Misiuloj de sendia mond' Fidissemantoj de la amdetrua ond' Venas al la mond’ sen hezito: La morto, malpaco, avido, milito (milito)
Misiuloj en misi’ sinmortiga Infanoj infanojn Atakas aliligajn Generaloj tra la tuta mond’ Beluniforma, medalara rond', Sin prezentas en odiseo La gloraĉe sanga spur' de armeo.
El la diversaj mondpartoj En sia nur sencela pad' Tiel pluiras la homaro En reciproka vorvorad' Mi alkriis horizonton Tamen mankis la respond' Kun la ferm' de l' okuloj, ties voĉ' Min frapis laŭ ond'
(Originala titolo: Ovelha negra) Verkis: Rita Lee Traduko: Laís Lyra
Facile kondukis mi la vivon Mi ŝatis ripozon kaj trankvilon Ho Di’ tiom da pasinta temp’ Nesciante Uh uh Al mi tiam diris mia patro: “Vi inter ni estas nigra ŝafo Jam estas momento por ke vi Konsciiĝu” Uh uh “Foriru”
Kara, kara Voki efikas ja ne! Se perdita oni estas Kaj sen loko en la Ter' Kara, kara Atendi indas ja ne! Forkapigu tiun penson Kaj ordiĝos la ceter’
Dum homoj uzas misuzas por si povrajn povojn Aŭtetoj kaj motorcikloj transpasas la ruĝajn Kaj perdas verdajn Stultas ni, l' amas'
Mi volus voli kriegi per cent mil organoj Kiel belegas belegas la burĝaj urbanoj Kaj la japanoj Sed vere jen transpas'
Ĉu ni neniam konfirmos per elkvalifik' Nekompetentecon de kristana Amerik' Kiu bezonos senĉese ridindajn tiranojn? Ĉu eble ĉu eble ĉi eble ĉu eble ĉi Ĉu eble ĉi mia vere stulta retorik' Nepre sonos kaj nepre aŭdiĝos tra l' temp-ekranoj?
Dum homoj uzas misuzas por si povrajn povojn Gejoj, nigruloj, virinoj kaj adoleskantoj Kaj indiĝenoj Jen en karnaval'
Mi volus voli kunkanti laŭ ĉi konsonanco Silenti pro la respekto al ilia tranco Eĉ kun maldeco Sed ĉio estas mal'
Aŭ tiam ĉiu civilo, ĉiu general' Pro malinteligentec' ŝprucigos sangon per ŝtal' En ĉiuj ŝtatoj kaj urboj, sekejoj kaj pantanal' Ĉu eble tiam nur la Hermetika Paskŭal' Kaj Tomoj, Mil tonoj, sonoj kaj don' de l' tonal' Nin savas kaj savos nin de l' mallumo kaj de l' fatal'
Dum homoj uzas misuzas por si povrajn povojn Mortigi kaj morti pro malsat', koler', soifo Kun la signifo De natura kaz'
Mi volas alproksimigi kanton vagabondan De tiuj kiuj zorgadas pri la ĝojo monda De l' tuta rondo Timoj, Benoj, ĵaz'
Tra l' tuta mondo Timoj, Benoj, ĵaz'
Rim: - Hermetika Paskŭal' = aludo al la brazila plurinstrumentisto kaj komponisto Hermeto Pascoal. - Tomoj = aludo al la komponisto Tom Jobim. - Mil tonoj = aludo al la komponisto kaj kantisto Milton Nascimento. - Timoj = aludo al la komponisto kaj kantisto Tim Maia. - Benoj = aludo al la komponisto Jorge Ben Jor.
En ĉi tiu momento, ĉi tie nun Ĉiuj malveroj estos veroj En ĉi tiu loko, ne malproksime Ĉiuj renkontoj estos eblaj Kaj la larmoj, kiujn mi verŝis Dum mi sekvis mian straton Estos markoj en mia pasinteco La registro de miaj suferoj
Sed mi ne scias diri Kiom da malbonaj elektoj mi faris Sed mi ne scias diri Ĉu mi estas certa, ĉu mi lernis Tiel vivi Tagon post tago, nokton post nokto Unu paŝon ĉiufoje Leviĝante, lernante kaj falante
Rim: Registrita en la albumo Por la mondo, de bando Merlin. Vinilkosmo, 1999 (aĉetu ĝin ĉi tie).
