Ĝis Dio volu

(Originale: Até quem sabe)
Verkis: João Donato k Lysias Ênio
Traduko: Cícero Soares

Ĝis ajna iam
Ĝis volu Di'
Ĝis Dio diru

Ĝis vi sen mi
Sen fantazio
Sen resopiro

Jam ni nuntempe
Tuj senaverte
Ne plu kuniras

Ne plu deziras
Pluiri rekte
Nek plu afekte

Mi iros kun
Neniu nun
Jam ne vi plu

Sen memestim'
Sen vivfaden'
Sen memkompren'

Venu forges'
En la amas'
Ĝi min konsolu

Ĝis ajna iam
Ĝis diru Di'
Ĝis Dio volu



Kantas kaj gitarludas: Cícero Soares

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).




Vidu alian version:
Ĝis kiu scias

Rio

(Originala titolo: Rio)
Verkis: Roberto Menescal k Ronaldo Bôscoli
Traduko: Flávio Fonseca

Rio loĝanta en mar'
Ferias mi en Rio
Kiu ĉe la mar'
Havas florojn naskiĝintajn brunaj
En ĝardenoj sunaj

Rio de veluraj montoj
Ĝojkrias mi al Rio
Al ridetaj fontoj
Kiuj oras preskaŭ ĉiutage
Kaj ĝojas lum-image

Rio, mar',
Eterna en la amofar'
Mia Rio lunas
Amike, blanke, junas

Jen sun', jen sal', jen sud'
La manoj sin malkovras, blu-apud'
Pro tio mia Rio de l' virina belo
Tuj finas ĉiun senton de ia malhelo
Ne dormas mia Rio, ĉar neniam lacas,
Kaj Rio nur donacas

Ferio ĉe Rio
Mi, Rio,
Ferio ĉe Rio
Mi, Rio, mirio!


Rim (N.T.):
- "Rio" estas mallongigo de la urbonomo "Rio-de-Ĵanejro".
- "Mirio" estas libera uzo de la prefikso "miria/", kun la senco de "miriado".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

La reveno

(Originala titolo: A volta)
Verkis: Roberto Menescal k Ronaldo Bôscoli
Traduko: Wel

Sonu al mi via voĉ',
la versoj kompreneble estu vi.
En la infer' de senesper'
mi restu se ne venas vi.

Ve kiel tristas sol',
ve longas la atend',
kun vi via pardon',
jam festas via ven'.

Sed nepre silentigu min,
venu tuj al fin' mia fuŝparol'.
Ĉu ne sufiĉu vidi vin
en tia bela freŝa vol'?

Kurvenu tuj al mi,
brakumu min jam vi,
ĝis pro nia pasi'
soleco povu nur apartiĝi de ni.

Vidu kaj elŝutu la muziktekston kun akordoj (x-sistemo).

Telefono

(Originala titolo: Telefone)
Verkis: Roberto Menescal k Ronaldo Bôscoli
Traduko: James Rezende Piton

Tŭen-Tŭen'
Mi reprovas jam je la deka foj'
Tŭen'
Telefona ne funkcias la vok'
Tŭen-Tŭen'
Ĝin mi aŭdas jam de pli ol monat'
Tŭen'
Kaj ĝin spertas jam de l' vera komenc'
Nun mi forte jam supozas:
De li venis mia propra numer'.

Tŭen-Tŭen'
Nur imagu: tuta viv' en atend'
Tŭen'
Ĉar mi ŝvite penis ĝis la malkovr'
Tŭen-Tŭen'
Katalogo tuta en la memor'
Tŭen'
Dum tagnokto en senĉesa klavad'
Nekredeble li insistis
Kaj petis pri la vok'
Tŭen-Tŭen',
mi jam nenion komprenas
Kun kia cel' la vok'?
Trin-Trin' ĉu mirinde fine venis respond'
Ĉu fine mi sukcesis nun
Je tiu alvok'?
Respondis la ul': "ha lo?"

Vidu kaj elŝutu la muziktekston kun akordoj (x-sistemo).

