Sur blanka vojo

(Originala titolo: Estrada branca)
Verkis: Tom Jobim k Vinicius de Moraes
Traduko: Flávio Fonseca

Sur blanka vojo, alta nokto, luna blanko, via manko
Marŝadante, marŝadante, marŝadante apud mi.
Tiu saŭdado, iu volo doloriva de la vivo,
La mortinta viv'.

Sur vojo, birdetaro, nokto klara,
Mia vojo tiom sola, tiom sola por trair',
Ke eĉ antaŭen pluirante
Kaj triste lunon rigardante,
Ju pli mi marŝas, des pli paŝas mi al vi.

Anstataŭ nokto estus lum'
Kaj suna bril', poezium',
Kaj se anstataŭ tristo estus ĝoja hul',
Anstataŭ vidi mian ombron sur ĉi voj',
Mi vidus en ĉi tiu vojo ombron de alia ul'.

Sed en la vero la grandurbo restis fore,
Restis fore, en la urbo lasis sin mia karin'.
Mi iras sole, sen kareso,
Nur la marŝado sen regreso,
Nur la marŝado kun deziro pri la fin'.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Luiza

(Originala titolo: Luiza)
Verkis: Tom Jobim
Traduko: Flávio Fonseca

Bruno, nuda harpuno
Flosas en nokto kun imens' kaj flavo
Tiel ronda luno, ŝvebas en nuno
Navigas ĝi sur blua firmamento
En lanta silento
Jen trobador'
Plena je steloj
Aŭdu la kanton mi verkintas por
Forgesi vin, Luiza
Mi estas nur ĉi povra amator'
Enamiĝinta,
Lernanto de via amor'
Vekiĝu, do
Ĉar scias mi, ke sub la neĝo loĝas ja via kor'

Venu, Luiza, al la ador'
Via dezir' estas mia deziro
Venu, min ekzorcu, buŝa nervozo,
Freneza rozo kisas min, kun miro
Iu sunradi' sur viaj haroj,
Mem briliant', rompinte lumon tuj
Eksplodas sepkolore
Rivelante la po sep mil amoj hore
Kiujn gardis mi por don' al vi, Luiza
Luiza, Luiza
Luiza



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Parolante pri am'

(Originala titolo: Falando de amor)
Verkis: Tom Jobim
Traduko: Flávio Fonseca

Se mi povus, dum nur horo,
Tiun amon kun valoro
Donus mi al via koro
Tiun amon ja dum ĉiu horo

Proksimiĝu sen timeto
Restu apud mia kor'
Venu aŭdi ĉi sekreton
Kaŝiĝintan en kanzono-ŝor'

Se vi scius, kiel ŝatas
Mi ĉi vian odoron de flor'
Vi ne neus vian kison
Al mi, kiu perdiĝas en plor'

Ploras fluto kaj gitaro
Ploras mi, la trobador'
Ploras milde, sen bruaro,
Parolante pri am' en ĉi ŝor'

Kiam pasas vi, tre bela,
Sur ĉi strato banita je sun'
Mia koro tre anhela
Forgesigas min eĉ pri fortun'

Venu haste, sen timeto
Estas via mia kor'
Tial gardis mi sekreton
Kaŝiĝintan en kanzono-ŝor'
En la fundo de ĉi mia kor'


Rim:
- Ŝoro = brazila muzikstilo (laŭ Terminaro Brazila Muziko kaj Vortaro de Túlio Flores).
- La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Liĝja

(Originala titolo: Lígia)
Verkis: Tom Jobim
Traduko: Vitor Mendes

Neniam mi sonĝis pri vi
Mi neniam kinemas
Mi ne ŝatas sambon mi ne Ipanemas
Mi ne ŝatas pluvon nek plaĉas min sun’
Al vi telefonis do mi
Kaj malŝaltis, erar', kiu do via nom’?
Sur pian’ mi forgesis la amnaivaĵojn dirotajn al vi
Ne... Liĝja Liĝja

Neniam en semajnfin’ ia
Biero enmane
Kaj man’ en la via enkopakabane
Mi volis, nek iri tra l’ plaĝ’ al Leblon’
Kaj kiam min trafis pasi’
Ŝiris mi vian nomon pro la iluzi'
Igis mi sambkanzonon mensogoj de amo lernitaj pro vi
Jes ... Liĝja Liĝja

Kaj kiam envolvos min vi
Viaj brakoj, al mi jen kapitulaci’
Viaj brunaj okuloj
Timigas min pli ol radio de sun’



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Disputo

(Originala titolo: Discussão)
Verkis: Tom Jobim k Newton Mendonça
Traduko: Flávio Fonseca

