreloj
Per amaj vortoj same kiel mi
Tio estas ŝeloj
Nur ŝeloj ĉar ne estas mia am’
Kaj eĉ forgeso mia de l’ akuzativ’
Kaj jen ĉi hore estos mi
En via viv’...

En via ĉambro estos vi en pens’
Solecan nokton
Serĉanta sopirante antaŭ dorm’
La mian foton,
Sed ja ne estas mi sur foto ĉi
Sed la rideton mian vidos vi
Kaj ĝuste tiam tuta via pens’
Estos pri mi.

Se iu tuŝos vian korpon kiel mi
Restu silente
Ne diru mian nomon nekonscie
Maldiligente
Juĝante ke vi tiam havas amon
Malesperante vi klopodas ĝis la fin’
Kaj ankaŭ tiam jen ne povos vi
Forgesi min

Detaloj tiaj malaperos ja
Dum viv’ pro tio
Ke l' tempo-strat' kondukas amon al
Preskaŭ nenio;
Sed estas “preskaŭ” ja plia detalo
Al granda am’ ne eblas veni ajna fin’
Pro tio ĉio vi neniam plu
Forgesos min

Ne finsukcesos via pen’
Forgesi min
Dum multa tempo vivos mi ĉe vi
En via sin'
Ne finsukcesos via pen’
Forgesi min...



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Detaloj

Sub bunta beleco de hararo via

(Originala titolo: Debaixo dos caracóis dos seus cabelos)
Verkis: Roberto Carlos k Erasmo Carlos
Traduko: Mikaelo Bronŝtejn

Do kiam la blankan sablon tuŝetos via pied’
Kaj iĝos hararo via de l’ blua marakvo pred’
Ovriĝos fenestroj kaj pordoj tuj kun ĝojo pro via ven’
Kaj ploros vi kun rideto, veninte al hejma ben’

Sub bunta beleco de hararo via
Ja sin kaŝas histori’ el la mondo malproksima
Sub bunta beleco de hararo via
Ja sin kaŝas la deziro resti por moment’ intima

En strato kie vi iras, kaj ankaŭ en via hejm’
La lumoj kaj la koloroj ja eble fascinaj plej
Ne tuŝas sopiran rigardon per alvoko de la feliĉo
Vi revas pri l’ hom’ alia, vi revas pri l’ renkontiĝo.

Sub bunta beleco de hararo via...

Estas trista via rigardo dum promen’ tra l’ posttagmezo
Bruston vian plenigas revoj kaj la sopira pezo
Sed en iu ajn tago venos vi kun ridet’ iriza
Laŭ la blanka sablo paŝos, laŭ via mond’ paradiza.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi amis tiom

(Originala titolo: De tanto amor)
Verkis: Roberto Carlos k Erasmo Carlos
Traduko: Flávio Fonseca

Ha, mi venis tien ĉi
Nur adiaŭi vin
Kaj ĉiujn lastajn vortojn de ĉi amo, vi
Ja aŭdos en la fin'

Mi vin amis tiom, ke
Mi iris trans la mez'
Neniu povas ami tiel kiel mi
Kaj mi konfesas nun, jen tiu la frenez'

Mi rigardos vin en la
Momento adiaŭi vin
Mi denove ploros, ha,
Kiam vi rigardos min, rigardos min

La saŭdado venos, do
Mi petas je favor'
Permesu min almenaŭ vidi vin en for'
Pardonu, venkos min silente mia plor'



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Se vi pensas

(Originala titolo: Se você pensa)
Verkis: Roberto Carlos k Erasmo Carlos
Traduko: Flávio Fonseca

Se vi pensas, ke el mi vi faros ĉion
Kion faras vi el tiuj vin amantaj
Sciu, ke se vi deziras resti kun mi
Vi nepre ŝanĝiĝu

En la estonto ĉio fariĝos malsama
Vi nepre lernos esti pli ama
Orgojlo via valoras ne plu! Ne plu!

Dum la tuta vivo lernoj pli validos
Por ke vi komprenu bonon por destino
Des pli bone se rapide vi decidos
Antaŭ la fino

Vi ja ne scias, neniam eĉ klopodis scii
Ke kiam amo povas emocii
Nur gravas la feliĉo kaj ne plu! Ne plu!

Vidu kaj elŝutu la muziktekston kun akordoj (x-sistemo).

