Verkis: Paulinho Moska k Carlos Rennó
Traduko: James Rezende Piton
La enamiĝo estas vera frenezaĵo
Kaŭzita de alia, mi ne dormas
Ĉe ŝi la eternec', ja nur bagatelaĵo,
Se malproksime la minut' enormas.
La enamiĝo estas vere ja malsano
Kaŭzita de alia, mi ne manĝas
La pensoj daŭre ardas, ho vulkano,
Vor' aŭ langvor' nenion dume ŝanĝas.
Mi nur tremadis, kun febro, malvarm',
Kun ĉia trem' pro amo kaj pasi'
Kaj daŭris mia stato de alarm'
Mi pensis ne pri mi, ja nur pri ŝi
Mi ridis kaj ploris alterne
La plej bela dolor' por mi
Dum horoj kaj tagnoktoj ĉi-interne
Mi pensis ne pri mi, ja nur pri ŝi.
Se ĉiu enamiĝo ŝajnas ja ridinda,
Mi tute fajfas pri ĉi opini',
Kaj oni sentas sin klarvida, kvankam blinda
Mi tia sentis min rilate ŝin.