Se vi ja intencas
Teni vin ĉe opini'
Disputi nur pro la disput'
Strebante al praviĝo pri
Mi do certigas al vi, ke
Se la korvoĉo laŭtas pli
Kelkfoje preferindas perd'
Ol venko en situaci'

Mi jam komprenis nun, ke vi
Nur volas superregon de
Opiniam' super raci'.
Tio ne gravas, jes aŭ ne...
Do kial tia negaci'
Se la solec' estas rezult'?
Anstataŭ am', nur plorsingulto
Pravos kaj restos neni'.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Dum tuta mia vivo

(Originala titolo: Por toda minha vida)
Verkis: Tom Jobim k Vinicius de Moraes
Traduko: Flávio Fonseca

Mia tre amata
Mi volas fari ĉi kanzonon kvazaŭ ĵur'
Mi promesas, dum tuta mia vivo
Esti nur de vi kaj ami vin senlime
Nur ami laŭ neniu plu

Mia tre amata
Ĵus aperinta stelo pura
Mi vin amas kaj vin proklamas
La vera am', la vera am'
Pli granda ol ĉio ekzista
Ho, mia am'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

La sorto de l' kor'

(Originala titolo: O que tinha de ser)
Verkis: Tom Jobim k Vinicius de Moraes
Traduko: Flávio Fonseca

Ĉar vi estis en vivo
L' espero en lontano,
Trovi vin igis min infano.
Ĉar vi estis de mi
Sen mia propra sci'.
Ĉiam vi estis mia,
Samkiel mi de vi.

Ĉar vi tiel alvenis,
Sen anonco pri veno,
Via man' min katenis sen timo.
Ĉar en mia animo,
Kvazaŭ nova aŭror',
Vi fariĝis la sorto de l' kor'.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Pluvas sur la rozujo

(Originala titolo: Chovendo na roseira)
Verkis: Tom Jobim
Traduko: James Rezende Piton

Vidu,
Ke la rozujon pluvo kronas,
Rozuj' ne flaras, florodonas
La freŝecon de humidaj gutoj
Kaj de Luiza, kaj de Paŭliĉjo, kaj de Johan',
Sen posedant'

La petaloj rozaj forportitaj de la vento
Dum tre pura am' forportis mian sentimenton
Vidu, ke zonotriko apudestas
Kaj sur malseko ĝi jam festas,
Antaŭvidante la printempon

Vidu, tre bonan pluvon, facilmovan,
Sur la rozujo florokova,
Bona pluvo, kreopova,
Tero-akviga, river-pleniga, ĉiel-puriga,
Estig' de l' blu'...

Vidu, la jasmenujo floroplenas
Kaj vigla akvo rivereta
Sin ĵetas sub la trankvilakvan riveron

Hej, neniu mastras vin
Hej, neniu mastras vin



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian version:
Pluvo sur rozujo

Vidu Maria

Este resumo não está disponível. Clique aqui para ver a postagem.

En viaj brakoj

(Originala titolo: Promessas aŭ Só em teus braços)
Verkis: Tom Jobim
Traduko: Cícero Soares

Mi promesis, jes,
faris planojn, pensadis tro multe,
sed nun la kor' kun ĉi-konfes',
ke nur en la brakoj de vi,
mi estus en feliĉ'
 
Mi havas iomon da am' donota,
kiel ĉes'?
Ne progresis forges',
nek la promes'
viŝi de mia viv' tiun sonĝon
kaj jen la kor' kun ĉi-konfes',
ke nur en la brakoj de vi,
mi estus en feliĉ',
ke nur en la brakoj de vi,
mi vivus en feliĉ'.



Kantas kaj gitarludas: Cícero Soares

Vidu kaj elŝutu la muziktekston kun akordoj (x-sistemo).




Vidu alian tradukon:
Promesoj

Pluvo sur rozujo

(Originala titolo: Chovendo na roseira)
Verkis: Tom Jobim
Traduko: Flávio Fonseca

Vidu, sur la rozujo pluvas lante
Ĝi floras nur, ne parfumante
Pro freŝec' de l' humidaj gutoj
Ĝi apartenas ne al Paŭliĉjo, Luis', Johan'...
Nenies, do!

