Planedo Revo

(Originala titolo: Planeta Sonho)
Verkis: Flávio Venturini k Vermelho k Márcio Borges
Traduko: Flávio Fonseca

Ĉi tie restos plu neniu post la sun'
Fine estos ĝi nekonataĵ', tamen ja
De ĉio tro, ne la bon' nek la mal'
Nur la kalma brilo de la lum'

La planedo Kalmo estos Tero
La planedo Revo estos Tero
Kaj en la fin' de tiu mar'
Jen estingiĝos mia stelar'
Kiel la bril' de la fajr' en kaos'

Ĉi tie ankaŭ estas bona lok' por viv'
Bona loko, sed nekonataĵ', tamen ja
Ia ofic', bona pli ol kanzon'
La plej bela el ies kantar'

La harmonio estos Tero
La disonanco estos bela
Kaj en la fin' de tiu blu'
Miaj akordoj daŭros ne plu
Finiĝos do plia sona etos'

La planedo Revo estos Tero
La disonanco estos bela
Kaj en la fin' de tiu mar'
Jen estingiĝos mia stelar'
Kiel la bril' de la fajr' en kaos'

Vidu kaj elŝutu la muziktekston kun akordoj (x-sistemo).

Tiu kun gitaro

(Originala titolo: Quem tem a viola)
Verkis: Zé Renato k Juca Filho k Xico Chaves k Cláudio Nucci
Traduko: James Rezende Piton

Tiu kun gitaro,
Muzika kunul',
Ne vivas solece
Sub pena postul'
Son’ de rivero
Fontas el metala kord'
Kun la mar' en la fina akord'

Tiu kun gitaro
Kiel kunul'
Ne vivas solece
Sub pena postul'
Laŭ ton’ de vesto
Pendigita en ĝarden'
Suna lum' tra kristala transpren'

Lun' brilu super Ter'
Malplena kor' iele
Flugas sencele
Kiel la kajt' en aer'



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Amerika kanzon'

(Originala titolo: Canção da América)
Verkis: Milton Nascimento k Fernando Brant
Traduko: Flávio Fonseca

Amiko estas gardinda en
La sepŝlosila orujo
Ene de l' kora bon'
Tiel asertis kanzon' fama en Amerik'
Sed ploris eĉ la kantist'
Je vid' de l' forir' de amik'

Sed la restul' flugadis per sia pens'
Pro la kant' de l' alia memor'
Kaj la flugul' restadis per sia pens'
Kun memoroj de la kanta kor'

Amiko estas gardinda en
La liva flanko de l' brusto
Eĉ se la tempo kaj disto staros, jes
Eĉ en kanzona forges'
Ĉar kio gravas, jen ĝi:
La voĉo plena je kares'

Ĉar estu ja iel ajn
Venu ja io ajn
Iam ajn, amiko, denove
Mi vidos vin
Iam ajn, amiko, ni certe revidos nin



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Min ade ĉasas mi

(Originala titolo: Caçador de mim)
Verkis: Sérgio Magrão k Luiz Carlos Sá
Traduko: Flávio Fonseca

Pro tia am’
Pro tia korflam’
Modelis min emoci’
Dolĉa, kruela,
Mava, anĝela,
Min ade ĉasas mi

Katenigita
Al kanto pita
Al senfina pasi’
Tre malproksime
Trovos anime
Min ade ĉasas mi

Sen ia tim’
Escepte pro kur’ de l’ lukto
Sen ia far’
Escepte forgesi timon
Malfermi bruston deve
Laŭ mema serĉo
Eviti la kaptilojn
De l’ densa peĉo

Daŭras revad’
Samkiel vojaĝ’,
Sed kien min portos ti’?
Mi trovos kion
Sentigas mion
Min ade ĉasas mi


Rim: pita = malgrand(aĉ)a, laŭ Suplemento de PIV 1987.



Kantas: Ana Paula Pose
Gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Infana pilko, globeta ludo

(Originala titolo: Bola de meia - bola de gude)
Verkis: Milton Nascimento k Fernando Brant
Traduko: Flávio Fonseca

Ekzistas knabo, petola knabo
Vivanta ĉiam en ĉi mia kor'
Kiam la plenkreskulo hezitas,
Li tiam helpadas min

Jen pasinteco en mia nuno
Tre varma suno en mia ĝarden'
Kiam foje sorĉino teruras,
La knabo helpadas min

Kaj parolas pri belaj aferoj
En kiuj mi kredas kaj ĉiam ekzistos por ni
Amikeco, honoro, respekto,
Moralo, boneco, feliĉo kaj am'

Mi ne povas, ne devas, ne volas
Vivadi samkiel insiste vivadas la mond'
Kaj ne povas akcepti trankvile
Ke iu fieco fariĝu normal'

Infana pilko, globeta ludo
En solidaro ne estas solec'
Kiam foje tristeco min trafas,
La knabo helpadas min

Vidu kaj elŝutu la muziktekston kun akordoj (x-sistemo).

