Tago en Itapuan'

(Originala titolo: Tarde em Itapuã)
Verkis: Toquinho k Vinicius de Moraes
Traduko: Ivo Pinto Magalhães

Baneluzita kalsono, vagad' en milda somer'
Fora senfina marfono, ĉiela ark' en l' aer',
Poste la plac' en promeno, kaimkanzona etos',
Ripoz' en mat' el vimeno, bongusta akv' el kokos'

Bonas
Tag' en la plaĝ' Itapuan'
Ĉe l' suno de Itapuan',
Marbruo de Itapuan'
Amante en Itapuan'

Ĝui la maron, prezenti plej ĉarman verdon ĉe l' strand’,
Pri l' naturbeloj komenti drinke de brazila brand’
Kaj gape forrigardante la maron ĉe l' horizont',
Senti magie kaj lante rondiron de l' tuta mond'

Bonas
Tag' en la plaĝ' Itapuan'
Ĉe l' suno de Itapuan',
Marbruo de Itapuan'
Amante en Itapuan'

Ĉe l' freŝa brizo vespere venanta borden de l' mar',
Brue blovante leĝere supren de l' kokosarbar'
Kaj en la spaco serena kiel en sentempa nun',
Dormi ĉe l' bruna belplena Itapuana plenlun'

Bonas
Tag' en la plaĝ' Itapuan'
Ĉe l' suno de Itapuan',
Marbruo de Itapuan'
Amante en Itapuan'


Rim:
- Registrita en la albumo Esperanto, mia pasio, de Vera Jordan. Memeldona, 2007
- "kaimkanzona etoso" = etoso de kanzono en la stilo de Dorival Caymmi
Obs:
- Gravada no álbum Esperanto, mia pasio, de Vera Jordan. Independente, 2007
- "kaimkanzona etoso" = atmosfera de uma canção no estilo de Dorival Caymmi



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Liberhorar' en Itapoã

Blanka flago

(Originala titolo: Bandeira branca)
Verkis: Max Nunes k Laércio Alves
Traduko: Ivo Pinto Magalhães

Jen blanka flago, am’,
Pacon pro Di’.
Ve korpremadon
Kaj saŭdadon sentas mi.

Saŭdado, plejsufer’ pri am’,
Saŭdado estas plejdolor’,
Tuj venu am’,
Jen paca flag’ el mia kor’.


Rim: Du partituroj de tiu ĉi muzikaĵo estas disponeblaj ĉe Klubo Brazila Muziko: unu melodia, kaj unu korusa.

Vidu kaj elŝutu la muziktekston kun akordoj (x-sistemo).

La marostelo

(Originala titolo: Estrela do mar)
Verkis: Marino Pinto k Paulo Soledade
Traduko: Ivo Pinto Magalhães

Sonĝema eta mar-sablero,
Revante lume de l’ stelar’,
Imagis sin kaj foran stelon
Iĝante ge-amanta par’ (ha, ha, ha)

La jaroj pasis kaj l’ etulo,
En nur platona amo-sent’,
Ŝajne neniam renkontiĝis
Kun l’ amatin’ de l’ firmament’.

Ĝis nun neniu scias
Ĉu konkeris la sabler’
La koron tre amatan de l’ ĉiel’.
Sed inter ĉies duboj estas bela fakta ver’
Aperis iam la pra-marostel’.

Vidu kaj elŝutu la muziktekston kun akordoj (x-sistemo).

La revenantaj floroj

(Originala titolo: Estão voltando as flores)
Verkis: Paulo Soledade
Traduko: Ivo Pinto Magalhães

Jen, la revenantaj floroj
Jen, ĉarma maten’ aŭroras,
Jen, kiela vivo bela,
Jen, l’ esper’ ankoraŭ floras,

Jen, la nubo forvaganta,
Jen, tagiĝo portas ĝojon,
Jen, la sun’ disradianta
Pli da lum’ sur nian vojon

Vidu kaj elŝutu la muziktekston kun akordoj (x-sistemo).

Arĝenta jubileo

(Originala titolo: Bodas de prata)
Verkis: Roberto Martins k Mário Rossi
Traduko: Ivo Pinto Magalhães

Kareskisas mi viajn harojn
markitajn de tempo neĝer’,
vidante kun larmoj l’ imagon
de l’ sama belec’ kaj tener’
vestita per robo neĝblanka
vi ĝoje ploremis, karin’,
kun emoci’.
Jen estis antaŭ mi
L’ eterne amata edzin’.

Dudekkvinjaraĝan jubileon nun festu ni.
Multe da feliĉo ĝuas mia kor’, pli kaj pli
vin tre adoranta, ĉiam kunkreskanta am’.
Mi pli maljuniĝu ankaŭ kun la sama flam’.

