Min lasu muta

(Originala titolo: Me deixe mudo)
Verkis: Walter Franco
Traduko: Flávio Fonseca

Ne min demandu
Ne min kontestu
Ne min komandu
Ne kaŝe restu

Diru nenion
Sciu pri l' tuta
Komentario
Min lasu muta

Ĉu en angulo
Ĉu en la mezo
Ekster insulo
En intermezo

Kontraŭ intenco
Estu duono
Se en komenco
Daŭru la bono



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Flirta velo

(Originala titolo: Vela aberta)
Verkis: Walter Franco k Cid Franco
Traduko: James Rezende Piton

Jen iranta flirta velo
Malproksime en la mar'
Blanka instiga gvidstelo
Por naviga imagar'
De mi sekvatas la velo
Tra la vastec' de la mar'
Al ĝi donas pli da belo
La esprim' de la rigard'.
La esprim' sencela, svaga
Ne klarigeblas sen erar'
Kun reflekto ĉiutaga
De l' beleco de la mar'
Al mi novaj mensostatoj
Inter ĝia proponar'
Pri popoloj, miaj fratoj,
Troviĝantaj trans la mar'.

Vidu kaj elŝutu la muziktekston kun akordoj (x-sistemo).

Lunmontaro - Koro trankvila

(Originalaj titoloj: Serra do Luar - Coração tranquilo)
Verkis: Walter Franco
Traduko: Flávio Fonseca

Mi venis preni vin
Per mia penso
Mi ĵus alvenis sur vento
Ho am', ne ploru pro tia sento
Mi ĵus alvenis sur vento

Revenis mi nur pro la dir':
Mi vojaĝis al bela Lunmontar'
Mi plonĝis... ha! kun flugdezir'
Do venu nun al ripozo sur la klar'

La viv' estas agord' de l' instrumento
El eno eksteren
De ekstero enen
Je ĉiu horo, ĉiu momento
El eno eksteren
De ekstero enen

*   *   *

Ĉio fine temas nur pri
La mens' kvieta
La spino rekta
Kaj koro tre trankvila

Vidu kaj elŝutu la muziktekston kun akordoj (x-sistemo).