Sur blanka vojo

(Originala titolo: Estrada branca)
Verkis: Tom Jobim k Vinicius de Moraes
Traduko: Flávio Fonseca

Sur blanka vojo, alta nokto, luna blanko, via manko
Marŝadante, marŝadante, marŝadante apud mi.
Tiu saŭdado, iu volo doloriva de la vivo,
La mortinta viv'.

Sur vojo, birdetaro, nokto klara,
Mia vojo tiom sola, tiom sola por trair',
Ke eĉ antaŭen pluirante
Kaj triste lunon rigardante,
Ju pli mi marŝas, des pli paŝas mi al vi.

Anstataŭ nokto estus lum'
Kaj suna bril', poezium',
Kaj se anstataŭ tristo estus ĝoja hul',
Anstataŭ vidi mian ombron sur ĉi voj',
Mi vidus en ĉi tiu vojo ombron de alia ul'.

Sed en la vero la grandurbo restis fore,
Restis fore, en la urbo lasis sin mia karin'.
Mi iras sole, sen kareso,
Nur la marŝado sen regreso,
Nur la marŝado kun deziro pri la fin'.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Luiza

(Originala titolo: Luiza)
Verkis: Tom Jobim
Traduko: Flávio Fonseca

Bruno, nuda harpuno
Flosas en nokto kun imens' kaj flavo
Tiel ronda luno, ŝvebas en nuno
Navigas ĝi sur blua firmamento
En lanta silento
Jen trobador'
Plena je steloj
Aŭdu la kanton mi verkintas por
Forgesi vin, Luiza
Mi estas nur ĉi povra amator'
Enamiĝinta,
Lernanto de via amor'
Vekiĝu, do
Ĉar scias mi, ke sub la neĝo loĝas ja via kor'

Venu, Luiza, al la ador'
Via dezir' estas mia deziro
Venu, min ekzorcu, buŝa nervozo,
Freneza rozo kisas min, kun miro
Iu sunradi' sur viaj haroj,
Mem briliant', rompinte lumon tuj
Eksplodas sepkolore
Rivelante la po sep mil amoj hore
Kiujn gardis mi por don' al vi, Luiza
Luiza, Luiza
Luiza



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Bruna jako

(Originala titolo: Casaco marrom)
Verkis: Guarabyra k Renato Corrêa k Danilo Caymmi
Traduko: James Rezende Piton

Reiros mi al mia malnova temp'
Kun bruna jako de iama sezon'
Por preni manon de la ĝoj' en promen'
Bye-bye, Cecy, nous allons*

Kopakabano venas kun la bonven'
Kaj disponigis brizon en mia fon'
La atombomb' kun eksplodem' en ĝarden'
Eksterme al flor-burĝon'

Ne! - rifuzordon'
Rigarde knabinon
De milda sezon'
Ha lo, mia kor',
Ha lo, mia kor',
Ha lo, mia kor'

Reiros mi al mia malnova temp'
Kun bruna jako de iama sezon'


*Rim: alilingve en la originalo.



Kantas kaj gitarludas: Cícero Soares

Vidu kaj elŝutu la muziktekston kun akordoj (x-sistemo).

Sonora pluveto

(Originala titolo: Sonora garoa)
Verkis: Passoca
Traduko: Flávio Fonseca

Belsonora roso
Pluveta sereno
Tra la frumateno
Mi ne sintenas
Kontraŭ l' etoso

Sonas la sireno
En la frua horo
Rompas la silenton
De l' frumateno
Pro la sonoro

Aŭto preterpasas
Pordon de l' fabriko, kaj
En radio krias
Metalavoĉe, ha
Iu kanzon'

Sonora pluveto
Kvazaŭ ros' arĝenta
Kvazaŭ ros' momenta
Reflektas sunon
La kamion'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.




Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Sunleviĝo

(Originala titolo: Nascente)
Verkis: Flávio Venturini k Murilo Antunes
Traduko: Flávio Fonseca

Heliĝas maten',
La suno kaŝos tuj la klaran stelon
Ardantan,
Perlon de l' ĉiel' reflektanta
La vian.
La taga lum' kontemplas vian korpon
Soifan,
Plenan je plezur' kaj deziro
Ardantaj.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Vidu Maria

Este resumo não está disponível. Clique aqui para ver a postagem.

