Tervento

(Originala titolo: Terral)
Verkis: Ednardo
Traduko: Tarcísio Lima

Mi restus ĉe l’ plaĝoj blankaj
La sopirdona dunar’
Mia rigardo tre lacas
Senfine serĉe de l’ mar’
Ĉielo plenas je pac’
Sen kamentub’ aŭ fummaso
Ĉebruste jen misoj mil
Enlande plenas april’

Jen mia mana malpleno
Suna, sabla malĝeno
Ame-rima son’
Ame-riĉa sun’
Amerika Sud’!
Jen mi la kremo de l’ krizo
Mi la kromo de l’ grizo
Jen mi Ceara’!

Vilaĝ’, vilaĝeto
Mi ĉepordas kun peto
Antaŭ la vila’!
Kontraŭ la vila’, ve al la vila’!
Jen mi la kremo de l’ krizo
Mi la kromo de l’ grizo
Jen mi Ceara’!

La Plaĝo “de l’ Futur’”
Lumturoj praa kaj nova
Okuloj de l’ mar’
La okuloj de l’ mar’
La okuloj de l’ mar’
La praa mallumigita
Kaj la nova ŝaltita
Vivo blovas ĉi kaj for
Memlume, subfrumatene
Korpe ŝvite ĝuplene
Sursable finas amor’


Rim: Vidu karaokean videon de tiu ĉi kanto ĉe Klubo Brazila Muziko.
Obs: Veja o vídeo de karaokê desta música no Klubo Brazila Muziko.




Kantas kaj gitarludas: Vicente Sales



Kantas kaj gitarludas: Tarcísio Lima

Vidu kaj elŝutu la muziktekston kun akordoj (x-sistemo).

Ho pluvo

(Originala titolo: Oh! Chuva)
Verkis: Luís Carlinhos
Traduko: Flávio Fonseca

Vi, kiu ial timas pluvon
Vi ne faritas el paper'
Kaj ne estas miele fragila
Ĉar vi ne estas el suker'

Vi provu iam bani sin de la pluvo
Ekkoni energion el la ĉiel'
La energion de ĉi akvo plejsankta
Kiu nin benas tute ĝis orel'

Ho pluvo
Mi petas, ke lantiĝu la fal'
Nur malsekigu ĉiujn per la ĝojo
Kaj neniam plu la mal'
Kaj neniam plu la...

Ho pluvo!


Rim: Troviĝas karaokea video de tiu ĉi kanto ĉe Klubo Brazila Muziko.
Obs: Veja o vídeo de karaokê desta música no Klubo Brazila Muziko.

Vidu kaj elŝutu la muziktekston kun akordoj (x-sistemo).

Letero al la misiuloj

(Originala titolo: Carta aos Missionários)
Verkis: Cal Galvão k Marcelo Hayena k Nilo Nunes
Traduko: James Rezende Piton

Misiuloj de sendia mond'
Fidissemantoj de la amdetrua ond'
Venas al la mond’ sen hezito:
La morto, malpaco, avido, milito
(milito)

Misiuloj en misi’ sinmortiga
Infanoj infanojn
Atakas aliligajn
Generaloj tra la tuta mond’
Beluniforma, medalara rond',
Sin prezentas en odiseo
La gloraĉe sanga spur' de armeo.

El la diversaj mondpartoj
En sia nur sencela pad'
Tiel pluiras la homaro
En reciproka vorvorad'
Mi alkriis horizonton
Tamen mankis la respond'
Kun la ferm' de l' okuloj, ties voĉ'
Min frapis laŭ ond'


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Nigra ŝafo

(Originala titolo: Ovelha negra)
Verkis: Rita Lee
Traduko: Laís Lyra

Facile kondukis mi la vivon
Mi ŝatis ripozon kaj trankvilon
Ho Di’ tiom da pasinta temp’
Nesciante
Uh uh
Al mi tiam diris mia patro:
“Vi inter ni estas nigra ŝafo
Jam estas momento por ke vi
Konsciiĝu”
Uh uh
“Foriru”

Kara, kara
Voki efikas ja ne!
Se perdita oni estas
Kaj sen loko en la Ter'
Kara, kara
Atendi indas ja ne!
Forkapigu tiun penson
Kaj ordiĝos la ceter’


Rim: Vidu karaokean videon de tiu ĉi kanto ĉe Klubo Brazila Muziko.
Obs: Veja o vídeo de karaokê desta música no Klubo Brazila Muziko.