Rozpetaloj estas forportataj de la vento
Mian penson kune portis pura ama sento
Vidu, apude loĝas juna pigo
Kaj dum promen' post malsekigo
Divenis ĝi printempon fruan

Vidu, jen plezuriga pluvo bona
Al la rozujo akvondona
Pluvo bona, tre bezona
Jen sur la tero, pli al rivero, tra la aer'
Ĝis venas blu'

Vidu, ĉe jasmenujo floras ĝojo
Kaj dume pura vigla rojo
Ĵetiĝas al la rivero pli trankvila
Ha, vi estas ja nenies
Ha, vi estas ja nenies



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo)




Vidu alian version:
Pluvas sur la rozujo

Letero de Tom

(Originala titolo: Carta do Tom)
Verkis: Toquinho k Vinicius de Moraes k Tom Jobim k Chico Buarque
Traduko: Flávio Fonseca k Cícero Soares

Strato Nascimento Silva, cento-sepa
mi kuras de l' knabo almozpeta
por trafi la lifton - jen la dram'

Mia fenestro nun ŝajnas barikado
vidiĝas ja nur Sérgio Dourado
ne plu Korkovad' en panoram'

Ja, kamarado, nur restas la certeco
ke l' fin' de natur' estas neceso
ke nepras disparcelig' de am'


Notoj de la tradukinto:
- Tiu kanto temas pri parodia ironia respondo (aŭ suplemento) verkita de Tom Jobim kaj Chico Buarque al la komponaĵo Letero al Tom 74 (t.e. Carta ao Tom 74) de Toquinho kaj Vinicius de Moraes. Kvankam verkita kiel ŝerco, ĝi fariĝis same fama kiel la originalo, kaj ofte ambaŭ estas kantataj kune.
- Sérgio Dourado = dom-makleristo kiu dum pluraj jaroj superregis la dom-merkaton de Rio-de-Ĵanejro.
- Samkiel Tom kaj Chico uzis partojn de la versoj de Vinicius, Flávio uzis erojn de la traduko de Cícero (vidu Letero al Tom 74, kie vi trovos ankaŭ aliajn komentojn).



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Nia am'

(Originala titolo: O nosso amor)
Verkis: Tom Jobim k Vinicius de Moraes
Traduko: Flávio Fonseca

Okazos tiel la pasi':
Mi nur por vi, kaj vi por mi

Tristecon mi neniam volas plu
Mi nur volas resti ĉe
Via am' je plena ĝu'
La destino diras ke

Okazos tiel la pasi':
Mi nur por vi, kaj vi por mi.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Se rigardas vi

(Originala titolo: Esse seu olhar)
Verkis: Tom Jobim
Traduko: Jair Salles

Se rigardas vi,
Ŝajnas ke l' rigard'
Volas ion diri,
Kion ja ne kredu mi...
Dolĉas la rev'
Se mi pensas, ke vi
Ja amas min
Kiel mi amas vin...

Sed la iluzi',
Se finiĝas ĝi,
Tristas ĉe la kor'
De kiu revis sen mezur'...
Ho, se komprenus mi nur
Kion diras ĉi rigardo...



Kantas: Jair Salles
Gitarludas: Otílio
En la unua parto de la video, registrita en la sidejo de SEM, Societo Esperantista de Minas-Ĵerajso, aperas ankaŭ Vicente Sales kaj Túlio Flores.
La dua parto estas registrita en la Tago de Esperanto, sur Placo Zamenhof en Belorizonto, en la 27a de julio 2024.

Vidu kaj elŝutu la muziktekston kun akordoj (x-sistemo).




Vidu alian version:
Ĉi rigardo via

Unutona sambo

(Originala titolo: Samba de uma nota só)
Verkis: Tom Jobim k Newton Mendonça
Anglalingva traduko (One note samba): Tom Jobim
Esperanta traduko el la angla: Bertilo Wennergren

Jen mi ludas etan sambon
Kun nur unu sola ton'
Certe venos pli da tonoj
Baziĝantaj sur ĉi ton'
Jenas nun la tona sekvo
De l' antaŭa harmoni'
Kiel devas mi sekvadi
En la viv' malantaŭ vi

Ja troviĝas homoj
Kiuj povas paroladi pri nenio
Kvazaŭ nenio
Mi foruzis tutan gamon
Sed finfine venis al nenio
Preskaŭ nenio

Mi revenas al la tono
Ununura kaj al vi
Esprimante mian amon
El la koro nur per ĝi
Kiu volas la tonaron
Re mi fa sol la si do
Restas ĉiam sen la klaro
De la kanta a bo co


Rim:
- Registrita en la albumo Tom Jobim en Esperanto, en Junio/2002.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Gravada no álbum Tom Jobim en Esperanto, em Junho/2002.

- A partitura desta música está disponível no Klubo Brazila Muziko.