Fidinda amiko

(Originala titolo: Amigo)
Verkis: Roberto Carlos k Erasmo Carlos
Traduko: Flávio Fonseca

Ho, mia fidinda amik', mia frat', kamarado
Amiko de multaj vojaĝoj kaj tiom da padoj
Kun kapo matura, sed kun koro de nur infano
Vi estas ĉiame apude en ĉiu irado

Memoras mi pri ĉiu lukto, ho bona kompano
Vi pli ol plurfoje montriĝis ja vera humano
La koro en vi estas domo kun pordoj apertaj
Amiko, vi estas plej certa en horoj necertaj

Kelkfoje en certaj momentoj malbonaj de l' vivo
Dum kiuj mi iun bezonas por la defensivo
Do via parola fortigo, tenero kaj fido
Min helpas kompreni, ke mankis neniam la rido

Ho, mia fidinda amik', mia frat', kamarado
Brakumo kaj rido festema pro vera saŭdado
Vi ĉiam malkaŝas la veron per frazoj tre spertaj
Amiko, vi estas plej certa en horoj necertaj

Ne bezonas diri mi
Tiel simplan ĉi lirikon
Sed mi ĝojas pro la sci'
Ke vi estas ja amiko

Ne bezonas diri mi
Tiel simplan ĉi lirikon
Sed mi ĝojas pro la sci'
Kiel gravas vi, amiko


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kiel grandas ĉi mia amo al vi

(Originala titolo: Como é grande o meu amor por você)
Verkis: Roberto Carlos
Traduko: Vitor Mendes

Mi havas multon por dir' al vi, sed ja pervorte ne povas mi
Kiel grandas ĉi mia amo al vi
Kaj ne ekzistas ia kompar', por vin klarigi, ne estas ja
Kiel grandas ĉi mia amo al vi
Nek la ĉiel', nek la stelar', kaj nek la mar', kaj la senfino
Nenio grandas pli ol ĉi am' en mia sino
Mi malesperas, ĉe la serĉado, por klarigado, por ke vi sciu
Kiel grandas ĉi mia amo al vi
Kaj ne forgesu, eĉ en momento, nenio grandas pli ol ĉi sento
Kiel grandas ĉi mia amo al vi
Ha kiel grandas ĉi mia amo al vi



Kantas kaj gitarludas: Vitor Mendes

Vidu kaj elŝutu la muziktekston kun akordoj (x-sistemo).




Vidu alian tradukon:
Kiom grandas mia amo al vi

La distanco

(Originala titolo: A distância)
Verkis: Roberto Carlos k Erasmo Carlos
Traduko: Flávio Fonseca

Vi neniam aŭdis ion plu pri mi,
Sed mi entenas vin ĝis nun, sen ĉes',
En la saŭdado de la resta am'.
Multa tempo pasis jam
Sen ia ajn forges'.

Mi plurfoje pensis pri reven',
Por al vi deklari, ke pluvivas am'.
Tamen la silento fortis pli
Kaj mi distance mortas
Ĉiutage sen via konsci'.

La postrestaĵojn de ĉi nia am'
En tempo vi forgesis sen permes'.
Mi dume vivas en tia etos',
Malgraŭ tiom da kaos',
Sen ia ajn forges'.

Mi plurfoje pensis pri reven'...

Mi volas diri al vi, nur ke mi
Klopodis ne plu ami, sen sukces'.
Se iam ajn pri mi do pensos vi,
Vi memoru: vivas mi
Sen ia ajn forges'.


Rim:
- Troviĝas karaokea video de tiu ĉi kanto ĉe Klubo Brazila Muziko.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Tem um karaokê desta música no Klubo Brazila Muziko.
- A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Tial mi kuras rapide

(Originala titolo: Por isso eu corro demais)
Verkis: Roberto Carlos
Traduko: Markone Froes

Mia amo ĉiam kiam mi ne vidas vin
kreskas la sopiro kiun mi sentas al vi
Do mi kuras rapide, suferas plu
Mi kuras rapide por vidi vin

Kaj vi ankoraŭ petas min por ne tiel kuri
Kara, mi ni plu eltenas vian foreston
Tial mi kuras rapide, suferas plu
Do mi kuras rapide por vidi vin

Se vi estas ĉe mi, mi kuras malrapide
Mi forgesas ĉion kaj ne vidas pasi la tempon
Sed se venas horo por konduki vin al hejmo
Tiam mi deziras ke venu tuj alia tago
Do mi kuras rapide, mi kuras rapide
Mi kuras rapide por vidi vin

Se vi vivus ĉiam apud mi, mi ne bezonus
motivon por kuri kaj mi malrapide irus
Mi ne kuris antaŭe
Nun mi kuras rapide
Mi kuras rapide por vidi vin
Mi kuras rapide, do mi kuras rapide
Mi kuras rapide por vidi vin



Kantas kaj gitarludas: Markone Froes

Vidu kaj elŝutu la muziktekston kun akordoj (x-sistemo).

