Kie Tereza?

(Originala titolo: Cadê Tereza?)
Verkis: Jorge Ben Jor
Traduko: Flávio Fonseca

Kie Tereza?
La la la ja la la ja

Ŝi iris al sambejo sur la monto, kaj ne vokis min.
Ĉu eble ŝi renkontis aliulon kaj decidis sekvi lin?

Kie Tereza?
La la la ja la la ja

Tereza, mia kara, mia muzo, mi treege ŝatas vin.
Mi estas senfarulo plena je ĵaluzo kiu nur atendas vin.

Jen mia ĵur', se revenos vi:
Reboniĝos mia kor'.
Mi forĵetos la zorion, la kartaron
Kaj mian poŝtranĉilon, ek al la labor'.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Pluvu pluvo

(Originala titolo: Chove chuva)
Verkis: Jorge Ben Jor
Traduko: Tarcísio Lima

Pluvu pluvo
Pluvo pluvu plu

Mi hodiaŭ petos preĝe
Al Di’, Nia Sinjor’,
Ke Li ĉesigu pluvon
Malsekigan al mia trezor’,
Tiu belulin’, kiu ŝajnas je senlimo
Tre pura, tre bela
Kaj naiva kiel flor’!
Malfavora pluv’, al ŝi
Ne malsekigu daŭre tiel-ĉi.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Atakanta pinto el Afriko (Umbabarauma)

(Originala titolo: Ponta de lança africano (Umbabarauma))
Verkis: Jorge Ben Jor
Traduko: Giuseppe Castelli

Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'

Ŝoke bona, ŝoke bona korokondo'
Ŝoke bona, ŝoke bona lud-hero'

Kuru, kuru, puŝu, tuŝu,
faru spacon flanke,
pafu, alte saltu,
falu, staru danke

Miru, jam malplena
tuta urbo volas
dum vespero serena
nur vidi ludi vin

Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'

Ŝoke bona lud-hero'
Ŝoke bona korokondo'
Ŝoke bona lud-hero'
Ŝoke bona korokondo'

Here here here lud-hero'
Here here here korokondo'
Here here here lud-hero'
Here here here korokondo'

Tere re tere re tere re tere re tere re hom' de l' gol'
Tere re tere re tere re tere re tere re hom' de l' gol'

Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'
Umbabarauma hom' de l' gol'

Ŝoke bona lud-hero'
Ŝoke bona korokondo'
Ŝoke bona lud-hero'
Ŝoke bona korokondo'

Here here here lud-hero'
Here here here korokondo'
Here here here lud-hero'
Here here here korokondo'

Tere re tere re tere re tere re tere re hom' de l' gol'
Tere re tere re tere re tere re tere re hom' de l' gol'

Jen la rakonto pri Umbabarauma - Umbabarauma hom' de l' gol'
Atakanta pinto el Afriko - Umbabarauma hom' de l' gol'
Atakanta pinto tre decida - Umbabarauma hom' de l' gol'
Umbabarauma - Umbabarauma hom' de l' gol'

Um baba baba ba ba rara rara ra ra mama mama je mama
Baba baba ba ba rara rara ra ra umama mama je mama...


Rim:
- Umbabarauma = omaĝo de Ben Jor al futballudisto nomata Babaraum, kies ludstilon li spektis en Francio.
- Korokondo' = arbo (Hymenocardia acida) kies branĉoj, laŭ la kulturo Malinké-a, povas paralizi serpentojn.
- Here here, Tere re kaj Um baba ba rara ra mama ktp = sensignifaj ritmaj sonoj.

Vidu kaj elŝutu la muziktekston kun akordoj (x-sistemo).

Sed ne gravas

(Originala titolo: Mas que nada)
Verkis: Jorge Ben Jor
Traduko: Flávio Fonseca

O o o o o, ariá-raió
Obá, Obá, Obá

Sed ne gravas
Movu vin el vojo ĉar sambemas mi
Ĉar la sambo estas mojosa
Kaj kun multa emoci'

Jen ĉi sambo
Miksita kun marakatu'
Sambo de nigroldulo
Sambo de rendevu'

Sed ne gravas
Ĉar sambo tia ĉi estas rafin'
Kaj vi ne volas ke
Mi alvenu en la fin'


Rim:
- La komenca strofo estas en la joruba lingvo, kaj Obá (prononco: Oba') estas la militista diino de kandombleo. La esprimo estas saluto al ŝi, kvazaŭ petanta forton kaj benon, por ke ĉiuj homoj povu ĝui la muzikecon, kiu alproksimigas la kontinentojn.
- Tiu ĉi kanto estas unu el la plejmulte registritaj eksterbrazile; interalie de Ella Fitzgerald, Trini Lopez, Al Jarreau, Sérgio Mendes kaj Jose Feliciano.

Vidu kaj elŝutu la muziktekston kun akordoj (x-sistemo).

Kiel mirinda

(Originala titolo: Que maravilha)
Verkis: Toquinho k Jorge Ben Jor
Traduko: Flávio Fonseca

Ekstere pluvo lantas
Kaj spite tion mi kurantas
Nur por vidi ŝin, ho am'!
Venas ŝi vestita blanke
Tute malseka, bela, malkombita, kiel mirinda!
Ŝi estas linda, ho mia am'!
Kaj inter bankistoj, pluraj aŭtoj, stratoj kaj avenuoj
Dum miloj da hupoj sonadas kun vari'
Ŝi alproksimiĝas en blanko, milda, iom sen bruo
Kun la pluvo falanta sur korpo
Kiun brakumos mi
Kaj ni kune jen meze de l' strato, de l' mondo,
Ni meze de l' pluvo je turniĝ', kiel mirinda!
Je turniĝ', kiel mirinda!
Je turniĝ'...



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).