Bando Merlin koncerte dum la 36ª Brazila Kongreso de Esperanto en Petropolo
Bando Merlin
Voĉo: Markone Froes
Elektra gitaro: Aldrin Gandra
Basgitaro: Sérgio Ribeiro
Klavaro: Sérgio Vieira
Drumo: Guilherme de Souza Lima
Muzikaranĝo: Caio Guimarães
(Originala titolo: Banho de lua) Verkis: Bruno de Filippi k Franco Migliacci Portugallingva traduko: Fred Jorge (el Tintarella di luna) Esperanta traduko el la portugala: Flávio Fonseca
Al la plaĝo iris mi Tie mi bruniĝis tro Riproĉis panjo, ne da sun' Kaj nun mi volas nur lumon de l' lun'
Mi baniĝas en luno Kaj blankiĝas kiel neĝo Se lunlum' estas amika Do neniel kontraŭ leĝo Bonas revo romantika Ho! Tre pura estas lun'
Sub la lumo de l' luno En ĉi tia nokta splendo Regas forto de l' magio De l' magia amtranscendo Bonas revo romantika Ho! Tre pura estas lun'
Ĉi ĉi ĉi luna radio Ĉi ĉi ĉi venas al nia mondo Ho luno Tuj venu ho pura lun'
Mi bezonas trovi lokon malaĉan kie oni povu danci kaj taŭzi la harojn nepras plaĉa rokmuzik' bier' bonpreza kaj libervivuloj jen do miaj postuloj!
Trovi lokon kie vere regu nur la diboĉem' trovi lokon kie estu frenezuloj treege ebriaj trovi kacan drinkejon!
Vagante sur la stratoj de Sanpaŭlo mi daŭre serĉas inon por mi kaj tiel ŝi estu: ŝi ŝatu drinki kaj paroli LSD-on ŝi volu provi kaj ŝatu Barrett kaj Beatles
Trovi lokon kaj virinon kiuj feliĉigu min trovi lokon kie estu frenezuloj treege ebriaj trovi kacan drinkejon!
Kaŝiri´ la trinkaĵo de la dioj Farita el manioko de la virinoj.
Post longa laborado Mi estas ege laca kaj nun mi volas drinki mian Kaŝirion.
Ĝi estas la biero de la arbaro, Ni drinkas ĉe la festoj Kaj ankaŭ en ritaro al la dioj.
Rim: Tiu ĉi muzikaĵo apartenas al la albumo Kvin Jarcentoj, de BaRok-Projekto, kiu estas disponebla ĉe Vinilkosmo, ĉi tie. Obs: gravada no álbum Kvin Jarcentoj, da banda BaRok-Projekto, que está disponível aqui: Vinilkosmo, ĉi tie.
BaRok-Projekto:
Rafael Milhomem - voĉo kaj bekfluto
Muniz - voĉo kaj elektra gitaro
Júlio Fricks - drumo
Barok-Projekto:
Karliene Araújo: akustika gitaro kaj kromvoĉo
Flávio Soares: perkutiloj kaj drumo
Lívia Evangelista: kontrabaso
Muniz: voĉo kaj elektra gitaro
Rafael Milhomem: voĉo kaj bekfluto
Ĥoro: Regiane Vieira de Oliveira, Rosana Vieira de Oliveira Milhomem, Rafael Milhomem, Muniz kaj Karliene
Aktoro: Bruno di Tanno
Jen, prave, fia solidar' Ŝi venis, amikine Vi min avertis pri l' erar' Mi blindis plu, senfine
jen mi, fraĉjo, la kobaj' de falsita gaj'
bovoj flugantaj en l' aer' mil koloroj en la suba Ter' kaj riveliĝas ĉia ver'
Al la plej alta nivel' Mi ne evitos daŭri Flugante tra la ĉiel' Ne estas temp' por halti
Plafono en ĉiel' Forĵetis min al fal' Flugilo sen anĝel' Kaj la viv' vuale
hej, lasu min Mi ne volas flugi plu batu mia kor' kaj revenu mia viv' jen sub la jugo de la deco ĉu rajtas mi je rekomenco? ĉu rajtas mi je rekomenc'...
