Portu kun vi nur

(Originala titolo: Leve com você)
Verkis: Alexandre Carlo k Tonho Gebara
Traduko: Alejandro Cossavella


Portu kun vi nur bonon kaj ne plu,
malamo kaj rankor' donas nenion, nenion,

Sonas tiu kant', mi memoras vin, eĥoj de la fin'...

Sed, ni ne zorgu, ne...
Mi gardas nur en kor' kio estis bon'...
amo kvazaŭ sun' renaskiĝas ja...

Varmon sentas mi, de plia somer', buntas ja la viv'...

kaj neniel helpos nun lamenti pri l' dolor',
antaŭen devas iri ni, ĉar viv' ne haltis, ne...
Forgesi malfacilos nun, multon vivis ni...

Sed per la faloj lernas ni amon kultivi en nia kor'...

kaj pensad' pri nia futuro...



Kantas kaj gitarludas: Alejandro Cossavella

Vidu kaj elŝutu la muziktekston kun akordoj (x-sistemo)

Anunciacio

(Originala titolo: Anunciação)
Verkis: Alceu Valença
Traduko: Alejandro Cossavella

En brumo milda de l' pasioj enaj niaj
alvenas vi por ludi en mia ĝarden'
Ho! sur ĉevalo, viaj haroj en la vento
libere dancas sub la suno de l' maten'

Alvenas vi
mi tion sentas en la kor'

Anĝela voĉo flustris en mia orelo
mi jam ne dubas, tute certas pri l' signal'
ke vi alvenus je mateno de dimanĉo
mi vin anoncas, sonoril' de katedral'

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Anoncado
Anunciacio

Pro nur unu kapo

(Originala titolo: Por una cabeza)
Verkis: Carlos Gardel k Alfredo La Pera
Traduko: Alejandro Cossavella

Pro nur unu kapo de nobla ĉevalo
ke ĵus ĉe l' linio laciĝas, ho ve!
Kaj ke dum reven' ŝajnas diri al mi:
“ne forgesu, frato, ja ne devus veti vi...”
Pro nur unu kapo, subita enamiĝo,
ŝi estas la plej bela kaj ŝika virin'
ridetema buŝo, plena je mensogoj,
brulas mia koro en ŝia sorĉa fajr'

Pro nur unu kapo, ĉiuj frenezaĵoj
la lipoj kisantaj varmigas la korojn, sanigas l' animojn
Pro nur unu kapo, se ŝi min forgesas
ne gravas la vivon perdi ja mil fojojn
kial vivi plu?

Kiom da malĝojoj, pro nur unu kapo
milfoje mi ĵuris: ne vetos mi plu
sed inas la rigard' kaj venas la forges'
kaj mi nur vidas lipojn, sopiras al kares'
Ne plu da vetkuroj, mi diras serioze
tiuj emocioj ne taŭgas por mi
sed se ĉevaleto brilos dum dimanĉo
mi ja vetos ĉion, tia estas mi...


Kantas: Alejandro Cossavella

Vidu kaj elŝutu la muziktekston kun akordoj (x-sistemo).

Mi nur sopiras amon

(Originala titolo: Eu só quero um xodó)
Verkis: Dominguinhos k Anastácia
Traduko: Alejandro Cossavella

Ho! Kiel mankas al mi bon´
Ho! Kiel mankas al mi am´
sed mi ne havas iun ajn
kaj vivas ene de l´ solec´

Mi sopiras amon nun
por haltigo de l´ sufer´
Vera am´ por mi
je mia manier´
Pura ĝojo sur la Ter´


Rim: Troviĝas karaokea video de tiu ĉi kanto ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).

Pensante pri vi

(Originala titolo: Pensando em você)
Verkis: Paulinho Moska
Traduko: Alejandro Cossavella

Jen... mi pensadas nun pri vi
pensante ke ne plu
mi pensos pri forges'
ĉar se nur apudas vi
min ne vundas la solec'

Kun miaj kantoj, jen poem'
la parfumo de l' maten'
kaj la pluvo de l' somer'
la dezajno de la pom'
kun vi mi ĝojas nun

Mi pensas ade nur pri vi
Neniam plu forges'
Jen mia ver'

Vidu kaj elŝutu la muziktekston kun akordoj (x-sistemo).

Vi trouzis min

(Originala titolo: Você abusou)
Verkis: Antonio Carlos k Jocafi
Traduko: Flávio Fonseca k Alejandro Cossavella

Refreno:

Vi trouzis min
Misuzis amon vi trouzis min
Misuzis amon vi trouzis min
Misuzis amon vi trouzis min

Ne gravas ja, nun tre normalas la senam'
Eksmodas la dolora flam'
Scivolas mi ĉu nur naivas aŭ malnovas mia am'.
La kvadratec’ de miaj versoj
Malkongruas kun la intelekt’
Kiu koron ne estimas por esprim’

Refreno

Pardonu min, se mi insistas pri ĉi temo
Sed por mi ĉia poemo
Aŭ kanzon’ neimageblas sen paroli pri amem’
La kvadratec’ de miaj versoj
Malkongruas kun la intelekt’
Kiu koron ne estimas por esprim’

Vidu kaj elŝutu la muziktekston kun akordoj (x-sistemo).

Akvo fluas

(Originala titolo: Água de beber)
(ankaŭ konata pro la anglalingva versio: Water to drink)
Verkis: Tom Jobim k Vinicius de Moraes
Traduko: Alejandro Cossavella

Sopiris mi pri am' sed timo
Ekestis em mia sopir'
Sekreton konas ja la amo:
Nian koron povas mortigi
Ho! la tim'

Akvo fluas nun
Akvo fluas nun, kamarad'

Neniam mi antaŭe pravis
Ĝis la enir' al pardonvoj'
Nun mia dom' estas aperta
Mi malfermis ĉiujn pordojn
De la kor'


Registrita en la albumo Tom Jobim en Esperanto, en Junio/2002.


KURIOZAĴO (Rakontita de Kleber Farias, unu el la inĝenieroj kiuj laboris en la konstruado de Braziljo): En 1959, dum konstruado de la nova brazila ĉefurbo, la tiama prezidento Juscelino Kubitschek invitis Tom Jobim kaj Vinicius de Moraes por pasigi tempon ĉe Catetinho (provizora registara palaco, farita el ligno) por komponi simfonion ludotan en la tago de la urba inaŭguro. En iu nokto, Vinicius kaj Tom promenis proksime al la Ligna Palaco, "Kiam ili aŭdis sonon de akvo, kiu troviĝas malantaŭ Catetinho; ili demandis al la gardisto 'kio estas tiu akvosono tie?', kaj la viro respondis 'Ĉu vi ne scias? Ĉi tie akvo fluas nun, kamarad''." Tiel ili ekkonis la fonton, de akvo kaj de inspiro por la unua muzikaĵo verkita en Braziljo. Kleber estis unu el la unuaj aŭdi ĝin, kantita de Tom kaj Vinícius en la sola urba hotelo kelkajn horojn post la verkado. (Fonto: Wikipedia)

Vidu kaj elŝutu la muziktekston kun akordoj (x-sistemo).

Vidu alian version:

Akvo por la gorĝ'