En horto

(Originala titolo: No horto)
Verkis: Celina k Astrogildo (spirito) k Maiave Valença (mediumo)
Traduko: Dokito

Mi sonĝis: Jesuon
Mi vidis en horto
De l' vivo, kaj gaje,
Mi kantis kun ardo...
Kaj al liaj brakoj,
Mi kuris por ŝirmo
Kaj sentis teneron
De lia rigardo.

Kaj li, ripozante
L' okulojn sur min,
Mi sentis fascinon
Je lia demando...
Ĉielon serĉante
Tre for de ĉi mondo
Mi diris feliĉa:
"Mirinda tiu lando!"...


Rim: Registrita de la kantisto Jovelino Freire Figueiredo en la albumo Bahia de ĉiuj Sanktuloj, 1999.



Kantas: Ieda Freitas
Pianludas: Tania Moreira

Vidu kaj elŝutu la muziktekston kun akordoj (x-sistemo).

Ĝojo, ĝojo

(Originala titolo: Alegria, alegria)
Verkis: Caetano Veloso
Traduko: Dokito

Vojirante kontraŭ vento,
Sen tuko, sen dokumento...
Je sun' de preskaŭ decembro,
Mi iras...
Sun' dividiĝas je rimoj,
Je spacoŝipoj, geriloj,
Je kardinalaj belinoj...
Mi iras...
Je prezidantaj vizaĝoj,
Por longaj kisoj de amo,
Sur dentojn, krurojn kaj flagojn,
Bombon, Brigitte Bardot
La suno sur novaĵostandojn
Alportas ĝojon, ankaŭ pigron...
Kiu legas tiom da?
Mi iras...
Jen inter fotoj kaj nomoj,
L' okuloj kun mil koloroj,
La brust' je vanaj amoroj
Mi iras...
Kial ne, kial ne?

Ŝi pensas pri edziniĝo
Ne plu mi iris lernejon
Sen tuko, sen dokumento,
Mi iras...
Jen mi trinkas koka-kolon
Ŝi pensas pri edziniĝo,
Mi kantas al mi konsolon!
Mi iras
Jen inter fotoj kaj nomoj,
Sen libroj kaj sen pafil'...
Sen malsato, telefono,
En la koro de Brazil'!...
Ŝi eĉ nescias, pensis mi
Pri kantado ĉe televid'
La sun' tiom belegas,
Do mi sen tuko, sen dokumento,
Neni' en poŝoj aŭ manoj,
Mi volas daŭri kun vivo, ho, am',
Mi iras...
Kial ne, kial ne?
Kial ne, kial ne?


Rim: Korusa partituro de tiu ĉi muzikaĵo estas disponebla ĉe Klubo Brazila Muziko.

Vidu kaj elŝutu la muziktekston kun akordoj (x-sistemo).