Malgraŭ ke estu mi

(Originala titolo: Mesmo que seja eu)
Verkis: Roberto Carlos k Erasmo Carlos
Traduko: Vitor Mendes

Scias mi ke faris vi kastelojn
Ke pri la sav' de drako sonĝis vi
La iluzi' jen for
Vekiĝis vi kaj solas via kor'
Vi solas en silent' de via ĉambro
Kaj serĉas vi la glavon de l' savant'
Li en sonĝ' do malesperas
Neniam de l' rabobesto vin liberas
Soleco-best'.

Per fort' de mia ploro
Mi portas la varmon al ĉi via koro

Venu muziko
Kaj via mano

Filozofie poezie
De l' avino jen la diro
Estu vi kun la fuŝul' sed en kuniro
Bezonas vi ke estu homo kiun mastru vi
Malgraŭ ke ĉi ulo estu mi.

Ja homo kiun mastru vi
Ja homo kiun mastro vi
Malgraŭ ke estu mi

Vidu kaj elŝutu la muziktekston kun akordoj (x-sistemo).

Sciu vivi bone sur Ter'

(Originala titolo: É preciso saber viver)
Verkis: Roberto Carlos k Erasmo Carlos
Traduko: Vitor Mendes

Se imagas vi ke l' vivon
Faras ĝin la iluzi'
Povos vi iĝi freneza
Aŭ solece mortos vi
Estu zorga dum vivado
Por ke ne estu sufer'
Sciu vivi bone sur Ter'

Ĉiun ŝtonon sur la vojo
Povas vi fortiri ĝin
Pri la dornoj ĉe la floroj
Zorgu ke ne vundu vin
Inter bono kaj malbono
Vi elektu per la ver'
Sciu vivi bone sur Ter'

Sed se vi akompanos min
Ien ajn iros vi kun mi
Estos por mi do tiu voj'
La amo-ĝoj', la amo-ĝoj'

Sciu vivi bone sur Ter'
Sciu vivi bone sur Ter'
Sciu vivi bone sur Ter'
Sciu vivi bone sur Ter'
Bonu sur Ter'

Vidu kaj elŝutu la muziktekston kun akordoj (x-sistemo).

Vidu

(Originala titolo: Olha)
Verkis: Roberto Carlos k Erasmo Carlos
Traduko: Flávio Fonseca

Vidu, sciu ke vi estas tute
Tia kia iam revis mi
Via kapo plenas je problemoj
Tamen mi vin ŝatas tiel ĉi

Kun okuloj plenaj je koloroj
De espero propra nur al vi,
Kiuj portas miajn rememorojn
Pri revitaj tagoj, nur vizi'

Vidu, vivas vi de mi distanca
Trans la eblo tuŝi kaj ceter'
Mi, estinte ĉiam disonanca,
Mi ĵuras, mia am', nun tio estas ver'

Vidu, akompanu min mil fojojn
Estu mia amo kaj amor'
Sekvu apud mi sur miajn vojojn
Kaj dum tuta vivo ne plu plor'

Vidu kaj elŝutu la muziktekston kun akordoj (x-sistemo).




Vidu alian version:
Vidu

Ne forgesu pri mi

(Originala titolo: Não se esqueça de mim)
Verkis: Roberto Carlos k Erasmo Carlos
Traduko: Vitor Mendes

Kie vi estos, karin', ne forgesu pri mi
Se estas iu ĉe vi, ne forgesu pri mi
Mi volas nur ke mi estu, en via pensado
Ĉiam al mi venu pens' ke vi pensas pri mi

Kie vi estos karin', ne forgesu pri mi
Eĉ se en via ekzist' iu vin feliĉigas.
Se restas en via memoro
Malmulte el mia vol' al vi
Kie vi estos karin', ne forgesu pri mi.