Barketo

(Originala titolo: O barquinho)
Verkis: Roberto Menescal k Ronaldo Bôscoli
Versio: Wel

La lum' de l' tag', la gaj' de l' sun',
kaj barketo laŭ la flu', 
sur la mara mola blu'.

Someras jam, amor' kaj am'
en barketo laŭ la flu' 
de la brizo por ni du.

Ja sen intenc' tujas komenc'
de kanzon' kvazaŭ el mar', kaj la sun' 
estas reva kis',
bluĉiel' sen mis'

Reen al ter', subir' de l' sun',
kaj l' barket' en glita kur',
kaj la volo kanti, nur. 

Blu' en ĉiel', insula bel',
kaj l' barketo estas kor'
glite laŭ kanzono for.

Ĉi-ĉio en pac' dum reven',
kun trankvilo de somer' kaj vesper'.
La barketo jen 
laŭ vesperseren'...

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Barketo
La ŝipeto

Ho! Vi!

(Originala titolo: Você)
Verkis: Roberto Menescal k Ronaldo Bôscoli
Traduko: Jair Salles

Ho! Vi!
Maten’ de ben’ kaj ver’
Ho! Vi!
Jen venis tuj vesper’
Ho! Vi!
En kiu vivas mi
Kaj vivos ĉiam pli

Ho! Vi!
Bongusta kis’ de sal’
Ho! Vi!
Venanta en vesper’…
Kun ĝoj’
Revenos en maten’…

Ho! Vi!
Ridet’ en lumo-hel’
Ho! Vi!
Blu-paco de l’ ĉiel’
Ho! Vi!
De amo roso-fal’ sur min
Ho! Vi!
Tristeco, kiun mi
Jen kreis nur por mi
Nun venu, rev’ en sun’.


Rim: Prezentita de gekantistoj Flávio Fonseca kaj Cristina Pancieri dum koncerto en UK en Prago, 1996.

Vidu kaj elŝutu la muziktekston kun akordoj (x-sistemo).

Barketo

(Originala titolo: O barquinho)
Verkis: Roberto Menescal k Ronaldo Bôscoli
Traduko: Jair Salles

Tago de lum'
Festo de l' sun'
Kaj barketo sur la flu'
De la mara milda blu'
Ĉie - somer'
Kaj amas ni
Sur barketo en lazur'
Kun senhalta glata kur'
Senzorge son'
De la kanzon'
Nun eliras el la mar'
Jen la sun'

Barko kaj lum-flu'
Tagoj el hel-blu'

Reven' de l' mar'
La sven' de l' sun'
De l' barketo la plu-ir'
Kaj al kanto jen dezir'
Nun insular'
De suda mar'
Kaj la barko estas kor'
Sur kanzon' glitante for
Jen paco-plen'
Pro la alven'
Trankvila de l' somer'
Bel-veter'

Barko glitas for...
La vesper' en or'...

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Barketo
La ŝipeto

La ŝipeto

(Originala titolo: O barquinho)
Verkis: Roberto Menescal k Ronaldo Bôscoli
Traduko: Aaron Köenig

Tago de lum', festo de sun'
Kaj ŝipeto glitadanta
Sur milda mara blu'
Someras kaj amoras ni
En ŝipeto sur la mar'
Vidas nin nur la mevar'
Nia kanzon' per flirta son'
Supreniras kaj per kis' ankaŭ ni

Ŝipa kis', Ahoi!
Mara tag' de ĝoj'

Pasas la tag', svenas la sun'
Kontinuas la glitad'
Kaj la emo al kantad'
Ruĝiĝas nun la lum' de l' sun'
La ŝipeto kaj la kor'
Glitadantaj sur l' amor'
Jen paca vent', feliĉa sent'
Nin karesas paradiza marbriz'

Venas la vesper'
Velas la liber'


Rim: Ahoi = germana marista saluto
Registrita en la albumo Aaron Brazilumas Esperante, en Majo/1989.

Vidu kaj elŝutu la muziktekston kun akordoj (x-sistemo).




Vidu aliajn tradukojn:
Barketo
Barketo