Kantas: Laís Lyra
Gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Dri

(Originala titolo: Drão)
Verkis: Gilberto Gil
Traduko: Flávio Fonseca

Dri,
La amo nia estas gri'
Nur semo de la iluzi'
Nur post la morto ĝermas pli
Transloke kiel plant'
Renaskas el la plank'
Pro nia prisemumo
Neniu povus tro
Mortigi amon do
Sur nia lito pluma
Suma litanio
Tra la voj' senluma

Dri,
Ne longe pensu tiel pri
Separo aŭ korŝiro vi,
La vera am' ne estas ĉi
Ĝi estas infinito
Ega monolito
Nia arkitekturo
Neniu povus tro
Mortigi amon do
Sur nia lito dura
Lito el tatamo
Tra la vivo tuta

Dri,
Gefilojn plene benas san'
La pekoj estas nur de mi
Konfesis ĉion mi al Di'
Necesas ne pardon'
Pro tio nur la don'
De la kompato jam
Neniu povus tro
Mortigi amon do
Se amo estas gri'
Mortas, iĝas greno
Vivas kiel pan'
Dri


Rim:
- La originala titolo, Drão, estas mallongigo de Sandrão, karesa nomo de Sandra Gadelha (foto), eks-edzino de Gilberto Gil. En Esperanto, Dri povas esti konsiderata kiel mallongigo de Adriana, aŭ Adrianino.
- La partituro de tiu ĉi muzikaĵo estas disponebla ĉe Klubo Brazila Muziko.
- Troviĝas karaokea video de tiu ĉi kanto ĉe Klubo Brazila Muziko.
Obs:
- O título original, Drão, é uma abreviatura de Sandrão, nome carinhoso de Sandra Gadelha (foto), ex-esposa de Gilberto Gil. Em Esperanto, Dri pode ser considerado como abreviatura de Adriana, ou Adrianino.
- A partitura desta música está disponível no Klubo Brazila Muziko.
- Veja o vídeo de karaokê desta música no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Trairado

(Originala titolo: Travessia)
Verkis: Milton Nascimento k Fernando Brant
Traduko: Marcos Campos

Kiam vi forlasis min, tuj
Malheliĝis mia viv’
Malgraŭ mia korforteco
Multe ploris mia kor’
Jam ne estas domo mia
Nek ĉi lokon havas mi
En soleco, mi suferas
Mi parolos do al vi

Jen survoje mi krias
Halti ne volas mi
El ŝton’ estas la vojo
Kiel revi pri ĝi?
El venteto konsistas
Mia revo jen ĝi
Haltos mi mian kanton
Kaj ĉe l’ fin’ mortos mi

Iras mi tra vivo mia
Dum forgesas vin en kor’
Ne deziras mi la morton
Sed vivadi kun honor’
Daŭre mi deziras ami
Sed mi ne suferos tro
Mi ne revas, mi konstruas
Mian vivon per klopod’


Rim: Vidu karaokean videon de tiu ĉi kanto ĉe Klubo Brazila Muziko.
Obs: Veja o vídeo de karaokê desta música no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Trairado
Trairado

Strata foiro

(Originala titolo: Feira de mangaio)
Verkis: Sivuca k Glorinha Gadelha
Traduko: Flávio Fonseca

"Tabakorulon, ŝarĝosel-jungilon
Mi havas por vendi, prenu jam!
Maizan kukon, panon, kamomilon
Mi havas por vendi, prenu jam!
Arakidaĵon, rosmarenon, grion...
Bubeto iru for, necesas laborad'!"
Kaj Ze' kuradis al la birdsekcio,
Kaj ĉien flugis time tuta la birdar'.
Vendejeto estis en la stratangulo,
Kien foiristo iris por drinkad',
Sukerkana brando kun rostita birdo,
Kaj sekvi Marian de Ĵoa'.