Mi volas nur ke mi estu, en via pensado
Ĉiam al mi venu pens' ke vi pensas pri mi
Kie vi estos karin', ne forgesu pri mi
Kaj se memoros pri mi, ne forgesu vi ke
Mi ja ne povas forviŝi, vin for de mia vivo
Kie vi estos karin', ne forgesu pri mi


Rim (Noto de la tradukinto): Laŭ la kantist(in)o, la vorton "karin'" oni povas anstataŭigi per la ambaŭseksa "karul'".

Vidu kaj elŝutu la muziktekston kun akordoj (x-sistemo).

Malpermesata la fum'

(Originala titolo: É proibido fumar)
Verkis: Roberto Carlos k Erasmo Carlos
Traduko: Vitor Mendes

Malpermesata la fum'
Montras afiŝo sur mur'
Malpermesata la fum'
Ĉar ja estas fajra danĝer'
Sed afiŝo estas malutila afer'
Ĉar la braĝ' farota de mi estas ver'
Al fajrestingist' eblas ne
Al fajrestingist' eblas ne

Mi prenas belulinon
Kanzonon kantas mi
Al ŝi mi donas kison
Kun multa pasi'
La kis' elfajrerigas
La amikaro krias
Ke estas fajra danĝer'
Al fajrestingist' eblas ne
Ĉi tia kiso de mi al ŝi
Al fajrestingist' eblas ne
Ĉi ino, donis fajron al mi
Ĝoje bruligante iras mi plu kaj plu
Kaj ne atentante pri afiŝo sur mur'
Malpermesata la fum'

Vidu kaj elŝutu la muziktekston kun akordoj (x-sistemo).

Emocioj

(Originala titolo: Emoções)
Verkis: Roberto Carlos k Erasmo Carlos
Traduko: Flávio Fonseca

Estante tie ĉi,
Mi vivas en momento linda.
Rigardas mi al vi
Kun sama emoci' sentinda.

Pro tia ĉi sentivo
Ja neniam plu forgesos mi
Detalojn de la vivo,
Rakontojn, mi komentis pri.

Amikojn gajnis, jes,
Saŭdadon sentis, foririnte.
Kaj foje, kun permes'
Vi min observis plorridinte.

Mi scias, pro am'
Eblas ĉia spertar'.
Mi scias, ĉar jam
Samvaloras la par':
Se kun rid' aŭ agoni'
Nur travivitaj gravas la emocioj.

Pro tia ĉi sentivo
Ja neniam plu forgesos mi
Detalojn de la vivo,
Rakontojn, mi komentis pri

Mi tamen tie ĉi
Vivadas dum momento linda
Mi estas antaŭ vi
Kaj l' emocio ripetinda

Alvenas kun vivo
Krom ĉio la pac'
Kun fido l' aŭdac'
Optimisma sen lac'
Se kun rid' aŭ agoni'
Nur travivitaj gravas la emocioj.



Kantas k gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Emocioj

Emocioj

(Originala titolo: Emoções)
Verkis: Roberto Carlos k Erasmo Carlos
Traduko: Vitor Mendes

Estante tie ĉi
mi vivas ĉi belan momenton
Kaj mi rigardas vin
kaj emocioj portas senton
Ja multas emocioj
plurmomentojn ne forgesas mi
detalojn, historiojn
naskitajn de ni tie ĉi
Amikojn gajnis mi
Kaj pro saŭdado kor' doloris
kaj foje estis vi
vidanta ke mi rideploris
Mi scias pri l' am'
kion venas de ĝi
sufer' venis min
sed mi amis ja pli
ĉu mi ridis ĉu mi ploris
nur gravas ke la emoci' en mi floris.

Ja multas emocioj
plurmomentojn ne forgesas mi
detalojn, historiojn
naskitajn de ni tie ĉi
sed jen mi tie ĉi
momenton belan mi ĝuanta
kaj fronte mi al vi
la emociojn resentanta
kun ĉiu ĉi amo
venanta al mi
kun fido portanta
l' optimismon de Di'
ĉu mi ridis ĉu mi ploris
nur gravas ke la emoci' en mi floris
ĉu mi ridis ĉu mi ploris
nur gravas ke la emoci' en mi floris



Kantas k gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Emocioj

La montego

(Originala titolo: A montanha)
Verkis: Roberto Carlos k Erasmo Carlos
Traduko: James Rezende Piton

Mi sekvos plu
Lumon en la ĉiel'
Mi aŭdos plu
Voĉon, kiu min pelas
Grimpi plu
La montegon por ke
Mi troviĝu ĉe Dio por preĝ'

Mi krios plu
Por ke sciu la mond'
Kaj sekvu plu
Mian tutan grimpadon
Cele plu
Montri por klara vid'
Mian krion de amo kaj fid'

Mi petos plu
Ke la steloj kun brilo
Brilu plu
La infanoj ne ĉesu
Ridi plu
Kaj la homoj neniam
Forgesu pri sia dankem'

Mi tial diras:
Mi vin dankas, Sinjor', pro plia tago
Mi vin dankas, Sinjor', pro vidkapablo
Kio estus pri mi
Sen la fid' ekzistanta pri Vi?

