Mi diris ĝis

(Originala titolo: Eu disse adeus)
Verkis: Roberto Carlos k Erasmo Carlos
Traduko: Flávio Fonseca

Mi diris ĝis
Mi mem ne kredis tion
Sed mi diris ĝis
Kaj vidis sur la planko
Miajn revojn dise
Mi diris ĝis
Al iluzioj kaj
Al reva mis'

Mi diris ĝis
Kaj vidis tutan mondon
Fali do sur min
Mi volis nur feliĉon
Sed jen mia fin'
Mi mem kondamnis min
Nur al memor', nur al memor'

Ja certe tristos vidi sole
Ĉion kio estis de ni du
Sed ja pli bonis diri ĝis en tiu horo
Anstataŭ plori plu

Mi diris ĝis
Mi mem ne kredis tion
Sed mi diris ĝis
Mi tretis sur la iluzi'
Kaj reva mis'
Alvenis plor'
Kaj malgraŭ ĝi mi diris ĝis
Mi diris ĝis

Vidu kaj elŝutu la muziktekston kun akordoj (x-sistemo).

Cikatroj

(Originala titolo: Cicatrizes)
Verkis: Miltinho kaj Paulo César Pinheiro
Traduko: Flávio Fonseca

Amo neniam cikatriĝas...
Almenaŭ malpliiĝas plor'
De l' vivo ne pansita. Ho,
La vivon plor' dominas,
Disbatas ĝis ruina,
Kaj poste ĝin deprimas. Kor'
Pluserĉas amon for...

Mi pensas, ke ĉi pet' estas je la normal',
Ĉar por feliĉ' mi turnas min al
Iu, ajna iu,
Kiu almenaŭ daŭru dum la karnaval',
Nurnura iu, ajna iu,
Eĉ se ne bona, tamen estu ne la mal'.

Ne, la koro ne kondiĉas...
Almenaŭ malpliiĝas plor' ...



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Sub ombro iuarba

(Originala titolo: Na sombra de uma árvore)
Verkis: Hyldon
Traduko: Flávio Fonseca

Estu ne naiva kaj venu kun mi,
Ekzistas nova mondo, montros mi al vi.
Oni ne ĝin konas per iu libro,
Havu vi kuraĝon, liberiĝu vi! Jen viv', pasi'...

Kie la valoro de l' urbaj lumoj,
Se lumo jam naturas sur ĉi mia pad'?
Nur ripozi sub ombro iuarba
Aŭdante kanton de birdar', birdar', ho!



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Ajna tago

(Originala titolo: Qualquer dia)
Verkis: Ivan Lins k Vitor Martins
Traduko: Flávio Fonseca

En ĉi sertaneca solo
Kie ĉiu konas volon
Mi vin trovos ajnan tagon
Mi vin trovos ajnan tagon

Konas mi vian spuron
Manĝis vian miksturon
Drinkis vian likvoron
Konas vian odoron
Mi vin trovos ajnan tagon
Ha! Mi vin trovos ajnan tagon

Ĝuste kiu min juĝis morta
Kaŝis penson ĝis forgeso
Miros pro tim' kaj impreso
Post malferm' de l' pordo



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Doloreto

(Originala titolo: Dorzinha aŭ Lembre)
Verkis: nekonata
Traduko: Flávio Fonseca

Kiam doloreto venos al la kor'
Kun ĝi la sufero, kaj kun ĝi la plor'

Memoru, ke el ĉielo iu gardas vin
Kun amega inklino, kun am', kun inklin'
Iu gardas vin
Kun amega inklino, kun am', kun inklin'

Kiam la malĝojo frapos je la pord'
Ne senesperiĝu, kantu en akord'

Memoru...

Metu belan ridon sur via mieno
Lasu ke la larmoj lavu la ĉagrenon

Memoru...



Voĉo: Eveline Paŭla
Gitaro: Flávio Fonseca

Vidu kaj elŝutu la muziktekston kun akordoj (x-sistemo).

Elefanto ĝenas

(Originala titolo: Um elefante incomoda muita gente)
Tradicia
Traduko: Flávio Fonseca

Unu elefanto ĝenas multajn homojn
Du elefantoj ĝenas ĝenas ege pli

Du elefantoj ĝenas ĝenas multajn homojn
Tri elefantoj ĝenas ĝenas ĝenas ege pli

Tri elefantoj ĝenas ĝenas ĝenas multajn homojn
Kvar elefantoj ĝenas ĝenas ĝenas ĝenas ege pli

Kvar elefantoj ĝenas ĝenas ĝenas ĝenas multajn homojn
Kvin elefantoj ĝenas ĝenas ĝenas ĝenas ĝenas ege pli

ktp...


