Tradukiĝo

(Originala titolo: Traduzir-se)
Verkis: Fagner k Ferreira Gullar
Traduko: Cícero Soares

Unu parto de mi
ĉiuj sen limo:
kaj alia, neni':
kavo sen fino.

Unu parto de mi,
popolamas':
alia, malkomforto
kaj solec'.

Unu parto de mi
pesas, mezuras:
kaj alia kapturnas.

Unu parto de mi
manĝofestenas:
kaj alia miremas.

Unu parto de mi
estas tutcerte:
kaj alia montriĝas
senaverte.

Unu parto de mi
estas vertiĝo
kaj alia, lingvaĵo.

La traduko de part' en
alia parto
— por mi demand' de viv' aŭ morto — ĉu ĝi arto?



Kantas kaj gitarludas: Cícero Soares

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).




Vidu alian version:
Tradukiĝi

Kampula trajneto

(Originala titolo: O trenzinho do caipira)
Verkis: Villa-Lobos k Ferreira Gullar
Versio: Wel

Ekiras trajn' kun infano,
la sorto laŭ luda tir',
la vivo, fidela kompano,
kun urbo kaj nokt' en rondir'.

Kuriras trajno sencele
renkonte al tagonov',
tra valoj iras sinpele,
ĉe l' mar' anhele, ĝis montoblov'.

Surmonte siblas gaje sub lunhel',
jam fluge kuras tra l' stela ĉiel',
lunhel', ĉiel', kaj stel'...


Rim: La partituro de tiu ĉi muzikaĵo estas disponebla ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu alian tradukon:
La internlanda trajneto

Tradukiĝi

(Originala titolo: Traduzir-se)
Verkis: Fagner k Ferreira Gullar
Traduko: Tarcísio Lima

Unu parto de mi estas konkordo
Kaj la dua senfundo kaj senbordo;
Unu parto reflektas hommultiĝon
Kaj la dua fremdecon kaj soliĝon;
Unu parto de mi pesas, mezuras
Kaj la dua plezuras;
Unu parto de mi manĝon devoras
Kaj la dua priploras;
Ĉiamdaŭre flamadas la unua,
Ekfulma, ekflagra jen la dua;
Jen ankoraŭ l’ unua nur vertiĝas
Kaj la dua vortiĝas;

Ĉu verŝiĝi en alian unu parto,
Kio estas demand’ de viv’ kaj morto,
— Estus arto? estus arto?

Vidu kaj elŝutu la muziktekston kun akordoj (x-sistemo).




Vidu alian version:
Tradukiĝo

Bobeloj de amo

(Originala titolo: Borbulhas de amor)
Verkis: Juan Luis Guerra
Portugallingva traduko: Fagner k Ferreira Gullar (el Borbujas de amor)
Esperanta traduko el la portugala: Jorge de Oliveira

Ploras mia kor' pro la dub' inter sentemo kaj raci'
Ĝemas mia kor' pro l' konstanta malespero
Kompatinda kor', kiun senpaciencigas via voĉ'
Ve al mia kor', kiu perdis sian saĝon
Mi volus esti fiŝ'
Por bani min en la mar' de viaj kisoj,
Bobelojn fari kaj tiel vin amuzi,
Maldormi tra la nokto apud vi
Fiŝeto multekolora por farbi vian bruston
Kaj per koraloj ornami viajn harojn,
Freneze serpentumi ĉirkaŭ vi

Kantas mia kor' por anonci, ke ĝi ne forgesas vin
Sonĝas mia kor', ke al mi vi tuj revenos
Kompatinda kor', kiun senpaciencigas via voĉ'
Ve al mia kor', kiu perdis sian saĝon
Mi volus esti fiŝ'
Por bani min en la mar' de viaj kisoj,
Bobelojn fari kaj tiel vin amuzi,
Maldormi tra la nokto apud vi
Fiŝeto multekolora por farbi vian bruston
Kaj per koraloj ornami viajn harojn,
Freneze serpentumi ĉirkaŭ vi

Multajn fojojn mi naĝadus ĉe la plaĝo
En la ondoj de via korpo kaj restadus
Poreterne ene de vi

Vidu kaj elŝutu la muziktekston kun akordoj (x-sistemo).

La internlanda trajneto

(Originala titolo: O trenzinho do caipira)
Verkis: Villa-Lobos k Ferreira Gullar
Traduko: Vitor Mendes

Jen for la trajn’ kun la knabo
Jen for la vivo sur rad'
Danc-rond', destina forrabo
Jen urb’ kaj nokt’ en girad’
Jen for la trajn’ kun la knabo
Al nova tago sur Ter’
Kurante iras sur montoj
Iras ĉe fontoj kaj tra l’ aer’

Kantante sur montar’ sub luna sfer’
Kurante ĉe la steloj tra l’ aer’


Rim: La partituro de tiu ĉi muzikaĵo estas disponebla ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).




Vidu alian version:
Kampula trajneto