La plej granda mistero

(Originala titolo: O maior mistério)
Verkis: Renato Teixeira
Traduko: Cícero Soares

La mistera ver': vidi misteron
Ve, mi, Sinjorino Dia Homnaturo!
Fortune estus vidi nur la veron
Ravita de la simplo ĉie sen poluro
Ne pro la sola ĉarmo de l' parolo
Sed pro la beleco de l' parola volo



Kantas kaj gitarludas: Cícero Soares

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).

Kampara dometo

(Originala titolo: Casa no campo)
Verkis: Zé Rodrix k Tavito
Traduko: Flávio Fonseca

Mi volas kamparan dometon
Kie povu mi verki kamprokojn sen lac'
Kaj havu nur tiun certecon
Pri la veraj amikoj - nenion plu.

Mi volas kamparan dometon
Kie povu mi iĝi samgranda al pac'
Kaj havu nur tiun certecon
Pri la limoj de l' korpo - nenion plu

Mi volas kaprinojn kaj ŝafojn solene paŝtantajn sin ĉe l' ĝarden'
Mi volas silenton de langoj jam lacaj
Mi volas l' esperon kun lensoj kaj fileton kun tre bona kap'
Mi volas plantadi, rikolti permane paprikon kaj salon

Mi volas kamparan dometon
De la ĝusta grandec', el argilo kaj pajl'
Kie povu mi planti l' amikojn
La diskojn, la librojn - nenion plu!


KURIOZAĴO: Traduko farita pro mendo de unu el la aŭtoroj mem, Zé Rodrix. Li rakontis al la tradukinto, ke lia patro estis esperantisto.

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Flávio Fonseca)

Vidu kaj elŝutu la muziktekston kun akordoj (x-sistemo).

Bukedstrato

(Originala titolo: Rua Ramalhete)
Verkis: Tavito k Ney Azambuja
Traduko: James Rezende Piton k Cícero Soares

Kaj ekestis rememor'
Pri la strato de la florbukedoj
Tra biletoj kun la amopledoj
Por sunsubiroj

Ĉe la mur' de Sacré-Coeur
L' uniform', la okul' rabobesta,
Niaj baloj, l' etoso plej festa
- nur resopiro!

Kia plezur', ĉu dancu ni?
Por ke ĉe via orel-lobo
Mi nur susuru kaj ĝi tremetigos vin en la robo

Ni lasu nun ĉion en flu'
Laŭ tiu son' de Beatles-disko

Ĉu iam alvenos ili tien ĉi
Kun la kanzonar', kiun avidas ni?


Rim: Sacré-Coeur estas nomo de lernejo en la urbo Belorizonto.

Vidu kaj elŝutu la muziktekston kun akordoj (x-sistemo).

Komenco, mezo kaj fin'

(Originala titolo: Começo, meio e fim)
Verkis: Tavito k Ney Azambuja k Paulo Sérgio Valle
Traduko: Vitor Mendes

En viv’ estas sonoj
Al kiuj aŭdad’
Nur eblas per lern’
Ke estas la vera amo
Kvazaŭ kanzon’ poemo aŭ vin’
Kun sia komenco, la mezo, la fin’
En viv’ estas sonoj,
Al kiuj aŭdad’
Nur eblas per lern’
Pri rekomenci ĉiame
Kvazaŭ ludad’ per sama gitar’
Kaj nova kanzono de ĝi estas far’
Temanta pri am’
Ploriga kanzon’
Kaj maltrankviliga
Al ĉi mia kor’
Ho, mia kor’
Pretiĝu por rekomencad’
Ho, mia kor’
Forgesu la timon
Denove ami.

Vidu kaj elŝutu la muziktekston kun akordoj (x-sistemo).