Kolortrajno

(Originala titolo: Trem das cores)
Verkis: Caetano Veloso
Traduko: Flávio Fonseca

La franĝo de l’ monto oranĝkoloras, te-rozas la gres’
Mielas unike luma okulkares’
Kaj oras, apenaŭ verdas montaro, arĝentas la trajn’
La luno kaj stelo, kis’ de ring’ de turkis’

Rebrilas nebulo, ekfrumatenas, kundancas atom’
Infanoj granatas nove en la vagon’
Olivas la nubo plumbeciĝanta malantaŭ maten’
Kaj bluas la papersilko ĉirkaŭ la pom’

La verdaj kaj rozaj domoj pasante vidantas pasi nin
La du flankoj de l’ fenestro
Kaj tie videblas fono je preskaŭ neekzistanta blu’
La blu’ kiu estas pri ie memorflu’

Jen nigras hararo, klaras objektoj, kaŝtanbrunas lip’
Por diri pli ĝuste, lip’ kolor’ de tulip’
En ĉi kolortrajno, saĝas projektoj, ĉiesas muzik’
Kaj nun ĉielbluas ĉiele la ĉiel’.


Rim: Premiita en konkurso pri tradukaĵoj de Brazila Esperanto-Ligo.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Senkolorportreto

(Originala titolo: Retrato em branco e preto aŭ Zíngaro)
Verkis: Tom Jobim k Chico Buarque
Traduko: Flávio Fonseca

Per konataj paŝoj mi survojas
Certas, ke la ir' malĝojas
Jam parkere, sen misprav'
De la vojo konas mi la ŝtonojn
Ankaŭ pri soleco konojn
Havas mi, sen ia sav'
Kaj kio eblas kontraŭ feoj
De ĉi am', kun multaj neoj
Kaj evitoj, novaj reoj
Kiuj ĉiam sorĉas min
Per la samaj tristaj oldaj brumoj
Kiujn en fotoalbumoj
Mi kolektas pro obstin'

Tien iras mi denove stulte
Serĉi lace, senrezulte,
Senkonsolon de la ver'
Novas tagoj tristaj, noktoj klaraj
Versopartoj, mia kara
Survojiĝos ĉi leter'
Por diri pri ĉiu hororo
Pri la markoj en la koro
Pro pasea rememoro
Kaj elstaras la kial'
Mi kolektos plian belsoneton
Kroman senkolorportreton
Pri ĉi mia korfatal'


Rim: La partituro de tiu ĉi muzikaĵo estas disponebla ĉe Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Francinjo Mojosa

(Originala titolo: Chiquita Bacana)
Verkis: João de Barro (Braguinha) k Alberto Ribeiro
Traduko: James Rezende Piton

Francinjo Mojosa,
Martinikanino,
Vestiĝas nur per ŝelo
De banan' kun tanino.

Ŝi ne portas robon, kalson' estas for
La vintro por ŝi, jen somera aŭror'
Ekzistencialisto (en plena furor'!),
Ŝi ĉiam nur agas laŭ dikto de l' kor'


Rim (N.T.): En la originalo, "Chiquita" estas kvazaŭ hispanigo de la portugala karesa formo por la nomo Franciskino kaj hispana por la vortoj "eta", "etulino".

Vidu kaj elŝutu la muziktekston kun akordoj (x-sistemo).




Vidu ankaŭ la parodion:
Ĉikita "malbakana"

Ĉikita "malbakana"

(Originala titolo: Chiquita Bacana)
Verkis: João de Barro (Braguinha) k Alberto Ribeiro
Parodio: Pastro Machado

Kun ĉiu klubano
ĉi de Pernambuko,
min vestas ne la ŝelo
de banano sed tuko.

En bluzo kaj jupo
aŭ en pantalono,
por ni estas vintro,
malvarma sezono.

Por mi ekzistismo
ne estas ordono,
ne, ĉion mi faras
laŭ kora propono.


Rim: Tiu ĉi parodio estas inversigo de la originala temo, en kiu la virino Chiquita Bacana sin vestas per banana ŝelo, ĉar por ŝi estas ĉiam somero. Kaj la adjektivo bacana signifas "mojosa".

Vidu kaj elŝutu la muziktekston kun akordoj (x-sistemo).




Vidu ankaŭ la version:
Francinjo Mojosa

Frevo de Orfeo

(Originala titolo: Frevo de Orfeu)
Verkis: Tom Jobim k Vinicius de Moraes
Traduko: Flávio Fonseca

Ho, ni kantu sub la sun'
Ho, ĉar bando pasos nun
Ho, la klariono anoncadas
Pri la veno de karnaval'
Per sia sono de metal'
Inter koloroj mil
Verda mar', flora lil'
Ho, mia Dio, kiel bela
Senkompare
Estas vi, Brazil'


Rim: Tiu ĉi komponaĵo apartenas al la teatraĵo Orfeu da Conceição, verkita de Vinicius de Moraes en 1954, surbaze de la greka mito Orfeo kaj Eŭridico. En 1959, surbaze de la teatraĵo, estis lanĉita la itala-franca-brazila filmo Orfeu Negro, kiu ricevis la premiojn Palma de Ouro, Oscar kaj Globo de Ouro.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Rivera fluo

