Ĝis Dio volu

(Originale: Até quem sabe)
Verkis: João Donato k Lysias Ênio
Traduko: Cícero Soares

Ĝis ajna iam
Ĝis volu Di'
Ĝis Dio diru

Ĝis vi sen mi
Sen fantazio
Sen resopiro

Jam ni nuntempe
Tuj senaverte
Ne plu kuniras

Ne plu deziras
Pluiri rekte
Nek plu afekte

Mi iros kun
Neniu nun
Jam ne vi plu

Sen memestim'
Sen vivfaden'
Sen memkompren'

Venu forges'
En la amas'
Ĝi min konsolu

Ĝis ajna iam
Ĝis diru Di'
Ĝis Dio volu



Kantas kaj gitarludas: Cícero Soares

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).




Vidu alian version:
Ĝis kiu scias

Rio

(Originala titolo: Rio)
Verkis: Roberto Menescal k Ronaldo Bôscoli
Traduko: Flávio Fonseca

Rio loĝanta en mar'
Ferias mi en Rio
Kiu ĉe la mar'
Havas florojn naskiĝintajn brunaj
En ĝardenoj sunaj

Rio de veluraj montoj
Ĝojkrias mi al Rio
Al ridetaj fontoj
Kiuj oras preskaŭ ĉiutage
Kaj ĝojas lum-image

Rio, mar',
Eterna en la amofar'
Mia Rio lunas
Amike, blanke, junas

Jen sun', jen sal', jen sud'
La manoj sin malkovras, blu-apud'
Pro tio mia Rio de l' virina belo
Tuj finas ĉiun senton de ia malhelo
Ne dormas mia Rio, ĉar neniam lacas,
Kaj Rio nur donacas

Ferio ĉe Rio
Mi, Rio,
Ferio ĉe Rio
Mi, Rio, mirio!


Rim (N.T.):
- "Rio" estas mallongigo de la urbonomo "Rio-de-Ĵanejro".
- "Mirio" estas libera uzo de la prefikso "miria/", kun la senco de "miriado".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Multe pli

(Originala titolo: E muito mais)
Verkis: João Donato k Lysias Ênio
Traduko: Flávio Fonseca

En la estonto estos ĉio tre malsama
Vetero flamas kaj subite for la saĝ'
Ĉi mia amo certe estas tre freneza
Pli ol da meza, por mi ĉiom kun kuraĝ'

Mi volas kovri la sunlumon per kribrilo
Esti hirundo en somera vojdevi'
Mi finkonstruos belkastelojn de argilo
Kaj marŝos sur la varmaj akvoj de l' pasi'

En la estonto estos ĉio tre malsama
Vetero flamas kaj subite for la saĝ'
Ĉi mia amo certe estas tre freneza
Pli ol da meza, por mi ĉiom kun kuraĝ'

Malŝaltu lumon kaj ekscitu mian brulon
Tuj kisu min por ke solviĝu mia zorg'
Komprenu, mi pro ĉi dezir' estas fajrulo
Mi estas plenaluna drako de Georg'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Surprizo

(Originala titolo: Surpresa)
Verkis: João Donato k Caetano Veloso
Traduko: Flávio Fonseca

Ho! Surprizo
Beleco
Lum’ ŝaltite
Certeco
Ho! Saŭdado
Vereco
Tien ĉi
Venu
Al mi (Do vi)



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Malfermita kaĝo

(Originala titolo: Gaiolas abertas aŭ Passarinha)
Verkis: João Donato k Martinho da Vila
Traduko: Flávio Fonseca

Flugu, flugu kara birdetino
Via kaĝo malfermitas
Ne plu estas ĉi prizon'

Iru kaj svingadu la flugilojn
Zorgu pri danĝeraj miloj
Visko, kapto, roko, ŝton'

Flugu, la libero faras fintojn
Flugu, fuĝu ĝis la altaj pintoj
Kantu, voku viajn gekompanojn
Kiuj faras karavanojn
Inter fruktoj de l' sezon'



Kantas: Cícero Soares
Baza aranĝo: Alberto Arantes

Vidu kaj elŝutu la muziktekston kun akordoj (x-sistemo).

Ĝis kiu scias

(Originale: Até quem sabe)
Verkis: João Donato k Lysias Ênio
Traduko: Francis Soghomonian

Ĝis iu tago
Ĝis vivos mi
Ĝis kiu scias
Ĝis venos vi
Sen fantazio
Sen plu saŭdadi

Ĉar nun vi kaj mi
Nin tre subite
Ne plu komprenas
Ne plu intencas
Plu ŝajnigante
Plu kunirante

Nun iros mi
Laŭ ajna voj'
Sen vidi vin
Sen voli min
Sen kredi min
Sen trovi min

Mi trinkos min
Mi perdos min
For en la urbo
Ĝis iu tago
Ĝis vivos mi
Ĝis kiu scias

Vidu kaj elŝutu la muziktekston kun akordoj (x-sistemo).




Vidu alian version:
Ĝis Dio volu

La pac'

(Originala titolo: A paz)
Verkis: Gilberto Gil k João Donato
Traduko: Manolo Pankorbo k Roger Borges

La pac'
Venis loĝi en mia kor'
Jen subite min kaptis pac'
Kvazaŭ iu ciklona fort'
Tirus miajn piedojn for
Kvazaŭ flosus mi en la spac'

La pac'
Iĝis mara revoluci'
Klaras mia destin'; la pac'
Jen eksplodo de homa fi'
Unu bombo en Japani'
Naskis landon de ĝoj' kaj pac'

Pensis mi pri mi
Pensis mi pri vi
Ploris mia kor'

Kia kontraŭdir'
Pro milito-far'
Nia am' en pac'

Kaj jen
Mi alvenas al kajorand'
Kie vojo ekturnas sin
Kie muĝas la ocean'
Kie lilas vespero-fin'
Kaj min tuŝas sopira van'



Produktado: Roĝer Borĝes
Voĉo: Eric Languillat
Gitaro: Ĵomart Amzeyev
Drumo: Rômulo Felicio

Vidu kaj elŝutu la muziktekston kun akordoj (x-sistemo).