Rim:
- (Noto de la tradukinto) La melodia ritmo estas ete adaptita por taŭgi al Esperanto.
- Taŭga kanteto por instrui nombrojn, diferencon inter multe kaj ege kaj eĉ taktojn (kaj certe por amuzi!).
- (Noto de la tradukinto) Kompatindaj elefantoj... ili estas pacemaj!
Obs:
- (Nota do tradutor) O ritmo da melodia foi levemente adaptado para se adequar ao Esperanto.
- É uma canção apropriada para ensinar os números, a diferença entre multe e ege e até compassos (e certamente para divertir!).
- (Nota do tradutor) Coitados dos elefantes... eles são pacíficos!

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Flávio Fonseca)

Vidu kaj elŝutu la partituron.

Vidu kaj elŝutu la muziktekston kun akordoj (x-sistemo).




Vidu alian version:
La cirko

La bestaro

(Originala titolo: Bicharia)
Verkis: Luiz Enriquez k Sérgio Bardotti
Portugallingva traduko: Chico Buarque
Esperanta traduko el la portugala: Flávio Fonseca

Aŭ, aŭ, aŭ! I-o, i-o!
Mjaŭ, mjaŭ, mjaŭ! Kokeriko!
Bestoj estas ĉarmoj vivaj
Tamen ili ne estas naivaj

Aŭ, aŭ, aŭ! I-o, i-o!
Mjaŭ, mjaŭ, mjaŭ! Kokeriko!
Se vosttordas la porkino
Povas esti l' fino
Jen rezulto do
Aŭ, aŭ, aŭ! Kokeriko!

Iam okazis
(kaj ankoraŭ)
En certa lando
(kaj ankoraŭ)
Kie bestoj estis mistraktataj kiel stultaj
(kaj ankoraŭ, kaj ankoraŭ)

Tie barono
(kaj ankoraŭ)
La fanfarono
(kaj ankoraŭ)
Pensis, ke la vivo belas ĉar li ne laboris
(kaj ankoraŭ, kaj ankoraŭ)

Aŭ, aŭ, aŭ! I-o, i-o!
Mjaŭ, mjaŭ, mjaŭ! Kokeriko!
Bestoj estas paciencaj
Tamen ili ne estas demencaj

Aŭ, aŭ, aŭ! I-o, i-o!
Mjaŭ, mjaŭ, mjaŭ! Kokeriko!
Se la hom' transiras limon
Besto vekas timon
Jen rezulto do
Aŭ, aŭ, aŭ! Kokeriko!

Tiru, azeno!
(nur tiradis)
Kovu, kokino!
(nur kovadis)
Rapidiĝu, hundo, gardu domon, kuru, venu!
(nur kuradis, nur venadis)

Sed tago venas
(tago venas)
Ĝi ne eltenas
(ne eltenas)
Ŝanĝos ĉion, kaj nun kiu pagos la anason?
Ĉar ni kaŭzos bestan frakason!


Rim:
- Aŭ, aŭ, aŭ! = onomatopeo imitanta la krion de hundo. Kvankam en kelkaj lokoj oni trovas la formon "boj, boj!", mi preferis uzi "aŭ, aŭ!", ĉar tiu estas samsona al la portugala, kaj por teni la rimon.
- I-o, i-o! = onomatopeo imitanta la krion de azeno. Krom esti simila al la itala lingvo (laŭ originala kanto), ĝi memorigas pri la verbo "iai".
- Mjaŭ, mjaŭ, mjaŭ! = Kvankam en PIV oni trovas la verbon "miaŭi", mi preferis uzi tiun formon kun "j", pro metrika kialo kaj pro simileco kun portugala lingvo.
- Se vosttordas la porkino = populara esprimo kun la signifo: ege malfacila situacio. La esprimo eble naskiĝis en rura medio, kie la bredanto devas preni la porkon je la vosto, por irigi ĝin al celata loko, sed la besto tordas ĝin por eskapi.
- Kiu pagos la anason = populara esprimo kun la signifo: porti la sekvojn de la agoj de aliaj homoj. La origino de tiu esprimo estas eŭropa (portugala aŭ itala), kaj ekzistas pli ol unu klariga versio, ĝenerale pri komikaj situacioj.