Rim: Registrita en la albumo Supernova: Vinilkosmo, 2006. (Aĉetu ĝin ĉi tie) Obs: gravada no álbum Supernova: Vinilkosmo, 2006. (Adquira aqui)
Bando Supernova Koncerto dum UK en Bialistoko - Pollando, 2009.
En ĉiuj tagoj ĉe l' vekiĝo
Ne estas al mi la pasinta temp'
Sed multa tempo estas
Havas mi ĉiun tempon de l' mondo
En ĉiuj tagoj antaŭ dormalven'
Iĝas for pri l' tago memoraĵoj
Ĉiam antaŭen
Ne estas perdinda temp'
Nia sanktita ŝvito
Estas pli bela ol ĉi sangamaro serioza
Sovaĝa, sovaĝa, sovaĝa
Jen la sun' en ĉi mateno cindra
Tempesto venas kaj ŝajnas la okulpar' via
Pro bruno
Do ĉirkaŭbraku min
Tre forte kaj rediru
"Ni distancas tre fore je ĉio"
Estas al ni propra tempo
Estas al ni propra tempo
Estas al ni propra tempo
Ne timas mi pro mallumo
Sed lasu ŝaltata la lumon,
Vi nun
Kio estis kaŝita estas la kaŝitaĵo
Kion oni promesis nenies promes'
Kaj ne tempo perdiĝis
Estas ni junaj
Tre junaj, tre junaj
(Originala titolo: Under the same sun) Verkis: Klaus Meine k Mark Hudson k Scott Geffery Fairbairn Traduko: Ana Paula Pose
Mi vidis la matenon Detruita per pafil’ Mi aŭdis krion, li falis tien, neniu ploris Mi vidis patrinon Ŝi preĝis por sia fil’ Revenigu lin, lasu lin vivi, ne lasu lin morti
Vi ĉiam demandis vin Ĉu estas paradiz’ en la ĉiel’ Kial ni ne povas iri tien?
Ĉar ni ĉiuj vivas sub la sama sun’ Ni ĉiuj iras sub la sama lun’ Do kial, kial ni ne vivas kune?
Mi vidis la vesperon Velkigi ombrojn iom post iom Ni vidis ŝafidon kuŝiĝante al la ofero Mi vidis la infanojn La infanojn de la sun’ Kiel ili ploris, kiel ili sangis, kiel ili mortis
Vi ĉiam demandis vin Ĉu estas paradiz’ en la ĉiel’ Kial ni ne ĉesas batali?
Ĉar ni ĉiuj vivas sub la sama sun’ Ni ĉiuj iras sub la sama lun’ Do kial, kial ni ne vivas kune?
Kelkfoje mi pensas ke mi frenezas Ni perdas ĉion kion ni havas kaj neniu ŝajnas zorgi Sed en mia kor’ tio ne ŝanĝiĝas Ni pretigu nin alporti iom da am’ al nia mond’.
Kaj tio vere gravas Se paradizo ekzistas supre Ni certe uzus iom da am’
Ĉar ni ĉiuj vivas sub la sama ĉiel’ Ni ĉiuj vidas la samajn stelojn Do kial, kial ni ne vivas kune?
Ĉar ni ĉiuj vivas sub la sama sun’ Ni ĉiuj iras sub la sama lun’ Ni ĉiuj vivas sub la sama ĉiel’ Ni ĉiuj vidas la samajn stelojn Do kial, diru kial ni ne vivas kune?
Kantas kaj gitarludas: Ana Paula Pose Kungitarludas: Paŭlo
