Por diri adiaŭ

(Originala titolo: Pra dizer adeus)
Verkis: Edu Lobo k Torquato Neto
Traduko: Flávio Fonseca

Adiaŭ
Mi foriras ja
Ĉiam ien ajn
Certe kiel solo
Tiel sole, ha!
Forgesenda tru’
Mi ne lasos plu
Tian mian rolon

Ha, bedaŭrinde ne
Eblas montri, ke
Amo egis tiom
Tamen ion mi petas al vi:
Venu!
Mi ripetas nur:
Venu!
Eĉ almenaŭ por
Diri al mi:
Adiaŭ!



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Eĉ se por ne plu
Je la lasta foj’

Eĉ se por ne plu

(Originala titolo: Pra dizer adeus)
Verkis: Edu Lobo k Torquato Neto
Traduko: Wel

Por ni
Ne eblas reven'
Ni du vivu en
Ĉi soleco sen fin'

Solaj laŭ la voj'
Ĉi granda dolor'
Senkompate for
Iĝos nia destin'

Ĉu vere povas am'
Tiu granda flam'
Simple malaperi?
Ne, ne povas, kompreneble ne
Ŝanc' estas al ni du
Ŝanc' nin revidi, nu
Eĉ se por ne plu

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Je la lasta foj’
Por diri adiaŭ

Je la lasta foj’

(Originala titolo: Pra dizer adeus)
Verkis: Edu Lobo k Torquato Neto
Traduko: Wel

Jes mi
foras nun de vi,
loĝas tie-ĉi
la sufer’ kaj solo.

Tiel solas mi...
La terura pens'
ne revidi vin,
estas preskaŭ morto.

Ha, kiel volus mi
diri jam al vi,
ke ja estis amo,
ke mi ne povas vivi sen vi,
ne!
Mi mortas sen vi,
ve!
Venu, eĉ se nur
je la lasta foj’.

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Eĉ se por ne plu
Por diri adiaŭ