- La partituro de tiu ĉi muzikaĵo estas disponebla ĉe Klubo Brazila Muziko.
- A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Jam scias

(Originala titolo: Já sabe)
Verkis: Luiz Tatit k Sandra Peres
Traduko: Flávio Fonseca

Jam ŝatas sian panjon
Jam ŝatas sian paĉjon
Ne scias sin purigi, ne

Jam scias sin purigi
Jam volas mil fabelojn
Ne scias meti ŝuon, ne

Jam scias meti ŝuon
Jam manĝas tute sola
Neniam brosas dentojn, ne

Jam brosas siajn dentojn
Jam iras al lernejo
Ne scias ludi pilkon, ne

Jam scias ludi pilkon
Jam giras, giras, giras
Ne scias salti ŝnuron, ne

Jam scias salti ŝnuron
Ĉiame volas amon


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

La kokino

(Originala titolo: A galinha)
Verkis: Luiz Enriquez k Sérgio Bardotti
Portugallingva traduko: Chico Buarque
Esperanta traduko el la portugala: Flávio Fonseca

Ĉiu ovo
Je kovo,
Jen trovo,
Renovo.
Ĉiu ovo,
Jen banko,
Jen blanko
De l' avo.
Tamen pro
Nehavo,
Dum nokte
Mi sonĝas
Nur pri
Ovoflavo.

Tre zorgas la sinjor'
Pro pita labor'.
Kokinoj konsciaj
Neniam ferias.

"Vi oldiĝis, mi pardonas.
Gastiĝos vi bona
En formo buljona."

Ha!

Jen tia la trovo
Post jaroj da kovo.
Do mi lin bekfrapis
Kaj gape eskapis.
Nun mi kantos
En rondo,
Sur kresto
De l' ondo.

Ĉar ju plia bek'
Des vasta la grand'
De la ĝoja kaĝo
De mia land'.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

La luno

(Originala titolo: A lua)
Verkis: Renato Rocha
Traduko: Flávio Fonseca

La luno
Kiam sin movas
Ĝi novas
Kreskas aŭ nur
Duonas
Ĝi plenas
Kaj kiam sin movas
Malkreske venas
Poste ĝi lunas novaŝtupe
Bis!

Kiam sin movas
Ĝi novas
Kreskas aŭ nur
Duonas
Ĝi plenas
Kaj kiam sin movas
Malkreske venas
Poste ĝi lunas nove

Dupo kredis
Ke ĝi malnovas


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

La aero (La vento)

(Originala titolo: O ar (O vento))
Verkis: Luis Enriquez Bacalov k Vinicius de Moraes k Toquinho
Traduko: Flávio Fonseca

Mi vivas, sed sen ia korpo
Pro tio mi ne havas formon
Ankaŭ pezon mi ne havas
Kaj sen kolor'

Se mi malfortas, mi estas brizo
Kelkfoje siblas en mia kurs'
Sed se mi fortas, mi estas vento
Se mi odoras, mi estas furz'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Luno kaj stelo

(Originala titolo: Lua e estrela)
Verkis: Vinícius Cantuária
Traduko: Flávio Fonseca

Virino de la ring' de luno kaj stelo
Sunaj radioj en urba ĉielo
Brilo de l' luno, nokto tre tarda
Penso pri vi, mi sentas saŭdadon

Venas mateno, svenas la lumoj
En la spegulo de ĉi nia urbo
Kiu vi estas, kiel nomiĝas?
Diru al mi: renkonti vin kiel?

Mi lasu al sorto, al la hazardo
Mi eble renkontos vin en nokta ardo
Brilo de l' luno, nokto tre tarda
Mi pensas pri vi, mi sentas saŭdadon



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Brazila valso

(Originala titolo: Valsa brasileira)
Verkis: Edu Lobo k Chico Buarque
Traduko: Flávio Fonseca

Jen vin mi serĉis ade,
Ĉar dum pens' pri vi
Mi kuris kontraŭ tempo.
Forĵetis mi la tagojn
Sen ekvidi vin,
Kiel el filmo
Partojn sen valor'.
Mi retrofleksis la horojn,
Iom priŝtelis.
Mian vojon mi modelis
Ĝis al via kor'.