Dudekkvinjaraĝa vivo de respekto kaj ĝoj’
Spite l’ dornojn de ajna dolor’,
vi sentigas min ke l’ viv’ kaj nia voj’
malgrandas por l’ amelverŝoj disde nia kor’.

Vidu kaj elŝutu la muziktekston kun akordoj (x-sistemo).

Tre dolĉas la mort’ en mar’

(Originala titolo: É doce morrer no mar)
Verkis: Dorival Caymmi k Jorge Amado
Traduko: Ivo Pinto Magalhães

Tre dolĉas la mort’ en mar',
En l’ ondoj verdaj de l’ mar’.

Tristis por mi ilia nereven’
El nokta mara labor’,
Savejro revenis sola
Grandis la animdolor’.

Tre dolĉas la mort’ en mar’,
En l’ ondoj verdaj de l’ mar’.

Savejro vespervojaĝis, ve,
Mareniro sen reven’,
La belan marlaboriston
Kunportis la mar-siren’.

Tre dolĉas la mort’ en mar’,
En l’ ondoj verdaj de l’ mar’.

En l’ ondoj verdaj de l’ mar’, ho Di’,
Sorĉite li dronis ja,
Kaj faris fianĉan liton
Sursine de Jemanĵa’.

Tre dolĉas la mort’ en mar’,
En l’ ondoj verdaj de l’ mar’.


Rim:
Savejro = speco de ŝarĝo-barko
Jemanĵa’ = oriŝao de l' maro

Vidu kaj elŝutu la muziktekston kun akordoj (x-sistemo).




Vidu alian tradukon:
Ja dolĉas morti sur mar'

Sambo de l' aviadilo

(Originala titolo: Samba do avião)
Verkis: Tom Jobim
Traduko: Ivo Pinto Magalhães

Mia koro kantas
Antaŭ Rio de Ĵanejro,
Mi preskaŭ mortas pro saŭdado,
Rio kun mar' de plaĝoj mil,
Vi estas mia kor' de Brazil'.

Kristo, la Savant',
Ĉirkaŭbrakanta nian Gŭanabaron,
Ĉar mi vin tre amas, Ri',
Jen omaĝ' per samb' al vi,
Kun gracia koksa sving'
Sambos koketa brunulin',
Blua ĉiel', sun', mar' sen fin',
Jen tuje, ho mia Rio, ni estos en "Galeão".
Rio de Ĵanejro, Rio de Ĵanejro,
Rio de Ĵanejro. Rio de Ĵanejro;

Kristo, la Savant',
Ĉirkaŭbrakanta nian Gŭanabaron,
Ĉar mi vin tre amas, Ri",
Jen omaĝ' per samb' al vi,
Kun gracia koksa sving'
Sambos koketa brunulin',
La zonon streĉu pro l' tuja ven'.
Akvo brilanta, ni alteriĝanta
Surkampe de l'
Flughaven'

Vidu kaj elŝutu la muziktekston kun akordoj (x-sistemo).

Gajdimanĉaj rendevuoj

(Originala titolo: Jovens tardes de domingo)
Verkis: Roberto Carlos k Erasmo Carlos
Traduko: Ivo Pinto Magalhães

Mi saŭdadas pri l’ pasint’ en dolĉa rememor’,
Feliĉajn spurojn en la tempo portas mia kor’,

Gajdimanĉaj rendevuoj,
Ĉe l’ krepusk’ vespera,
Belaj tagoj, ĝojo vera.

Teneris simplaj poezioj de kanzon’ pri am’,
Amikaj festoj en etos’ de bunta juna flam’.

Gajdimanĉaj rendevuoj,
Ĉe l’ krepusk’ vespera,
Belaj tagoj, ĝojo vera.

Dolĉe, la dimanĉojn, nun pense revenas mi
Al tiuj festoj de gitaro, sonĝo, emoci’.
La feliĉaj rememoroj iĝas por mi saŭdadangoroj.
Belaj tagoj, ĝojo vera.

Vidu kaj elŝutu la muziktekston kun akordoj (x-sistemo).

La sambo de mia lando

(Originala titolo: O samba da minha terra)
Verkis: Dorival Caymmi
Traduko: Ivo Pinto Magalhães

La sambo de mia lando logas kaj mirindas
Se oni kantas ĉiuj koksosvingas
Se oni kantas ĉiuj koksosvingas

Kiu ne ŝatas sambon
Estas ne civitan’
Pri frenezo suferas,
Aŭ piedo-malsan’

Mi naskiĝis ĉe l’ sambo,
Sambo prizorgis min,
Por mi estas la sambo
Dolĉa sorĉo sen fin’

Vidu kaj elŝutu la muziktekston kun akordoj (x-sistemo).




