Gaŭĉineto amatin'

(Originala titolo: Gauchinha bem querer)
Verkis: Tito Madi
Traduko: Ivo Sanguinetti

Rio Grande do Sul
Mi foriras sen mia kor'
Mi foriras el Rio Grande
Sole kun mia dolor'
Mi kunportos memoron kun mi
Pri tiu am' kiu frue naskiĝis
Pri tiu am' kiu floris rapide
Kaj tre frue perdiĝis

Rio Grande do Sul
Mi revenos iutage
Por revidi mian Gŭaiban
Por revidi gaŭĉineton
Kaj do se ankoraŭ ŝi volos
Renkontiĝi denove tie ĉi
Rio Grande do Sul
Mi foriros kun ŝi


Rim: Registrita en la albumo Esperanto gaúcho, eldonita de Gaŭĉa Esperanto-Asocio.

Vidu kaj elŝutu la muziktekston kun akordoj (x-sistemo).

Karioka balanco

(Originala titolo: Balanço Zona Sul)
Verkis: Tito Madi
Traduko: Flávio Fonseca

Balancas sin dum irad'
Balancas dum babilad'
Balancas tiom, vi
Ke mia kor' balancis sin

Balancu, ĉar estas bon'
Ĝis Lemo ekde Leblon'
Amasigante la homojn soifajn
Ĉirkaŭe de ĉi irad'

Sed marŝu lante, sen hast'
Por ke vi restu sen lac'
Kaj vi pluiru balan-
Balancante tra la plac'

Balancu sin la harar'
Balancu, sed sen erar'
Kaj se vi falos, nur falu precize
Ĉe mi, sur min


Rim:
- Lemo kaj Leblono - kvartaloj de la urbo Rio-de-Ĵanejro
- La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).