Mi supreniris monton,
Sed ne kiel korpo,
Tamen sentimento.
Mi eĉ surprizis sunon
Antaŭ sunnaskiĝ',
Transpasis noktojn
Sen vigligi min.
Kaj tra malantaŭa pord'
De l' domo serena
Mi enirus plena,
Vin vidus jena,
Konfuza pro l' fascin'
De mia ven'
Mil tagojn antaŭ ol ekkoni vin.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kvazaŭ preĝo

(Originala titolo: Feitio de oração)
Verkis: Noel Rosa k Vadico
Traduko: Flávio Fonseca

Bontrovo foje nur ofendas,
Pro tio nun mi klare min defendas
Ja kontraŭ doloro de l' saŭdado,
Kiu en plej alta grado
Ĉagrenas per invado.

Batuko: jen privilegio.
La samb' lerneblas ne en gimnazio,
Ĉar samb' estas plora ĝoj' pri io,
Estas rida nostalgio
Ene de melodio.

Pro tio nun al Penjo mi irigos ŝin,
Por ke kun ĝoj', mia brunin'
Kantu por la glor'
Kaj kun harmonio,
Tiun tristan melodion
De mia sambo, kvazaŭ preĝon el la kor'.

La sambo, laŭ kredinda fonto,
Ne venas de la urbo nek de l' monto.
Kaj se elteniĝos la pasio,
Oni certos pri la scio:
Venas ĝi el la mio.


Rim: Penjo estas aludo al Preĝejo de la Penjo (foto), konstruita sur alta monto kaj tre konata en la urbo Rio-de-Ĵanejro. Etimologie, la vorto "penjo" (portugallingve "penha") signifas "roko".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi amis tiom

(Originala titolo: De tanto amor)
Verkis: Roberto Carlos k Erasmo Carlos
Traduko: Flávio Fonseca

Ha, mi venis tien ĉi
Nur adiaŭi vin
Kaj ĉiujn lastajn vortojn de ĉi amo, vi
Ja aŭdos en la fin'

Mi vin amis tiom, ke
Mi iris trans la mez'
Neniu povas ami tiel kiel mi
Kaj mi konfesas nun, jen tiu la frenez'

Mi rigardos vin en la
Momento adiaŭi vin
Mi denove ploros, ha,
Kiam vi rigardos min, rigardos min

La saŭdado venos, do
Mi petas je favor'
Permesu min almenaŭ vidi vin en for'
Pardonu, venkos min silente mia plor'



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Saluton, februaro

(Originala titolo: Alô, fevereiro)
Verkis: Sidney Miller
Traduko: Flávio Fonseca

Tambureta avert': atentu!
Kavaketo atakis oble
La gitara respond': atendu!
Tiam venis la fajfo noble

La bastamo ekbatis forte
La kuiko ekĝemis time
Tamburino ekdancis korte
Seriozas la samb' anime.

Ĉiujare februare, brunino
Karnavalo venas
Oni volas vin ensorĉi, brunino
Tion mi komprenas

Se ĝi prenos vian korpon
Homoj miros sen motivo
Volante kompreni vian dancon
Volante elkoni vian vivon



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kantu, kantu, ho popolo!

(Originala titolo: Canta, canta, minha gente!)
Verkis: Martinho da Vila
Traduko: Flávio Fonseca

Kantu, kantu, ho popolo
Lasu tristecon ja for
Kantu forte, kantu laŭte
Ĉar vivo pliboniĝos
Ĉar vivo pliboniĝos
Ĉar vivo pliboniĝos
Ĉar vivo pliboniĝos
Ĉar vivo pliboniĝos

Kantu la sambon de rondo
La sambon kanzonan kaj la ironian
Kantu la sambon plivekan
La sambon modernan kaj la tradician

Kantu cirandon kaj frevon
Kokoon, maŝiŝon, bajonon, ŝaŝadon
Nur ne kantu por la junulino
Se apud ŝi estas ŝia kamarado

Kantu, kantu, ho popolo
Lasu tristecon ja for
Kantu forte, kantu laŭte
Ĉar vivo pliboniĝos
Ĉar vivo pliboniĝos
Ĉar vivo pliboniĝos
Sed la vivo pliboniĝos
La vivo pliboniĝos

La sambo forigas malbonon
Kantata sur monto aŭ sur la asfalto
Mi kantas karnavalan sambon
Aŭ lantan sambeton aŭ improvizatan