Malgraŭ suferoj
Mi vin dankas, Sinjor', malgraŭ la ploro
Mi vin dankas, Sinjor', pro la konsci'
Ke ĉi-ĉio min montras la
Vojon celantan al Vi

Kaj kun ripet'
Mi vin dankas, Sinjor', pro plia tago
Mi vin dankas, Sinjor', pro sunleviĝo
Mi vin dankas, Sinjor'
Kun ripet', mi vin dankas, Sinjor'

Mi tial diras:
Mi vin dankas, Sinjor', pro ĉiuj steloj
Mi vin dankas, Sinjor', pro la rideto
Mi vin dankas, Sinjor'
Kun ripet', mi vin dankas, Sinjor'

Kaj kun ripet'
Mi vin dankas, Sinjor', pro plia tago
Mi vin dankas, Sinjor', pro la espero
Mi vin dankas, Sinjor'
Kun ripet', mi vin dankas, Sinjor'

Mi tial diras:
Mi vin dankas, Sinjor', pro la rideto
Mi vin dankas, Sinjor', pro la pardon'
Mi vin dankas, Sinjor'
Kun ripet', mi vin dankas, Sinjor'

Kaj kun ripet'
Mi vin dankas, Sinjor', pro la naturo
Mi vin dankas, Sinjor', pro simple ĉio
Mi vin dankas, Sinjor'
Kun ripet', mi vin dankas, Sinjor'

Vidu kaj elŝutu la muziktekston kun akordoj (x-sistemo).

Via stultec'

(Originala titolo: Sua estupidez)
Verkis: Roberto Carlos k Erasmo Carlos
Versio: Wel

Ho am', ho-ho-ho-ho, ho am'
Mi nur petas ke vi kredu min
Ĉar neniam povos esti fin' al ama kor'
Preteraŭskultu ies miskomenton, atenton
Pro via stultec' vi ne vidas ke mi vin amas

Ho am', ho-ho-ho-ho, ho am'
Estu saĝa eĉ se por moment'
En sol' vivu l' stultaj, en sensent', sen amoĝu'
Vi zorgu ne minuton tiel vivi
Atentu ĉar
Stulto vin blindigos, kaj mi ĉe l' flank' por vin ami
Kiomfoje estis mia vol'
Diri ke sen kelke da kontrol'
La decidoj povas tute fuŝi pro frivol'
Jes, kalkulu ĝis la tri
Ne timu se necesas pli
Pensu, repensu
Mi ripetas al vi
Mi vin amas

Ho am', ho-ho-ho-ho, ho am'
Kiel eblas tia sensentem'
Kial iĝi blinda ĝis ekstrem', ho ve, ho ve
La am' de mi al vi estas pli granda ol ĉio
Sed pro via stultec' vi ne vidas ke
Mi vin amas

Vidu kaj elŝutu la muziktekston kun akordoj (x-sistemo).

Vidu

(Originala titolo: Olha)
Verkis: Roberto Carlos k Erasmo Carlos
Traduko: Vitor Mendes

Vidu ĉion kion havas vi
Ĉion kion iam revis mi
Via kapo plenas je problemoj
Sed ne gravas se estas tiel ĉi

La okuloj plenaj je espero,
kun ĉi tiu nur de vi kolor',
kion volis iam esti mi
Vi alportas al mia memor'

Vidu vian vivon malproksiman
Trans la limo de mia konker'
Mi estinte ĉiam malkonstanta
Nun ĵuras mia am' ke nun estas ja ver'

Vidu, ĉe mi venu, ien ajn
Por esti amata en ĉi trajn'
Kiu portos nin en ama vojo
Kaj la viv' en am' estos la gajn'

Vidu kaj elŝutu la muziktekston kun akordoj (x-sistemo).




Vidu alian version:
Vidu