"Ĉevalan lonĝon, selrimenon, tolon
Mi havas por vendi, prenu jam!
Farunon, sukerbrikon, graviolon
Mi havas por vendi, prenu jam!
Meĉon de lampo, poton de argilo..."
"Mi bedaŭrinde devas tuj reiri al
Mia bieno, tiri la plugilon,
Sed ne kondukas tien mia trensandal'."
Akordionisto en la stratangulo
Ludas melodion bonan por dancad'.
Zefa de Purcina faras sian punton,
Kaj ronko de l' balgo vekas: ha!


Rim:
- Ze', Maria de Ĵoa' kaj Zefa de Purcina - tipaj nomoj en nordoriento de Brazilo.
- La partituro de tiu ĉi muzikaĵo estas disponebla ĉe Klubo Brazila Muziko.
- Vidu karaokean videon de tiu ĉi kanto ĉe Klubo Brazila Muziko.
Obs:
- Ze', Maria de Ĵoa' e Zefa de Purcina - nomes típicos no nordeste do Brasil.
- A partitura desta música está disponível no Klubo Brazila Muziko.
- Veja o vídeo de karaokê desta música no Klubo Brazila Muziko.

Vidu kaj elŝutu la muziktekston kun akordoj (x-sistemo).

Maria, Maria

(Originala titolo: Maria, Maria)
Verkis: Milton Nascimento k Fernando Brant
Traduko: Querino Neto

Maria, Mari'
estas dota, jen certe magia
la forto nin lertiganta
ŝi, la virin', kiel ajna alia, alia
ĝoj-plena, merite amanta

Maria, Mari'
estas son', la kolor' kaj l' odor'
jen la dozo plej forta, lanta
de ploro anstataŭ rido
de tuta homar'
ne plenviva: la vivon paŭsanta

Tamen necesas la forto, necesas kuraĝo
necesas sinteno tia:
havi surkorpe cikatron
Maria, Maria
samtempe funebra-gracia

Tamen necesas la sorto, necesas la saĝo
necesas la beno Dia:
havi surhaŭte cikatron
la pursinonimo de l'
esto porĉiame pia


Rim: Vidu karaokean videon de tiu ĉi kanto ĉe Klubo Brazila Muziko.
Obs: Veja o vídeo de karaokê desta música no Klubo Brazila Muziko.



Kantas kaj gitarludas: Ana Paula Pose

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).

Kiseto dolĉa

(Originala titolo: Beijinho doce)
Verkis: Nhô Pai
Traduko: Vitor Mendes

Ho, kiseto dolĉa
De l’ amatino
Post ke mi kisis ŝin
Estas am’ en mia sino

Ho, dolĉa kiseto
Ĉi tiu faceto
De mia pasi’
Ŝi forte brakumas
Kaj jen vivo lumas
Pro kiso de ŝi

Al am’ ni fordonas
Kaj la kor’ ordonas
Se mi ĉe ŝi estas
Kaj kiso forestas
La kor’ plende spronas


Rim: Troviĝas karaokea video de tiu ĉi kanto ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).

La distanco

(Originala titolo: A distância)
Verkis: Roberto Carlos k Erasmo Carlos
Traduko: Flávio Fonseca

Vi neniam aŭdis ion plu pri mi,
Sed mi entenas vin ĝis nun, sen ĉes',
En la saŭdado de la resta am'.
Multa tempo pasis jam
Sen ia ajn forges'.

Mi plurfoje pensis pri reven',
Por al vi deklari, ke pluvivas am'.
Tamen la silento fortis pli
Kaj mi distance mortas
Ĉiutage sen via konsci'.

La postrestaĵojn de ĉi nia am'
En tempo vi forgesis sen permes'.
Mi dume vivas en tia etos',
Malgraŭ tiom da kaos',
Sen ia ajn forges'.

Mi plurfoje pensis pri reven'...

Mi volas diri al vi, nur ke mi
Klopodis ne plu ami, sen sukces'.
Se iam ajn pri mi do pensos vi,
Vi memoru: vivas mi
Sen ia ajn forges'.


