Neniu amas min

(Originala titolo: Ninguém me ama)
Verkis: Antônio Maria k Fernando Lobo
Traduko: Sylla Chaves

Neniu amas
nek volas min,
neniu flamas
ĉe mia sin’.

La vivo pasas,
kaj mi – en sol’,
ĉar ĝi min lasas
ja sen konsol’.

Mi venis laŭlonge de l’ vivo,
tra la batoj de l’ sorto,
vivante sen vera motivo,
ĝis venos la morto,
jam laca pri l’ nuno,
jam laca pri mi,
dum venas maljuno
kaj seniluzi’...


Rim: Registrita de la kantistino Aurora Miranda, en la albumo Brazilo Kantas por Pli Bona Mondo, en 1970.



Kantas kaj gitarludas: Flávio Fonseca



Kantas: Aurora Miranda
Muzikaranĝo: Maestro Cipó

Vidu kaj elŝutu la muziktekston kun akordoj (x-sistemo).

Urba valso

(Originala titolo: Valsa de uma cidade)
Verkis: Ismael Netto k Antônio Maria
Traduko: Vitor Mendes

Vento de l’ mar’ survizaĝe
Kaj sun’ kun tre varma ard’
Sur trotuaro la homoj
Sin vidas en promenad’

Rio-de-Ĵanejro, mi tre amas vin
Kaj tiujn amantojn,
De ĉi sun’, de ĉi mar’,
De ĉi gent’ en feliĉ’

Ja volis mi verki indan poemon
Pri am’, la am’
Jen tuta mia dezir’
Jen tuta revo en mi

En la poemo verkita de mi mankis mia ĝoj’
De la amat’ jen la forir’

Vidu kaj elŝutu la muziktekston kun akordoj (x-sistemo).

Karnavala mateno

(Originala titolo: Manhã de Carnaval)
Verkis: Luiz Bonfá k Antônio Maria
Versio: Vitor Mendes

Maten’, kia bela maten’
En viv’, jen ĉi nova kanzon’;
Kant’ pri l’ okuloj viaj
via ridet’ kaj man’
Ĉar iun tagon ja
Revenos vi.
De l’ kordoj de l’ mia gitar’
Serĉinta nur al via am’
Venas parol’
Pri tiu kisoj
En lipoj miaj
Kantas nun mia kor’
Jen la ĝojo de iam
Jen feliĉa maten'
De ĉi am'

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Karnavala maten'
Maten' de karnaval'

Maten' de karnaval'

(Originala titolo: Manhã de Carnaval)
Verkis: Luiz Bonfá k Antônio Maria
Versio: Wel

Maten', kia bela maten'
De l' vivo ĝi estas kanzon'
La bril', la gaj' de ĝi
Igas ke tie ĉi
Kvazaŭ ekzistas vi
Revenu tuj

La sono de mia gitar'
Nur estas resono de vi
En ĝi la voĉ'
La varm' de iamaj kisoj
Kia feliĉ'

Kantas nun mia kor'
Plena de vera flam'
Kvazaŭ en rememor'
Estas am'

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Karnavala maten'
Karnavala mateno

Karnavala maten'

(Originala titolo: Manhã de Carnaval)
Verkis: Luiz Bonfá k Antônio Maria
Traduko: Flávio Fonseca

Maten’, tiel bela maten’
En viv’, iu nova kanzon’
Kantanta nur rideton,
Okulojn, manojn viajn,
Ĉar nepre venos iam
Ĉi tien vi.

El kordoj de mia gitar’
Serĉanta nur amon de vi
Aŭdiĝas voĉo
Pri iaj kisoj
Perditaj
Sur viaj lipoj.

Kantas jen mia kor’
Ĉar revenis la ĝoj’
Tre feliĉa maten’
De la am’

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Karnavala mateno
Maten' de karnaval'