Bela virino

(Originala titolo: Moça bonita)
Verkis: Jair Amorim k Evaldo Gouveia
Traduko: Flávio Fonseca

Rozo je koloro sanga
En ŝia man' brilas tre
La rideto en la ombroj
Ne diras jes nek ne

En la buŝo, cigaredo
Pli lumas la rigard'
Kiu konas bonon kaj
La malon de la ard'

Je ruĝa kaj nigra vestita nokte kaj kun mister',
Kolringo kolora, juvelo ora, animfier'
Do vi, pro neceso aŭ pro promeso, propetu ŝin
Tamen zorgu, kara, ŝi estas bela, estas virin'
Tamen zorgu, kara, ŝi estas bela, estas virin'

Ĉe angulo de l' strato
Mokantas, mokantas, mokantas, he!
Ŝi, la bela virino
Turniĝas, turniĝas, turniĝas je

Hej, turniĝas l' aro je
Hej, turniĝas l' aro je


Rim:
L' aro je = vortludo imitanta la joruban vorton "láròyè", saluta esprimo al oriŝao Eŝuo. Ĝi estas ordinare uzata en ritoj de kandombleo kaj umbando.



Kantas: Denika Lua

Vidu kaj elŝutu la muziktekston kun akordoj (x-sistemo)

Simila al vi

(Originala titolo: Alguém como tu)
Verkis: José Maria de Abreu k Jair Amorim
Traduko: Vitor Mendes

Karul' kiel vi
Simila al vi
Tion ja serĉas mi
Kun ĉi via ard’
Kaj via rigard’
Serĉas mi tiun ĉi.

La am' kaj pasi'
Alvenis kaj forlasis min
Neniun deziris plu mi
Kiel deziras vin

Se ĉio forestas
La am' ne plu restas
Jen nur la revo-pad'
Do sola mi estos
Kaj estos en daŭra serĉad'

Mi scias, revenos la am'
Kaj eblas reven' de la flam'
Sed kiel vi, nu, 
Simila al vi ja ne plu


Rim: Sur la foto estas Dick Farney, unu ela ĉefaj interpretintoj de tiu ĉi kanto.

Vidu kaj elŝutu la muziktekston kun akordoj (x-sistemo).