La urb' ideala

(Originala titolo: A cidade ideal)

Verkis: Luiz Enriquez k Sérgio Bardotti

Portugallingva traduko: Chico Buarque

Esperanta traduko el la portugala: Flávio Fonseca

Hundo:
Por la hundo, la urb' ideala
Havas fostojn laŭ tuta la strato
Kaj sen aŭtoj, sen kuro fatala
Do neniam mi estas premato

Kokino:
Por kokino, la urb' ideala
Havas padojn kun multaj lumbrikoj
Ventrovarmo fariĝas reala
Kaj maizo abundas en spikoj

Infanoj:
Zorgu vi, ĉar en tiaj urbegoj
Oni hastas sen atent' al gregoj
Kaj plu zorgu, ĉar gravas l' aferoj
Oni bakos vin sen konsideroj

Ĉiuj:
Sed ne, sed ne,
Nun revas mi, kaj revas, ke
Devas havi aleojn verdajn
La urbeto de mia koro
Espereble la gesinjoroj
La urbestro kaj la tajloroj
Estu nur simplaj infanoj
Devas havi aleojn verdajn
La urbeto de mia koro
Espereble la gesinjoroj
La urbestro kaj la tajloroj
La farbistoj, la profesoroj
Estu nur simplaj infanoj

Katino:
Por katino, la urb' ideala
Estas plado da freŝa fiŝtripo
Kun sardenoj en tramo metala
Kaj viando de l' plej alta tipo

Azeno:
Mi maljunas kaj ĉion komprenas
Kaj mi scias, ke ĝi ne konvenas
Urbo strange al vi malfavoras
Al vi ridas, kaj poste vin voras

Infanoj:
Zorgu vi, ĉar l' azeno komprenas
Do vi sciu, ke ĝi ne konvenas
Jen, katin', via ledo unika
Povas iĝi membrano kuika

Ĉiuj:
Sed ne, sed ne,
Nun revas mi, kaj revas, ke
Devas havi aleojn verdajn
La urbeto de mia koro
Espereble la gesinjoroj
La urbestro kaj la tajloroj
La farbistoj, la profesoroj
Estu nur simplaj infanoj
Devas havi aleojn verdajn
La urbeto de mia koro
Espereble la gesinjoroj
La urbestro kaj la tajloroj
La farbistoj, la profesoroj
La doktoroj kaj la aktoroj
La polico, la inspektoroj
Estu nur simplaj infanoj


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Historio de katino

(Originala titolo: História de uma gata)
Verkis: Luiz Enriquez k Sérgio Bardotti
Portugallingva traduko: Chico Buarque
Esperanta traduko el la portugala: Flávio Fonseca

(Parolante)
Oni min nutris
Kaj min dorlotis
Do min delogis
Ĝis mi devotis

(Kantante)
Loĝis mi en apartamento
Detefon', kuseneto, flato
Ĉiutage filea tento
Aŭ eĉ, jes, file' de kato

Oni diris ĉiun momenton:
— Restu hejme, evitu venton
Tamen duras obea stato
Se dum lunmonato
Multaj katoj tra la strato
Ĉiunokte kantas kun pasi':

Ni katoj jam naskiĝas povraj
Sed ni jam naskiĝas sen katen'
Sinjor', dommastro, sinjorino
Felisojn vi ne rekonos jen

Ree hejmen en la mateno
Tuj alia situacio
Sen fileo kaj sen kuseno
Nur pro mia melodio

Kaj de nun mia nova klaso
Estas meze de kat-amaso
Tra la mondo en lad-rulado
Mi en kat-balado
En freneza serenado
Ĉiunokte kantas kun pasi':

Ni katoj jam naskiĝas povraj
Sed ni jam naskiĝas sen katen'
Sinjor', dommastro, sinjorino
Felisojn vi ne rekonos jen


Rim:
- Detefon' (Detefon) = komerca marko de tre populara insekticido, uzata en brazilaj domoj.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Bela virino

(Originala titolo: Moça bonita)
Verkis: Geraldo Azevedo k Capinam
Traduko: Vitor Mendes

Bela virino
Via korp’ odoras
Oranĝarbon kiam floras
Kio estas tio ĉi?
Mi imagas la difinon
Ĉu je kaf’ odoras ĝi?
Se mi flaras ĉi virinon
Jen virinodoras ŝi.

Bela virino
De l’ okuloj brilaj
De la stelo mateniĝa
Kio estas tio ĉi?
Jen mi estas surpriziĝa
Ĉar je fid’ odoras ĝi
Se mi flaras ĉi virinon
Ja virinodoras ŝi

Bela virino
Via kiso povas
Min mortigi sen kompato
Kio estas tio ĉi?
Ĉu imaga mia stato?
Por forigi tiun dubon
Min mortigu via kiso
En virin-brakoj de vi.

Vidu kaj elŝutu la muziktekston kun akordoj (x-sistemo).