(Originala titolo: Correnteza)
Verkis: Tom Jobim k Luiz Bonfá
Traduko: Flávio Fonseca

Vidu: la rivera fluo
Portas tiun floron for
Mia amo jam ekdormis
Mokante pri mia kor'
Mokante pri mia kor'

Ĉe marĝeno de l' rivero
Elkliniĝis ingauj'
Kaj la frukton jam maturan
Portis la rivero tuj
Portis la rivero tuj
Portis la rivera fluo

Pluvis dum tuta semajno
Malebliĝis nia par'
La tero iĝis markita
Sur kie pasadis bovar'

Post la longa pluva daŭro
Prezentiĝis ĉielblu'
Ĉe marĝeno de la vojo
La amo venadas plu
La amo venadas plu
La amo

Ou danda'...

Pluvis dum tuta semajno
Malebliĝis nia par'
La tero iĝis markita
Sur kie pasadis bovar'

Vidu: la rivera fluo
Portas tiun floron for
Kaj mi endormiĝis ĝoje
Revante pri nia kor'
Revante pri nia kor'
Revante...

Ou danda'...


KURIOZAĴO:

Ingajuo estas arbo (Inga edulis, de la familio Fabaceae Mimosoideae), kaj ties frukto, la ingao.

Estas konataj ĉirkaŭ 300 specioj de la genro Inga. La ĉefa centro de diverseco estas la amazonia arbaro, sed la genro aperas en Meksiko, Antiloj kaj la tuta Sudameriko. Ĝenerale, la ingaujoj naskiĝas ĉe rivermarĝenoj, pro la granda kvanto da semoj portataj de la inundoj kaj lasitaj sur la ebenaj kamparoj.

La portugallingva vorto "Ingá" originis el la tupia in-gá, kiu signifas "akvumita, superakvita".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Nenio okazos denove

(Originala titolo: Nada será como antes)
Verkis: Milton Nascimento k Ronaldo Bastos
Traduko: Flávio Fonseca

Mi jam estas survoje ĉivoje
Iun ajn tagon ni vidos nin
Kaj nenio okazos denove kiel nun

Oni diru al mi pri l’ amikoj
Oni diru novaĵojn pri vi
Certe ĉio malsamos al nun (Agitiĝo en mia kor’ nun)
En morgaŭ’ aŭ en la postmorgaŭ’
Persistante en buŝo de l’ nokto la gusto de l’ sun’

Jen en ajna dimanĉ’, ajna horo,
Jen en ajna direkto, venteg’.
Kaj nenio okazos denove kiel nun.


Rim: Prezentita en koncerto dum UK en Prago, 1996.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi ne vivas for de vi

(Originala titolo: Eu não existo sem você)
Verkis: Tom Jobim k Vinicius de Moraes
Traduko: Tarcísio Lima

Mi scias kaj vi scias,
Tiel volis la destin’
Nenio ajn ĉi-monda
Disde vi forprenos min
Mi scias kaj vi scias,
La distanco ne ekzistas
Kaj ĉiu granda amo
Des pli grandas ju pli tristas
Ne timu do suferi,
Ho karega amatin’,
Ĉar ĉiuj el la vojoj
Min kondukas apud vin

Samkiel per la lun’
La ocean’ ornamas sin
Kaj kanto sin pravigas
Nur se oni kantas ĝin
Samkiel granda nub’
Sin nutras el eta pluver’
Kaj taŭgas al poeto
Lukti meze de sufer’
Samkiel viv’ sen amo
Samvaloras ol neni’
Ne vivus vi sen mi
Nek mi ekzistus for de vi.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Ne estas mi sen vi

Ne estas mi sen vi

(Originala titolo: Eu não existo sem você)
Verkis: Tom Jobim k Vinicius de Moraes
Traduko: Vitor Mendes

Mi scias kaj vi scias ĉar la vivo volis tiel
Nenio sur la mondo nin disigi povos iel
Mi scias kaj vi scias ke distanco ne ekzistas
Ke ĉiu granda am' nur vere grandas ja se tristas
Pro tio mia am', ne timu se venos sufer'
Ĉar portas min al vi la tutaj vojoj sur la Ter'

Se estas ocean' nur vere bela pro lumbril'
Se la kanzono nur kantata estas kun util'
Se nuboj en ĉielo nur okazas per la pluv'
Kaj la poeto estas granda nur ĉe suferpruv'
Se l' viv' mortas sen am', ĉar sen la am' vivo ne restas.
Ne estas mi sen vi kaj ankaŭ vi sen mi ne estas.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Mi ne vivas for de vi

La blua trajno

(Originala titolo: O trem azul)
Verkis: Lô Borges k Ronaldo Bastos
Traduko: James Rezende Piton