Vidu alian version:
Por sambadi mialande

Kiel la maronda flu'

(Originala titolo: Como uma onda (Zen surfismo))
Verkis: Lulu Santos k Nelson Motta
Traduko: Ivo Pinto Magalhães

Ĉio ajn ne estos plu
Denove la sama, kiu estis iam,
Ĉio pasas, foras en
eterna flu',
La vivo ondmoviĝas
kiel mar',
Tien kaj reen
senfine.

Ĉio, kion vidas ni
Pasintan sekundon estis ne la sama,
Jen natura saĝa ago
ĉiama,
Antaŭen, sentime, nu!
Estu ni plenkonsciaj
pri l' vero,
Multas la viv' en la Tero,
Ĉie ajn, senĉese,
kiel la maronda flu'
Kiel la maronda flu'
Kiel la maronda flu'


Rim: Registrita en la albumo Esperanto, mia pasio, de Vera Jordan. Memeldona, 2007

Vidu kaj elŝutu la muziktekston kun akordoj (x-sistemo).




Vidu alian tradukon:
Kvazaŭ la ondoj

Kopakabano

(Originala titolo: Copacabana)
Verkis: João de Barro (Braguinha) k Alberto Ribeiro
Traduko: Ivo Pinto Magalhães

Ekzistas plaĝoj kun riĉe bela natur'.
Sed ĉarmon vere edenan havas vi nur
Sablo arĝenta, gajaj sirenoj,
Blu’ firmamenta, kiel Di-benoj.

Kopakabano, marprincin' estas vi,
Pulsanta vivo em maten-sinfoni',
Kaj ĉe l' krepuskmagi' vespera
Nin kortuŝas per saŭdado tenera.

Kopakabano, maro ĉiam en kant',
Kisinte vin tuj iĝis via amant'
Kun la pasimurmur' sen fin':
Porĉiame, mar-princinjo, mi amos vin.

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Kopakabana
Kopakabana

Kantu Brazilo

(Originala titolo: Canta Brasil)
Verkis: David Nasser k Alcyr Pires Vermelho
Traduko: Ivo Pinto Magalhães

Rimaro barbara veninta el noktoj de l’ pra-ĝangal’,
Nigruloj saŭdade plorintaj pri l’ fora libero,
Blankuloj kanzonpoezie kantintaj pri am’,
Estigis en voĉa sintez’ nian kanton de l’ tero.

Brazil’, viaj gloroj kaj blazonoj
Estas omaĝitaj jam
Miakante de kanzonoj
Vin laŭdegantaj pro am’.

Kaj pri ĉi belega firmament’,
Kies bluo bluas pli,
En brazila akvarelo
Norde-sude kantis mi.

Vian kanton nun Brazil’,
Aŭdos ni kun kortener’,
En preĝo kamparanina,
En l’ Amazona River’.

Ha, ĉi belega dolĉa mar’,
En majesta praarbar’,
Lando de esperoj mil.

Ĉiele, mare, tere,
Kantu Brazil’.

Vidu kaj elŝutu la muziktekston kun akordoj (x-sistemo).

Printempo (For pluvo)

(Originala titolo: Primavera (Vai chuva))
Verkis: Cassiano k Sílvio Rochael
Traduko: Ivo Pinto Magalhães

Ĉe l’ frosta vintra alven’
mi volas esti kun vi,
eĉ dum l’ aŭtuna reven’
mi volas esti kun vi.
Ĉar jam estas printempo, florriĉa,
estas printempo, florriĉa,
karulin`,
ame mi portas
rozon por vi,
karulin`,
jen ĉielo ĉarme bela,
for pluvo,
for pluvo,
estas printempo.

Vidu kaj elŝutu la muziktekston kun akordoj (x-sistemo).




Vidu alian tradukon:
Printempo (For, pluvo)

Vojaĝo

(Originala titolo: Viagem)
Verkis: João de Aquino k Paulo César Pinheiro
Traduko: Ivo Pinto Magalhães

Ho, malĝojo, min pardonu, jam la sun’ aŭroris.
Venis min viziti mia poezio
Por min korinviti al forvojaĝad’.
Iru ni kunvojaĝante en la milda sino
De l’ freŝa venteto, kiu venas lante
Antaŭ longa tempo el la fora mar’.

Iru ni ĉi-sunleviĝe al aŭrora stelo,
Kiu ŝajne solas vagante sen celo,
Sed infanpetolas kaŝludante ja.
Side en la nubo klara, faru vi kanzonon,
Poezio kara, kune ni dissendu,
Dolĉajn melodiojn meze de l’ stelar.

