Magdalen'

(Originala titolo: Maringá)
Verkis: Joubert de Carvalho
Versio: Darcy Gaia

Ŝi forelmigris
mia bela Magdalen'
ŝi ja estis bela floro
la plej bela de l' ĝarden'

Kun ŝi formigris
la person' al ŝi diranta
ke neniam ŝi forgesu
la kampulon ŝin amantan.

En alitempo
estis ĝojo sen egal'
surreganta la popolon
de la vilaĝo Pombal'

Kaj senpluveco
nian pluvon portis for
nur restante la gutetoj
elfalintaj de la plor'

Magdalen', Magdalen'
iris vi je lasta fojo
ĉio estas kun malĝojo
de l' silento de l' maten'

Magdalen', Magdalen'
por estiĝi feliĉeco
forveturu sopireco
for de nia kor-haven'

Magdalen', Magdalen'
venu vi alian fojon
kaj alportu vi la ĝojon
kaj ni vivu en Eden'

Vidu kaj elŝutu la muziktekston kun akordoj (x-sistemo).




Vidu alian version:
Maringa'

Jen

(Originala titolo: Taí (Pra você gostar de mim))
Verkis: Joubert de Carvalho
Traduko: James Rezende Piton

Jen mi
Ĉion faris por ke vi ekamu min
Karulin' ne moku pri mia dolor'
Nepre vi, nepre vi
Tenu min en via kor'.

Ho, amata, estu konsider',
Ke kun la ĝojo venas la sufer'
Kaj tia estas la vivfaden':
Lamentado kun nur pli da ĉagren'

Jen mi...

La afero pri la korinklin'
Estas manio de la homa sin'
Se estus helpo de la Sinjor'
Mi ja tuj forgesus pri la amor'

Vidu kaj elŝutu la muziktekston kun akordoj (x-sistemo).

Maringa'

(Originala titolo: Maringá)
Verkis: Joubert de Carvalho
Traduko: Sylla Chaves

Estis mirinde, kiel gajis ĉiu fil'
de Pombal' — malgranda urbo
en la nordo de Brazil',
sed, pro sekeco, preskaŭ ĉiuj migris for,
kaj nur restis tiu akvo,
kiun homoj nomas plor'.

Maringa', Maringa',
ekde via foriro
nure restis resopiro,
via manko kaj malĝoj',
Maringa', Maringa',
la vivo estas fuŝo,
ekde kiam mia buŝo
kisis vin je lasta foj'.
Maringa', Maringa',
vi ne restu longe for,
ĉar, kontraŭe, mia kor'
senespere mortos ja.

Dum formigrado, Maringa', la mestizin',
estis plej priparolata,
ĉar bedaŭr' atingis ŝin;
ĉar longe daŭris pri mestizo la memor':
Li ja restis en Pombalo,
tamen ankaŭ en la kor'.


Rim:
- Registrita de la kantisto Antônio João, en la albumo Brazilo Kantas por Pli Bona Mondo, en 1970.
- El la libro Rapida vojo 1: Asocio Esperantista de Rio-de-Ĵanejro, 1999.
- Registrita de la kantisto Jovelino Freire Figueiredo, en la albumo Bahia de ĉiuj Sanktuloj, en 1999.

Vidu kaj elŝutu la muziktekston kun akordoj (x-sistemo).




Vidu alian version:
Magdalen'