Flika volvotuko

(Originala titolo: Colcha de retalhos)
Verkis: Raul Torres
Traduko: Roger Gotardi

Iama flika volvotuko de vi farita
El peco kaj pec’ kunlige kudrata estis
Ĝi taŭgis por nia ŝirmo dum malriĉo nia
En tiu flika volvotuko ni varme nestis

Nuntempe dum vivo riĉa de vi ĝuata
Vin ŝirmos fajna ŝika tuko el saten’
Sed kiam malvarmon sentos la korp’ malsana
Memoru pri l’ volvotuk’ kaj pri ammien’

Mi certas ke vi ne memoras pri epok’ severa
Ke kune kun mi vi strebis por la flikmetio
Kaj nun en la ĝoja vivo abundas ĉio
Mi certas ke vi nun forgesis pri la tuk’ mizera

Vidu kaj elŝutu la muziktekston kun akordoj (x-sistemo).




Vidu alian version:
Flika litotuko

Flika litotuko

(Originala titolo: Colcha de retalhos)
Verkis: Raul Torres
Traduko: Cícero Soares

Iama flika litotuko de vi farita
Per kuno de peco post peco estis kudrita
Ĝi taŭgis por nia ŝirmo dum nia mizero
Iama flika litotuk' somer' post somero

Nuntempe, en riĉa vivo de vi ĝuata
Vi havos por ŝirmo litotukon el saten'
Sed kiam venos la vintro al korpo malsana
Memoru pri tiu tuko kaj mia mien'

Mi certas ke vi ne memoras la tempan kadukon
Ke kune kun mi vi laboris en ĉia metio
Kaj en nuna ĝoja vivo vi havas ĉion
Mi certas ke vi nun forgesis la flikan litotukon

Vidu kaj elŝutu la muziktekston kun akordoj (x-sistemo).




Vidu alian version:
Flika volvotuko