Tio ne dirita, ĉar ni lasis en forges'
Frazoj reportitaj de la vento al memor'
Tio postrestinta tra la tempo, nur promes',
En la ventokanto ne laciĝas flugi for

Vi ene de blua trajn', la sun' en la kapo
La sun' en la blua trajn' kaj vi en la kapo
La sun' en la kapo



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Sabia'

(Originala titolo: Sabiá)
Verkis: Tom Jobim k Chico Buarque
Traduko: Vitor Mendes

Al reven’
Ja mi estos al reven’
Mian lokon jen
Reven’ kaj ankoraŭ en
Ĉi lok’ estas la kantad’
De la sabia’

Al reven’
Ja mi estos al reven’
Kuŝos mi ĉe l’ ombro de la palmarb’
Kie estas sen
Palmarb’ kaj flor’
Forestas en
Ĉi lok' kaj am’
Forigos eble la
Finoktojn per amreago
Kaj venos nova tago.

Al reven’
Ja mi estos al reven’
Vana estos ne
La tuta planado
Trompanta min
Estis trompa pado
Al mia sin’
Kaj tiom da vojoj
Perdiga fin’
Kaj vanis la fojoj
Forgesi vin.

Al reven’
Ja mi estos al reven’
Mian lokon jen
Reven’ kaj ankoraŭ en
Ĉi lok’ estas la kantad’
De la sabia’

Al reven'
Ja mi estos al reven'
Al la amoplen'
Ĉar la am' ekzistas, mi ne plu tristas
Kaj ja tuj alvenos la viv' en ben'
Kaj plu de soleco ne estos ven'
Kaj plu de soleco ne estos ven'

Vidu kaj elŝutu la muziktekston kun akordoj (x-sistemo).

Simfonio

(Originala titolo: Certas coisas)
Verkis: Lulu Santos k Nelson Motta
Traduko: Jorge de Oliveira

Tute ne ekzistus son' se ne ekzistus la silento
Kaj ne ekzistus la aŭtun' se ne estus la vento
Memoro kaj forges', tago, nokto, ne kaj jes

Ĉiuj gorĝoj krias laŭte sed ne denuncas la malveron
Senpacienco kaj hastem' ne venkas la esperon
Rompiĝas mia kor' sed mi amas kun pasi'

Mi amas vian voĉon ĉar ĝi sonas kvazaŭ simfonio
Sed mi vivas for de vi,
Ni estas tim' kaj deziro, jes,
Faritaj el la sama ŝtof',
Mi estas bruo kaj vi melodi'

Vidu kaj elŝutu la muziktekston kun akordoj (x-sistemo).

Dindi

(Originala titolo: Dindi)
Verkis: Tom Jobim k Aloysio de Oliveira
Traduko: Flávio Fonseca

Jes, grandegas ĉiel'
Kaj aro da nuboj pasadas rapide
Al kie ĝi iras mi ne scias, ne
Kaj vento parolas pri arboj
Kaj pri la rakonto kiu estas nenies
Kaj tamen ĝi estas de kaj mi kaj vi

Ha, Dindi!
Se vi scius kiom vin mi amas
La mondo fariĝus, Dindi, bela, Dindi, pura, Dindi
Ha, Dindi!
Kaj se iam decidos foriri, vi portu min kune, Dindi
Vidu, Dindi, vin mi amas, Dindi

Kaj kien iras akvoj de l' river' mi ne scias
Kaj dum la tuta vivo kun esper' mi atendis nur vin

Dindi
Vi plej belas el kio ekzistas
Vi ne ekzistas, Dindi
Restu, Dindi, vin mi amas, Dindi


Registrita de kantistino Silvana Albuquerque en albumo Tom Jobim en Esperanto, en Junio/2002.

Vidu kaj elŝutu la muziktekston kun akordoj (x-sistemo).

Vin amas mia kor'

(Originala titolo: Eu sei que vou te amar)
Verkis: Tom Jobim k Vinicius de Moraes
Traduko: Jorge das Neves

Vin amas mia kor'
dum mia tuta vivo, mia kor'
je ĉiu adiaŭo, mia kor'
kaj nepre kun pasio amas mia kor'!
En ĉiu verso kantas mi
ke vin mi amas
ke ardas mia kor'
dum mia tuta vivo...

Se vi promenas for
vi estas la konstanta rememor'
kaj post via reveno ĝojas mi
ke nia amo floras pli kaj pli
Denove malesper',
l' eterna malfeliĉo kaj sufer'
se nova la disiĝo daŭros ja
dum mia tuta vivo...

Vidu kaj elŝutu la muziktekston kun akordoj (x-sistemo).




Vidu alian version:
Mi amos ĉiam vin