Rim:
- Troviĝas karaokea video de tiu ĉi kanto ĉe Klubo Brazila Muziko.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Tem um karaokê desta música no Klubo Brazila Muziko.
- A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Ekspresa trajno

(Originala titolo: Trem bala)
Verkis: Ana Vilela
Traduko: Jorge Teles

Ne gravas, ke vi posedu la homojn de la tuta mond’.
Sed gravas la scio, ke ie vi trovos zorganton pri vi .
Kaj gravas la kanto kaj aŭdo de io krom la propra voĉ’
Kaj gravas dancado sub pluvo de vivo, falanta sur nin,

Gravas scio pri senfina sento
Ene de ĉi vasta bela universo, kaj scio pri sonĝ’.
Pli gravas ke vi valorigu
Ĉiun verson de tiu poemo pri la homa fid’.

Kaj ne gravas atingi supraĵon de l’ mond’ kaj scii pri venk’.
Sed gravas grimpado kaj sento, ke l’ vojo tre fortigis vin.
Estu vi rifuĝejo kaj samtempe loĝu en alies kor’
Tiele vi havos amikojn ĉe vi dum la tuta temp’.

Neniu rajtas ĉion havi,
Ĉu ne estus enua la mondo laŭ ĉi manier’?
Ridetojn preferas mi ĉiam
Kaj donacojn, senhalte portitajn de l’ vivo por mi.

Ne temas pri ĉio, de vi aĉetebla ja per via mon’
Kaj jes nur pri ĉiu rideta momento por la kunvivad’
Kaj ankaŭ ne temas pri kuro despera por tuta posed’
Ĉar neatendite la vivo jam iras, la viv’ estas for.

Fileton vi prenu ĉebruste
Kaj ridante brakumu vivantajn gepatrojn ĉe vi.
La viv’ estas ekspresa trajno,
Amik’, kaj ni nuraj pasantoj al la forvetur’.

Laja’ laja’ laja’ laja’ laja’
Laja’ laja’ laja’ laja’ laja’

Fileton vi prenu ĉebruste
Kaj ridante brakumu gepatrojn vivantajn ĉe vi.
La viv’ estas ekspresa trajno,
Amik’, kaj ni nuraj pasantoj al la forvetur’.


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Aŭdu kaj elŝutu mp3-dosieron de ĉi tiu kanto.
Muzikaranĝita de artefarita intelekto.

Vidu kaj elŝutu la muziktekston kun akordoj (x-sistemo).

Studenta koro

(Originala titolo: Coração de estudante)
Verkis: Wagner Tiso k Milton Nascimento
Traduko: Paulo Nascentes

Ion paroli mi volas
Kien ĝi estas iranta
En la brust’ eble ĝi staras
Aŭ aeren ĝi flosadas
Povas esti niaflanke
Pli apude ol supoze
La foli’ de l’ junular’
Jen ĝusta nomo de ĉi am’

Jam stuciĝis la momentoj
Devojiĝis la destino
Ĉi rideto de knabino
Jam plurfoje kaŝis sin
Sed l’ espero renoviĝas
Jen l’ aŭroro brile iĝas
Nepras zorgi pri la sproso,
Por ke vivo ĉe ni floru, ĝi fruktu

Koro de l’ studentaro
Nepras zorgi pri la vivo
Nepras zorgi pri la mondo
Zorgi pri la amikeco
Ĝojo kaj multe da revo
Disaj ie sur la vojo
Verdaj planto kaj la sento,
Foliar' kaj la kor', junularo kaj fid'


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Liberhorar' en Itapoã

(Originala titolo: Tarde em Itapoã)
Verkis: Toquinho k Vinicius de Moraes
Traduko: Aaron Köenig

Banokalsono malnova
Kaj travagadinda tag'
Senfina maro sinmova
Kaj super ni ĉielark'
Poste ĉe l' placo Caymmi
Plenas la korpo je van'
Senĉese bastomatumi
Kokostrinkaĵ' en la man'

Jen ĝoj':
Liberhorar' en Itapoã
Sun' sen nubar' en Itapoã
Muĝo de l' mar' de Itapoã
Ambabilad' en Itapoã

Kiam la mar' inaŭguras
Verdecon kvazaŭ verdid'
Ĝisoste mi argumentas
Kun branda sukerkanid'
Kaj kun la vid' perdiĝanta
Ie ĉe la horizont'
Trankvila kaj rimarkanta
Eĉ la turniĝon de l' mond'

Poste la taŭz' anserhaŭta
De l' vento de la vesper'
Leviĝas susur' mallaŭta
El palmoj al la aer'
Kaj en la spacoj serenaj
Sen morgaŭ, hieraŭ, nun
Mi dormas en brakoj benaj
Sub itapoana lun'


Rim:
- Registrita en la albumo Aaron Brazilumas Esperante, en Majo/1989.
- Troviĝas karaokea video de tiu ĉi kanto ĉe Klubo Brazila Muziko.