Mi jam delonge ne aŭdas
La sambon sinkopan, kun vario takta
Nur ne eblas kanti sambon
Se por vi la suno naskiĝas kvadrata

Kantu, kantu, ho popolo
Lasu tristecon ja for
Kantu forte, kantu laŭte
Ĉar vivo pliboniĝos
Ĉar vivo pliboniĝos
Ĉar vivo pliboniĝos
Jen mi diras: pliboniĝos
La vivo pliboniĝos
Certe ĝi ja pliboniĝos
La vivo pliboniĝos
Ĉu ververe pliboniĝos?
Ja, vivo pliboniĝos!
Estas tempo, mi foriros
Ĉar vivo pliboniĝos


Rim:
Cirando = brazila nordorienta muzik- kaj dancstilo. Ne ĝin konfuzi kun la infana rondodanco (kiu en la portugala havas la saman nomon).
Kokoo = brazila nordorienta muzik- kaj dancstilo.
Maŝiŝo = brazila muzik- kaj dancstilo.
Ŝaŝado = brazila nordorienta muzik- kaj dancstilo.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Troltreno

(Originala titolo: Arrastão)
Verkis: Edu Lobo k Vinicius de Moraes
Traduko: Flávio Fonseca

He, jen la floso sur mar'
He, he, he
Jen hodiaŭ troltren'
He, iru ni por fiŝar'
Lasu la ombron kaj venu vi!

Jen la troltreno en vasta mar' sen fin'
He, vi venigu ŝin, Jemanĵa', al mi

Mia Sankta Barbara, vi benu min
Vi edzigu min al Ĵanaina 

He, trenu ĝin sen erar'
He, he, he
Jen okazas troltren'
He, jen Reĝino de l' Mar'
Venu vi al entrepren' por mi

Helpu min Dio, ho Sinjor' de Bonfin'
Tiom da fiŝoj neniam vidis ni


Rim:

- Jemanĵa’ = oriŝao de l' maro.
- Laŭ sinkretismo, Sankta Barbara estas la oriŝao Iansan' (originale: Iansã), regantino de l' ventoj, fulmoj kaj ŝtormoj.
- Ĵanaina = sireno el salaj akvoj; ankaŭ unu el la nomoj de Jemanĵa'.
- Sinjor' de Bonfin' = laŭ katolika devoteco, estas reprezento de Jesuo Kristo laŭ figuraĵo de Lia morto, kaj unu el la ĉefaj devotaĵoj en Bahio.
- Du partituroj de tiu ĉi muzikaĵo estas disponeblaj ĉe Klubo Brazila Muziko: unu melodia, kaj unu korusa.




Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Rio

(Originala titolo: Rio)
Verkis: Roberto Menescal k Ronaldo Bôscoli
Traduko: Flávio Fonseca

Rio loĝanta en mar'
Ferias mi en Rio
Kiu ĉe la mar'
Havas florojn naskiĝintajn brunaj
En ĝardenoj sunaj

Rio de veluraj montoj
Ĝojkrias mi al Rio
Al ridetaj fontoj
Kiuj oras preskaŭ ĉiutage
Kaj ĝojas lum-image

Rio, mar',
Eterna en la amofar'
Mia Rio lunas
Amike, blanke, junas

Jen sun', jen sal', jen sud'
La manoj sin malkovras, blu-apud'
Pro tio mia Rio de l' virina belo
Tuj finas ĉiun senton de ia malhelo
Ne dormas mia Rio, ĉar neniam lacas,
Kaj Rio nur donacas

Ferio ĉe Rio
Mi, Rio,
Ferio ĉe Rio
Mi, Rio, mirio!


Rim (N.T.):
- "Rio" estas mallongigo de la urbonomo "Rio-de-Ĵanejro".
- "Mirio" estas libera uzo de la prefikso "miria/", kun la senco de "miriado".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Marakangaljo

(Originala titolo: Maracangalha)
Verkis: Dorival Caymmi
Traduko: Flávio Fonseca

Jen mi al Marakangaljo iros
Jen mi blankauniforme iros
Jen mi kun ĉapelo pajla iros
Inviti Analjan ja mi iros

Se neos Analja, iros nur mi
Ja nur mi, ja nur mi
Se neos Analja, iros nur mi
Ja nur mi, ja nur mi
Sen Analja, iros mi



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).