Parolante pri am'

(Originala titolo: Falando de amor)
Verkis: Tom Jobim
Traduko: Flávio Fonseca

Se mi povus, dum nur horo,
Tiun amon kun valoro
Donus mi al via koro
Tiun amon ja dum ĉiu horo

Proksimiĝu sen timeto
Restu apud mia kor'
Venu aŭdi ĉi sekreton
Kaŝiĝintan en kanzono-ŝor'

Se vi scius, kiel ŝatas
Mi ĉi vian odoron de flor'
Vi ne neus vian kison
Al mi, kiu perdiĝas en plor'

Ploras fluto kaj gitaro
Ploras mi, la trobador'
Ploras milde, sen bruaro,
Parolante pri am' en ĉi ŝor'

Kiam pasas vi, tre bela,
Sur ĉi strato banita je sun'
Mia koro tre anhela
Forgesigas min eĉ pri fortun'

Venu haste, sen timeto
Estas via mia kor'
Tial gardis mi sekreton
Kaŝiĝintan en kanzono-ŝor'
En la fundo de ĉi mia kor'


Rim:
- Ŝoro = brazila muzikstilo (laŭ Terminaro Brazila Muziko kaj Vortaro de Túlio Flores).
- La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Zonotriko en la faruno

(Originala titolo: Tico-tico no fubá)
Verkis: Zequinha de Abreu k Eurico Barreiros
Traduko: Sylla Chaves

La zonotriko nun,
denove kaj sen pun',
serene manĝas mian sakon da farun'.
Se zonotriko volas
bone manĝi, do...
en pomarbaro da fivermoj estas tro!

Bonvolu preni tiun birdon el la greno,
Ĝi volas lasi mian sakon en malpleno!
La birdon prenu vi nun
el la maiza farun',
ĉar estas multo por manĝado sub la sun'!

Mi ĉion provis, por ke ĝi ne faru tion.
Por ĝin observi, al ĝi donis mi milion.
Pri kato zorgis, timigilo kaj kaptilo,
sed ĝi mian farunaĵon
daŭre manĝas en trankvilo.


Parte registrita de la kantistino Aurora Miranda, en la albumo Brazilo Kantas por Pli Bona Mondo, en 1970.



Kantas: Aurora Miranda
Muzikaranĝo: Maestro Cipó

Vidu kaj elŝutu la muziktekston kun akordoj (x-sistemo).

Karesema

(Originala titolo: Carinhoso)
Verkis: Pixinguinha k João de Barro (Braguinha)
Traduko: Ivo Pinto Magalhães

Kiom da ĝoj’
en mia sin’
sentas la kor’
vidante vin!

Miaj okuloj kiuj ridetas,
tenerrigarde, milde vin petas
ke ne plu vi fuĝu de mi.

Se vi scius ke mi estas multe karesema
krom de vi l’ amanto vera
kaj mi tre sinceras, karulin’,
vi ne forestus kaj proksimus pli de mi.

Do, al mi tuj
venu senti en kis’
lipojn en flam’
plenavidajn por am’.

Ĉi torento de pasi’
estas ŝiranta animangor’
Do estos nur kun vi
por mi feliĉ’ en la kor’.


Rim:
- Troviĝas karaokea video de tiu ĉi kanto ĉe Klubo Brazila Muziko.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Tem um vídeo de karaokê desta música no Klubo Brazila Muziko.
- A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu alian tradukon:
Karesema

Karesema

(Originala titolo: Carinhoso)
Verkis: Pixinguinha k João de Barro (Braguinha)
Traduko: Sílvio Peixoto

Ho mia kor'
Se vidas vin
Plena de am'
Tre sentas sin!

Per la okuloj mi ridetante
Vin persekutas, vin tre amante!
Kaj tamen vi kuras de mi

Aj! tre karesema mi al vi por ĉiam estus
Multe multe mi vin amus
Kaj mi tre feliĉa estus pli
Se vi por ĉiam ne forkurus plu de mi

Kaj, do, al mi
Venu kaj kisu min
Kaj varmon vi
Sentos ĉiam sen fin'!

Venu do al mia kor'
Hodiaŭ plena de dolor'
Kaj tiel vivos nur
Feliĉaj ni - mi kaj vi


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu alian version:
Karesema