Kantas: Paola Giannini
Kantas kaj gitarludas: Vicente Sales
Gitarludas: Otílio Ferreira

Vidu kaj elŝutu la muziktekston kun akordoj (x-sistemo).




Vidu alian tradukon:
Tago en Itapuan'

Vekiĝu, am'

(Originala titolo: Acorda, amor)
Verkis: Chico Buarque
Traduko: Flávio Fonseca

Vekiĝu, am'
Min ĵus teruris ĉi koŝmaro
Mi sonĝis pri militantaro
Ĉe nia pord-are'
Kia ve'!
Jen polico
En plenum' ofica de l' justico
Mia kara Sankta Beatrico
Voku, ŝtelvoku, ŝtelvoku,
Voku: ŝtelist'! Voku: ŝtelist'!

Vekiĝu, am'
Ne temas fine pri koŝmaro
Jam estas ili sur ŝtuparo
Kun fi-invad-ide'
Kia ve'!
Jen la homoj
Kaj mi tie ĉi kun la piĵamo
Mi ne ŝatas tiun ĉi misfamon
Voku, ŝtelvoku, ŝtelvoku,
Voku: ŝtelist'! Voku: ŝtelist'!

Se longe mi ne venos,
Eble konvenos
Via sufer'.
Tamen post jar' de l' aresto,
Metu la dimanĉan veston,
Vivu sen moder'.

Vekiĝu, am'
Ĉar la situacio gravas
Se oni kuras, ne forsavas,
Se restas, daŭras ne
Zorgu tre!
Sen malfruo
Iun tagon venos via skuo
La disputo ŝanĝos ne situon
Voku, ŝtelvoku, ŝtelvoku,
Voku: ŝtelist'! Voku: ŝtelist'! Voku: ŝtelist'!

Memoru pri gitaro, sapo, dentobros'...


Rim: Troviĝas karaokea video de tiu ĉi kanto ĉe Klubo Brazila Muziko.



KURIOZAĴO:
Por eviti la cenzuristojn kiuj tiam persekutis lin kaj malpermesis ĉiujn liajn komponaĵojn, Chico Buarque kreis du fikciajn artistojn kaj donis al "ili" la aŭtorecon: Julinho da Adelaide kaj Leonel Paiva.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Riverece

(Originala titolo: Foi um rio que passou em minha vida)
Verkis: Paulinho da Viola
Traduko: Flávio Fonseca

Ja se iam
Mi mem konsultos mian koron
Por fari pri erar' esploron
Mi ion trovos en fin'
Ĉar mia koro manias pri am'
Kaj am' ne facilas en si
La marko de la iluzi' estas tie ĉi
Nur vera am' forviŝos ĝin

Sed, ho (tamen, ho)
Jen okazo diferenca
Kiu markis dekomence
Por ĉiam ĉi mian koron:
Estis tago de karnaval'.
Kovris min ia tristeco,
Mi ne pensis pri la am',
Kiam iel prezentiĝis la trezor':
Portelo, Portelo!
La sambo portanta novtagon
Ekloĝis en mia kor'.

Ha, mia Portelo
Kiam pasis antaŭ mi
Mi sentis mian koron rapida
La tutan korpon lucida
Kaj tuj revenis la ĝoj'
Nedifinebla estis ĝia blu'
Malsama al mar' kaj al la ĉiel'
Ĝi trapasis riverece mian vivon
Kaj tuj mia koro eksekvis ĝin


Rim:
- Portelo estas unu el la ĉefaj brazilaj samblernejoj.
- Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mia feliĉeco

(Originala titolo: Minha felicidade)
Verkis: Roberta Campos k Danilo Oliveira
Traduko: Ana Paula Pose

La sunleviĝon vidos mi
Denove ĉi tie
Por veki min
Ĉion, kion sentis mi
Mi gardis por ni
En tiu lok’