Kantas kaj gitarludas: Flávio Fonseca



Kantas: Alejandro Cossavella
Kromvoĉo kaj gitaro: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Sambo de unu noto nur

Tiel mi bezonas vin

(Originala titolo: Eu preciso de você)
Verkis: Tom Jobim k Aloysio de Oliveira
Traduko: Flávio Fonseca

Kiel sun' bezonas la ueston
Tiel mi bezonas vin, nur, sole vin
Kiel la orkestro volas estron
Tiel mi bezonas vin, nur, sole vin

Kiel flor' bezonas la parfumon
Kaj virino la brakumon
Kiam estas amo for
Mi tiel ĉi bezonas vin

Kiel nokto serĉas frumatenon
Tiel mi bezonas vin, nur, sole vin
Se l' poeto serĉas amoplenon
Tiel mi bezonas vin, nur, sole vin

Eble vi ne scias, ke soleco
Estas grava malsan-speco
Kiu loĝas en la kor'
Se nekredemul' bezonas kredon
Tiel mi bezonas vin


Rim: La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo)

Denove

(Originala titolo: Outra vez)
Verkis: Tom Jobim
Traduko: Flávio Fonseca

Mi sen vi: resolec'
Mi sen am': reĉagren'
Mi sen vi nur suferos kaj ploros
Ja ĝis via reven'

Mi sen vi: revagad'
Ien ajn, por kompren'
Mi sen am' nur klaĉados pri l' mondo
Ja ĝis via reven'

Ĉiuj homoj min demandas
Pri l' kial' de la deprim'
Sed neniu scias kiel
Suferigas malproksim'

Mi rigardas sunon for
Kaj la pluvon de angor'
Ĉio nun alportas triston
Sopirigas min pri vi



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Jaroj oraj

(Originala titolo: Anos dourados)
Verkis: Tom Jobim k Chico Buarque
Traduko: Flávio Fonseca

Verŝajne vi sentas
La amon, Mario,
En fotografio
Ni kune kontentas.
Mi tuj vin alvokas,
Konfesojn lasas mi en telefon'.
Mi eĉ min provokas
Per tiu ĉi kanzon'.

Ĉu eble adoraj
En foto ni estas?
Verŝajne ni festas
En la jaroj oraj.
Ĝi ŝajnas bolero:
Te quiero, te quiero.
Sed ne estas vero,
Neniam plu la kis',
Neniam plu la kis'.

Mi ne scias ĉu mi
Ankoraŭ forgesos.
La foto permesos
La belon tempumi.
Mi vokas anhele,
Konfuzojn lasas mi en telefon'.
Konsternas tiele
Ĉi granda ambezon'.

Okuloj memoraj,
Humidaj, frenezaj,
Eĉ ŝajnas malpezaj
Pro la jaroj oraj.
Ankoraŭ te quiero,
Bolero, nur banala kompromis',
Sed malgraŭ l' espero
Neniam plu la kis',
Neniam plu la kis'.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Jes ja

(Originala titolo: Pois é)
Verkis: Tom Jobim k Chico Buarque
Traduko: Flávio Fonseca

Jes ja
Ĉio kion ni diris ne plu veras
La belaj memoroj malaperas
Kaj nun senutilas la kanzon'

Malbon'
Nia pli ol perfekta jam difektas
Verŝajne neniel pli efektas
La nepardonita eks-pasi'

Ĉe ni
Maski mian doloron mi ne povas
Kaj diri, ke nin la amo movas
Ja estas mensogo tiel tro

Kaj do
En nuntempa soleco mia brusto
Klopodas kompreni la maljuston
Ĉar ĝi ĉiam agis kun sincer'

Jen ver'
Kaj do?



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi amas vin

(Originala titolo: Eu te amo)
Verkis: Tom Jobim k Chico Buarque
Traduko: Flávio Fonseca

Ha, se ni jam perdis tutan hornocion,
Se kune ni forĵetis preskaŭ ĉion,
Rakontu tion, kiel la forir'?

Ha, kiam mi kaj vi ekkonis nin, mi tiam tuj misrevis,
Rompis kun mondo, miaj ŝipoj krevis,
Nun diru tion, kien ebla ir'?

Se ni en la petoloj noktaj kaj eternaj
Jam intermiksis krurojn en alternaj
Movoj senlernaj, kiun por pluir'?

Se vi verŝis nian sorton al la grund',
Se en konfuz' de via korprofund'
Perdiĝis mia sang' en iu tru'?

Kiel, se en malordo de la ŝranka alto
Brakumas vian robon mia palto
Kaj tretas vian ŝuon mia ŝu'?

Kiel, se ni amoris kvazaŭ prapagan',
Se vian bruston tenas mia man'
Klarigu tion, kia la elir'?

Ne, verŝajne vi ŝajnigas vin naiva,
Kuŝas ĉe vi mia rigard' sensiva,
Kiel pasiva eblos la forir'?


Rim: La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).