La pozo de l’ fierulo

(Originala titolo: A banca do distinto)
Verkis: Billy Blanco
Traduko: Vitor Mendes

Vi sakras malriĉajn, manprenon ne donas, en rasisma sojlo
Pro kio ĉi tiu sinten’,
Ĉi tiu orgojlo?

Jen ke sorĉistino nin tuŝas hazarde, jen la morto-vero
Infart’ vin atingas, sinjor’
Finiĝas fiero

Jen vantec’ la stultulon, lin metas en alton, ŝtuparon fortiras
Sidante proksime por helpo ne iras
Atendas trankvile la falon al plank’
Se altas la arb', ankaŭ do estas granda de l’ frukto la fal’
Jen al ĉiuj egal',
En la fino de l’ vivo
Kovritaj de tero
En horizontal’



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Terezo de l' plaĝo

(Originala titolo: Tereza da praia)
Verkis: Tom Jobim k Billy Blanco
Traduko: Flávio Fonseca

— Lúcio, min konkeris karin' en Leblon'
Kun korpo tre bela, la haŭto bruneta,
Kaj ege aminda, la am' estas bon'!

— Ho Dick! Ŝia naz' estas suprenturnita,
Oblikvaj okuloj je verd' ornamitaj,
Kaŝtanbrunaj haroj?
— kaj vangoj markitaj?

Estas mia Terezo de l' plaĝo!
— Sed se via, do ankaŭ de mi
— Ŝi pasigis kun mi la someron
— Sed la vintron, divenu nun vi

(Ambaŭ)
Do ni lasu en la plaĝo Terezon sen par'
Kisata de l' sun', tuŝata de l' mar'
Terezo ja estas nur de l' plaĝo, do
— Ŝi ne estas via
— Nek via, ho ho!

(Ambaŭ)
Terezo ja estas nur de l' plaĝo, do


Rim:
- Lúcio kaj Dick: omaĝo al la kantistoj Lúcio Alves kaj Dick Farney, la unuaj kiuj registris tiun ĉi kanton. Ĉiuj kiuj ĝin kantas povas enmeti siajn proprajn nomojn, sed kelkaj aliaj postaj registroj (ekzemple de João Nogueira kaj Sérgio Ricardo) konservis la nomojn de Lúcio kaj Dick.
- "Karino" estas mallongigo de "karulino", laŭ ofta uzo de Sylla Chaves.
- "Leblono" - plaĝo kaj kvartalo en la urbo Rio-de-Ĵanejro.

Vidu kaj elŝutu la muziktekston kun akordoj (x-sistemo).