Jen

Verkis: Alejandro Cossavella

Jen la suno, jen la luno, jen du malsamaj astroj
Jen vikingo, jen urbano, jen la plej malsamaj homoj

Jen vi kaj mi, akvo kaj oleo
Jen vi kaj mi, akvo kaj oleo

Jen mandrilo, jen ŝakalo, jen du malsamaj bestoj
Jen kastelo, jen igluo, jen la plej malsamaj domoj

Jen vi kaj mi, akvo kaj oleo
Jen vi kaj mi, akvo kaj oleo

Jen pomsuko, jen veneno, jen malsamaj trinkaĵoj
Jen vi kaj mi, akvo kaj oleo



Rim: Registrita en la albumoj
Ŝako, de La Porkoj: Vinilkosmo, 1999 (aĉetu ĝin ĉi tie)
Revolucio en pajleraro, de Ale Kosabela: Vinilkosmo, 2009 (aĉetu ĝin ĉi tie)



Kantas: Ĵomart kaj Nataŝa



Kantas kaj gitarludas: Ana Paula Pose



Videomuntado: TEK - Taguatinga Esperanto-Klubo



Videomuntado: Fernando Maia Jr.

Vidu kaj elŝutu la muziktekston kun akordoj (x-sistemo).

La pordo

Verkis: Alejandro Cossavella

Vere grandas distanco inter dirko kaj ŝlosil'
sed proksimas ja la pordo senserura de l' anim'

Se iu malsatas... Kiel povas manĝi mi?
Ĉu ni estas gefratoj aŭ estas nura fantazi'?

Sur tiu ĉi vojo malmultaj promenas
Ankaŭ mi ne kuraĝas kaj subite svenas

Kia son' nin liberigos?
Kia lum' vidivigos nin?
Kies kor' ne malfermiĝos
kiam am' kreskos en ĝi?

Ĉu ni estas gefratoj aŭ estas nura fantazi'?
Estas eta distanco inter sonĝo kaj vekiĝ'.



Kantas:
Alejandro Cossavella
Amir Hadžiahmetović
Anne Mamour
Flávio Fonseca
Floréal Martorell
Françoise Eriksen
Jean-Claude Patalano
Ĵomart kaj Nataŝa
JoMo
Jonny M
Kjara (Chiara Raggi)
Linda Lenepveu
Mireille Hounkpe
Rogener Pavinski
Videa muntado: Rogener Pavinski

Vidu kaj elŝutu la muziktekston kun akordoj (x-sistemo).

Tempoj modernaj

Verkis: Alejandro Cossavella

Tempo pasas pli aŭ malpli rapide por la homoj sur la Ter'
sed eble ĝi etendiĝas kvazaŭ mapo antaŭ sensoj de anĝel'

Venu tuj, vi tre mankas al mi, noktoj fariĝas eternaj
Venu tuj, ne plu eltenas mi... ho, ĉi tiuj tempoj modernaj...

Tempo flugas, kuras, pasas tempo... sanigas vundojn en la kor'
almenaŭ tion diras la saĝuloj kiam pasis la dolor'


Rim: Registrita en la albumo Tro: Vinilkosmo, 2018 (aĉetu ĝin ĉi tie).

Vidu kaj elŝutu la muziktekston kun akordoj (x-sistemo).