Panis et circenses

(Originala titolo: Panis et circenses)
Verkis: Caetano Veloso k Gilberto Gil
Traduko: James Rezende Piton

Mi strebis al mia kanzono lumigita de sun'
Mi hisis tolojn en mastar' de l' aer'
Mi lasis tigrojn kaj leonojn en kort'
Sed tiuj homoj de la vespermanĝej'
Tre okupiĝas pri naskiĝ' kaj la mort'

Mi mendis la faradon de ponard' el purbrila ŝtal'
Por la mortigo de la am', kun sukces',
En urbocentro ĉirkaŭ la kvina hor'
Sed tiuj homoj de la vespermanĝej'
Tre okupiĝas pri naskiĝ' kaj la mort'

Mi mendis la plantadon de folioj en la domeg'
Ĉar la folioj en serĉado de l' sun'
Kaj la radikoj en serĉad', en serĉad'
Sed tiuj homoj de la vespermanĝej'
Kun tiuj homoj de la vespermanĝej'
Estas la homoj de la vespermanĝej'
Sed tiuj homoj de la vespermanĝej'
Tre okupiĝas pri naskiĝ' kaj la mort'

Kaj tiuj homoj de la vespermanĝej' (12-oble)

"- Transdonu al mi la salaton, bonvole.
- La panon, mi petas, nur plian peceton."


Rim (NT): - la titolo fontas el la latina formulo Panem et circenses (pano kaj cirko) atribuita al la romia satira poeto Juvenalo, dum la regado de la pleba tribunuso Gaius Sempronius Gracchus (153 a.K., murdita en 121 a.K.). Per disdonado de tritiko kaj la okazigo de spektakloj, romiaj politikistoj celis mildigi la popolan malkontenton, supozeble eĉ por malinstigi la okupiĝon pri politikaj aferoj. La strategio reproduktiĝis kaj adaptiĝis tra la jarcentoj kaj tra la mondo.

Tiu ĉi kanzono kaj samtitola disko aperis en 1968, dum militista reĝimo en Brazilo, kaj lanĉis la Tropikisman movadon, tre fruktodona momento en la brazila muziko.

Vidu kaj elŝutu la muziktekston kun akordoj (x-sistemo).

Paŭlino kaj Roberĉjo

(Originala titolo: Paula e Bebeto)
Verkis: Caetano Veloso k Milton Nascimento
Traduko: James Rezende Piton

Vivo kaj vivo en amo-ekstazo, vere
Ili sin amis en ĉiu okazo, vere
Laŭ ĉiu bazo la amo valoras
Laŭ ĉiu bazo la am' indos plu

Tute bedaŭra kaj tiel mirinda, diru
Pri tiu vorto neniam dirita, diru
Laŭ ĉiu bazo de am', ĝi valoras
Laŭ ĉiu bazo de am', la amor'
Laŭ ĉiu bazo la am' indas multe
Laŭ ĉiu bazo de am' la valor'

Ili disiĝis pro maloportuno, nuna
En mia kant' ili plu ĉiam kunos, plue
Laŭ ĉiu bazo de am' mi plu kantu
Laŭ ĉiu bazo la am' indos plu

Ili sin amas en ĉiuj okazoj, vere
Ili sin amas tra la vivofazoj, vere
Laŭ ĉiu bazo de am' indas kanto
Laŭ ĉiu bazo de am', la kantad'
Laŭ ĉiu bazo de am' indas tio
Laŭ ĉiu bazo la am' indos plu

Tute bedaŭra kaj tiel mirinda, diru
Pri tiu vorto neniam dirita, diru
Laŭ ĉiu bazo de am' indas kanto
Laŭ ĉiu bazo de am', la kantad'
Laŭ ĉiu bazo de am' indas tio
Laŭ ĉiu bazo la am' indos plu


Rim: Sur la foto, la aŭtoroj, Caetano kaj Milton.


KURIOZAĴO: Laŭ la legendo, en iu vespero de 1975, Milton Nascimento vokis ĉe la pordo de Caetano Veloso plorante. La emocio venis de amhistorio de eks-paro kiun li konis en sudminasa urbo. Paulino, tiam 15-jaraĝa, kaj Roberĉjo, 17, eĉ gefianĉiĝis antaŭ la fino de la am-rilato.
Komence, la muzikteksto estis verkota de Márcio Borges, unu el la plej konstantaj kunverkantoj de Milton. Sed Borges ne imagis sin kapabla verki bonan muzikon pri Paŭlino kaj Roberĉjo, pro lia amikeco kun la eks-paro. “Eble, ĝi eĉ ne havus la saman titolon. Ĝi estus io kiel La Revoj, La Koloroj...”, ridas la poeto, kiu asertas: “rekte, trafe, sinkope, Caetano Veloso bonege faris la aferon”.
Laŭ la historio, Caetano akceptis la emociiĝintan amikon en tiu vespero kaj, en kelkaj horoj, ambaŭ komponis la kanton. Post la aŭdado, Beth, fratino de Milton, supozis, ke la muzikaĵo impulsus la paron restarigi la am-rilaton. Tamen, tio neniam okazis. (Fonto: uai.com.br)

Vidu kaj elŝutu la muziktekston kun akordoj (x-sistemo).

Melodio (Survoje al ta tago)

(Originala titolo: Toada (Na direção do dia))
Verkis: Cláudio Nucci k Juca Filho k Zé Renato
Traduko: Alberto Chueiri

Ĉi-kanzonon brunulino aŭdu ĉe mi
Ĉi tiun aventuron ni travivu
Ludante tiam mi kantadas gaje
Por vidi vin kun feliĉ'

Aŭskultu trajnon kiu venas fajfi
Sur la fervojo nun ĵus alvenantan
Kaj en ni restas ja treege forta
La sentam'

Saŭdadon grandan sentis mi
Kaj tio estis io tiel bela
Forgesi neniam plu volas mi

Venu, amata!
Karulin'
Venu, amata!


Rim: Korusa partituro de tiu ĉi muzikaĵo estas disponebla ĉe Klubo Brazila Muziko.
Obs: Partitura para coral desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).