Vi estas unu pec’ en mi
Volas mi vivi en viaj brakoj
Eterne
Eterne

Ĉu vi scias tiun tempon, trezor’?
Kie ni renkontiĝis
Tie komenciĝis ja
Mia feliĉeco

Ĉu vi scias tiun kison, trezor’?
Kiam ni renkontiĝis
Tiam komenciĝis ja
Mia feliĉeco

Mi, vi, la sun’, la mar’
Kaj miloj da pejzaĝoj
Por atesti ke
Mi bone irus dum mia tuta vivo
Do sen zorgi pri
Mia feliĉeco

Ĉiu pejzaĝo tuj griziĝas sen vi
Ajna amdeklar’ restas por mi

Do sen kial’
Tial hodiaŭ mi dankas al ĉiel’
Esti kun vi
Esti kun vi
Tial hodiaŭ mi dankas al ĉiel’
Por la feliĉeco


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Riveloj

(Originala titolo: Revelação)
Verkis: Clodo Ferreira k Clésio Ferreira
Traduko: James Rezende Piton

Tag' alivestita de vigla sopiro,
Reviviga cel'
Domoj misuzitaj, litoj disigitaj
Metas en rivel'

Kiam oni provas resti nur singarde
For de la influ',
Sento izolita, inta, sufokita,
Ree ĝenas plu


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Nigra bel', nigrulino

(Originala titolo: Preta pretinha)
Verkis: Moraes Moreira k Luiz Galvão
Traduko: Flávio Fonseca

Dum mia kurado mi nur volis
Voki vin dum foren veturis pramo

En miaj ideoj ne troviĝis
Sol', sol', neebla sol'
Tial mi vokos vin
Kaj vi venos al mi

Laja' rara', lara' rara', rara'
Nigra bel', nigrulino
Nigra bel', nigrulino
Nigra bel', nigrulino
Nigra bel', nigrulino

Vi malfermu la fenestron
Por eniro de l' aŭror'

Mi estas birdo kiu vivas flugadante
Nur flugadante ĝis neniama fin'
Aj aj aj aj saŭdado, vi ne mortigu min


Rim: Troviĝas karaokea video de tiu ĉi kanto ĉe Klubo Brazila Muziko.



Kantas: Flávio Fonseca

Vidu kaj elŝutu la muziktekston kun akordoj (x-sistemo).

La rozoj silentas

(Originala titolo: As rosas não falam)
Verkis: Cartola
Traduko: Jorge das Neves

Batas la kor’
Kun sopiro kaj nova esper’
Ĉar plifoje finiĝas somer’
Ĉe ni

Vi estas for
Dum reveno al nia ĝarden’
Kaj sen vi restas nur la ĉagren’
Apud mi...

Rozoj (mi plendas)
(Kia stultaĵo!)
La rozoj silentas
Sed la rozoj tute konsentas,
Ke parfumo devenas de vi, aj!

Kaj tie ĉi
Daŭras nur miaj larmoj sinceraj
Miaj sonĝoj kaj revoj misteraj
Pro vi!


Rim: Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).




Vidu alian tradukon:
Ĉu respondu rozoj

Anita

(Originala titolo: A Rita)
Verkis: Chico Buarque
Traduko: Querino Neto

Anita kunportis kun rido
Mian ridon belan
Mia punkto
Same iĝis forpela
Kaj ĉiun objekton
Lasis ŝi kun difekto
Aj, malgaj'!
Forprenis portretojn
Aĉetojn
Aĵetojn
Kun akcel'
Statueton de Pap' Francisko
Kaj k-diskon de Noel'

Anita dum voj' murdis l' amon nuancan
La bilanco: malĝoj'
Forpreniĝis depon'
De la ŝpar' sen redon'
Ŝi kaŭzis ĝenan ĉikanon
Forpreniĝis sano
Petol' de infano
Dudeko da planoj
Kaj la tuta mon'
Kaj post la tuto
Nur mi kaj fluto
En abandon'


Rim:
- La partituro de tiu ĉi muzikaĵo estas disponebla ĉe Klubo Brazila Muziko.
- Troviĝas karaokea video de tiu ĉi kanto ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).