Kiom da birdetoj blankaj, vidu poezio,
Dancas nian valson en ĉielo blua
De l’ tago brodita per la sunradi’.
Ho, min helpu poezio, mi rikoltos florojn,
Adiantojn belajn, en la verdaj kampoj,
De vi alnomataj la Ĝarden’ de Di’.

Sed, ni promenadu pace, mia poezio,
Ĉe klarego luna, en la gvida stelo,
Dum la nokto-sino revenados ni,
Aŭ laŭeble kunrajdante sur ĉeval’ alzana,
Nokte galopanta, nomata Lumego,
Lumego venanta el la lunradi’


Rim: La partituro de tiu ĉi muzikaĵo estas disponebla ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Vojaĝo
Vojaĝo

Mia lando

(Originala titolo: Minha terra)
Verkis: Waldemar Henrique
Traduko: Ivo Pinto Magalhães

Grandega land’
Patri’ amata,
De ĝia fil’
Tre adorata
Amo, fratec’, esperoj mil,
Plenkarese tute nia
Verda ter’ jen vi Brazil’.

En varma, klara nokto-sino
Solas amant’ en la kamparo
En serenad’ al l’ amatino,
Per lamentoj de l’ gitaro.
La sun’ transmonte naskiĝanta,
Murmuras gaje la vespero,
En de l’ natur’ omaĝo kanta
Al la pac’ de mia tero.

Viaj palmoj, hela sun’,
Riveregoj, verdaj maroj,
Poezio de l’ plenlun’
Kaj eternaj praarbaroj.

En ĉio ĉi, ho mia land’,
Jen donac’ de Di’,
Certe Li estas brazilano,
Brazilano kiel mi.

Vidu kaj elŝutu la muziktekston kun akordoj (x-sistemo).

Karesema

(Originala titolo: Carinhoso)
Verkis: Pixinguinha k João de Barro (Braguinha)
Traduko: Ivo Pinto Magalhães

Kiom da ĝoj’
en mia sin’
sentas la kor’
vidante vin!

Miaj okuloj kiuj ridetas,
tenerrigarde, milde vin petas
ke ne plu vi fuĝu de mi.

Se vi scius ke mi estas multe karesema
krom de vi l’ amanto vera
kaj mi tre sinceras, karulin’,
vi ne forestus kaj proksimus pli de mi.

Do, al mi tuj
venu senti en kis’
lipojn en flam’
plenavidajn por am’.

Ĉi torento de pasi’
estas ŝiranta animangor’
Do estos nur kun vi
por mi feliĉ’ en la kor’.


Rim:
- Troviĝas karaokea video de tiu ĉi kanto ĉe Klubo Brazila Muziko.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Tem um vídeo de karaokê desta música no Klubo Brazila Muziko.
- A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu alian tradukon:
Karesema

Denove ĉe l' nesto de l' hejmo

(Originala titolo: De volta ao aconchego)
Verkis: Nando Cordel k Dominguinhos
Traduko: Ivo Pinto Magalhães

Ĉe l’ nest’ de l’ hejmo mi estas denove
Portante valizon kun multa saŭdado,
Volante rideton teneran, cirkaŭpremon,
Al via kares’ la dormemon
Konfidi post fora restado.

Al viaj brakoj reveni tre bonas
Vin kisi en dolĉa sublima ekstaz’
Ĉar vi, la stelo plej ĉarma kaj bela,
Kun via rigard’ sorĉe hela,
Por mi estas fonto de pac’.

Fojfoje foresti de vi tre doloras,
Ŝajnante ke peco de mi estas for,
La horo tre ĝoja de la reven’
Similas por mi al repren’
De l’ plena feliĉo de l’ kor’.

Vidu kaj elŝutu la muziktekston kun akordoj (x-sistemo).




Vidu alian version:
Returne al la amvarmo

Feliĉo nia

(Originala titolo: Felicidade)
Verkis: Lupicínio Rodrigues
Traduko: Ivo Pinto Magalhães

Feliĉo nia jam forestas
Kaj saŭdad’ en mia brust’
Ankoraŭ restas
Ve pri mia fora ter’
Mi rememoras,
Tie ja la sincereco
Plenvaloras.

Mia loĝejo
Staras transe de la mondo
Kien iras mi tra l’ ondo
De l’ kanzonoj de la kor’
Tre simpla ŝajnas
La kapablo de la penso
Sed mirindas nia menso
Pense flugiranta for’.

Vidu kaj elŝutu la muziktekston kun akordoj (x-sistemo).




Vidu alian version:
Feliĉeco
Feliĉeco
Feliĉo