Se vi pensas

(Originala titolo: Se você pensa)
Verkis: Roberto Carlos k Erasmo Carlos
Traduko: Flávio Fonseca

Se vi pensas, ke el mi vi faros ĉion
Kion faras vi el tiuj vin amantaj
Sciu, ke se vi deziras resti kun mi
Vi nepre ŝanĝiĝu

En la estonto ĉio fariĝos malsama
Vi nepre lernos esti pli ama
Orgojlo via valoras ne plu! Ne plu!

Dum la tuta vivo lernoj pli validos
Por ke vi komprenu bonon por destino
Des pli bone se rapide vi decidos
Antaŭ la fino

Vi ja ne scias, neniam eĉ klopodis scii
Ke kiam amo povas emocii
Nur gravas la feliĉo kaj ne plu! Ne plu!

Vidu kaj elŝutu la muziktekston kun akordoj (x-sistemo).

Kun sukero, kun tenero

(Originala titolo: Com açúcar, com afeto)
Verkis: Chico Buarque
Traduko: Flávio Fonseca

Kun sukero, kun tenero
Mi preparis la teleron
Por ke vi en hejmo restu
Tamen, ho!
Vi vestita per surtuto
Tuj eliras post minuto
Sen atenti horsugeston

Diras vi, ke vi laboras,
Ke pro pago vi deĵoras
Ĉio nur por la vivten'
Tamen, ho!
Voje al la laborejo
Estas multe da drinkejoj
Por festemo en solen'
Eĉ sen kial'

Iu apud vi sidiĝos
Kaj vi ambaŭ tuj fratiĝos
Babilante pri futbal'
Kaj vi restos kvazaŭ dando,
Gvatos jupojn tra la strando
Kolorita de l' sunfal'

Venas nokto, plia glaso,
Melodioj preterpasos
Vian volon pri kantad'
Nova iu ajn amiko
Ekbatukos laŭ muziko
Por ke venu la saŭdad'

Kiam nokto iĝas vano
Venas vi kvazaŭ infano
Pro espero pri pardon'
Tamen, ho!
Vi asertas, ke atentos
Ke de nun vi diligentos
Nur por flati min per don'

Sed vidante vin tre laca,
Ĉifonulo senkuraca,
Ne plu eblas la ĉagren'
Tamen, ho!
Mi varmigas manĝopleton
Kisas vian portreteton
Kaj malfermas min je plen'

Vidu kaj elŝutu la muziktekston kun akordoj (x-sistemo).

Aĉa ne estas plaĉa

(Originale: Feio não é bonito aŭ O morro)
Verkis: Carlos Lyra k Gianfrancesco Guarnieri
Traduko: James Rezende Piton

Vivu la belaĵoj propraj de Brazil'
Kun histori' kaj tradici'
Kaj vivu "monto" en gloropleno
Kun samblernejoj kantataj en samboj
Pri sia deveno

Aĉa ne estas plaĉa
La "monto" daŭras
Tamen ĝi revas pri fin'
Kantas, ĝi kantas triste
Ĉar nur tristecon
Rakontas ĝia rutin'
Ploras, ĝi ploras ride
Ĉar ĝi kuraĝas,
Bravega de l' origin'
Amas, la "monto" amas
Kun am' timida, kun am' avida
Pri aliestonto


Rim (Noto de la Tradukinto): "La monto" estas maniero aludi al la periferiaj kvartaloj en Rio.
En la komenco de la 20-a jc. la modernigo de la historia urbo kun larĝaj avenuoj forigis multajn loĝejojn, kie vivis malbonhavaj familioj. Sen protekto kaj monkompensoj, tiuj homoj transloĝiĝis al terpecoj sur la montoj ĉirkaŭ Rio, sen minimumaj sanitaraj kondiĉoj.
Tiuj homoj de "la monto" produktis multe da arto kaj donis riĉajn kontribuojn al la brazila kulturo, speciale ĉirkaŭ sambo. Tiu ĉi kanzono pledas por normala vivo kaj ke malgraŭ la pozitivaĵoj, oni ne devas romantikigi la malbonajn kondiĉojn de "la monto", kun nefinitaj domoj el brikoj, aŭ domoj faritaj el alternativaj materialoj kiel lado kaj recikligita lignaĵo. Al ili mankis - kaj al multaj plu mankas - bazaj rimedoj kiel akvo kaj elektro.
Obs (Nota do Tradutor): "La monto" (i.e. "O morro") é uma maneira de aludir aos bairros de periferia no Rio. No começo do séc. XX a modernização da cidade histórica com largas avenidas desalojou várias moradias, nas quais viviam famílias de poucos recursos. Sem proteção ou indenização, essas pessoas mudaram-se para terrenos nos morros em torno do Rio, sem condições sanitárias mínimas.
Essas pessoas "do morro" produziram muita arte e deram ricas contribuições à cultura brasileira, especialmente no samba. Esta música apela por uma vida normal e diz que, apesar das coisas positivas, não se deve romantizar as más condições "do morro", com casas inacabadas em alvenaria, ou casas feitas de materiais alternativos como lata e madeira reciclada. A eles faltava - e a muitos ainda falta - recursos básicos como água e eletricidade.

Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Ĉiuj kune

(Originala titolo: Todos juntos)
Verkis: Luiz Enriquez k Sérgio Bardotti
Portugallingva traduko: Chico Buarque
Esperanta traduko el la portugala: Flávio Fonseca

Kion havas la katin'?
- La ungojn
Kion havas la kokin'?
- La bekon
Tio ŝajnas nesufiĉa eko
Por incito al kuraĝ'
Kion havas la azen'?
- La hufojn
Kion havas do la hund'?
- La dentojn
Uzu ĉion kune en momento
Kaj rezulto venos ja

Unu beko plus dek ungoj
Plus kvar hufoj, tridek dentoj
Kaj eĉ la plej bravaj gentoj
Nin respektos en final'
Ĉiuj kune ni fortegas
Ni la sagoj, ni la arko,
Ĉiuj ni en sama barko
Malaperas ĉiu tim'
Apud mi estas amiko
Protektata kun estim'
Ĉiuj kune ni fortegas
Malaperas ĉiu tim'

Kio estas la katin'?
- Sagaca
Kio estas la azen'?
- Pacienca
Certe tio estas ne potenca
Por incito al kuraĝ'
Kio estas do la hund'?
- Lojala
Kio estas la kokin'?
- Obstina
Vere tio estas ne kulmina
Sed rezulto venos ja

Sagaceco, pacienco,
Lojaleco, obstinemo
Kaj finfine la sistemo
Ŝanĝos sin en la ĝangal'
Ĉiuj kune ni fortegas
Ni la sagoj, ni la arko,
Ĉiuj ni en sama barko
Malaperas ĉiu tim'
Apud mi estas amiko
Protektata kun estim'
Ĉiuj kune ni fortegas
Malaperas ĉiu tim'

Tamen oni diras, ke abundas
La kantistoj kiaj estas ni!


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.

Vidu kaj elŝutu la muziktekston kun akordoj (x-sistemo).

Kato en la tubjo

(Originala titolo: Tem gato na tuba)
Verkis: João de Barro (Braguinha) k Alberto Ribeiro
Traduko: Flávio Fonseca

Ĉiudimanĉe ludadis bando
En la placo ĉe ĝarden'
Kaj el distanco oni aŭdadis
La tubjon de Serafen'

Iam hazarde eniris kato
En tubjon de Serafen'
Kiel rezulto de la okazo
La tubjo sonis ĉi tiel, jen:

Pum, pum, pum (mjaŭ'!)
Pum, pu, ru, ru, pum, pum (mjaŭ'!)
Pum, pum, pum (mjaŭ'!)
Pum, pu, ru, ru, pum, pum


Rim:
- Serafen' estas la proponita traduko por la vira nomo Serafim (kiu, laŭlitere, signifas "serafo").
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Serafen' é a tradução proposta para o nome próprio Serafim.
- A partitura desta música está disponível no Klubo Brazila Muziko.




Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kiel grandas ĉi mia amo al vi

(Originala titolo: Como é grande o meu amor por você)
Verkis: Roberto Carlos
Traduko: Vitor Mendes

Mi havas multon por dir' al vi, sed ja pervorte ne povas mi
Kiel grandas ĉi mia amo al vi
Kaj ne ekzistas ia kompar', por vin klarigi, ne estas ja
Kiel grandas ĉi mia amo al vi
Nek la ĉiel', nek la stelar', kaj nek la mar', kaj la senfino
Nenio grandas pli ol ĉi am' en mia sino
Mi malesperas, ĉe la serĉado, por klarigado, por ke vi sciu
Kiel grandas ĉi mia amo al vi
Kaj ne forgesu, eĉ en momento, nenio grandas pli ol ĉi sento
Kiel grandas ĉi mia amo al vi
Ha kiel grandas ĉi mia amo al vi



Kantas kaj gitarludas: Vitor Mendes

Vidu kaj elŝutu la muziktekston kun akordoj (x-sistemo).




Vidu alian tradukon:
Kiom grandas mia amo al vi

Lum' de l' sun'

(Originala titolo: Luz do sol)
Verkis: Caetano Veloso
Traduko: Vitor Mendes

Lum' de l' sun'
Ĝin foli' tenas al si
Kaj verdo novas
En arb', en grac', en viv', en fort', en lum'.
Blu-ĉiel'
Ĝi venas ĝis la pied'
Tuŝas la teron
Kaj iĝas blua spir’ en tiu ĉi.

Riveret' ruliĝas,
Iras al river', rivero al mar'
Akvo rulas ree , rekte al la sablo hela
Marŝas homo sur la grund'
Kaj estas hela vund' ene de l' kora peco.
Mastro de l' jes' kaj de l' ne
Kaj jen li scias ke majestas ĉi beleco
Kaj jen vundas li per man' tiun delikatecon ja la vivmotivo
La gloron de l' vivo



Kantas kaj gitarludas: Ana Paula Pose

Vidu kaj elŝutu la muziktekston kun akordoj (x-sistemo).

Dum tuta mia vivo

(Originala titolo: Por toda minha vida)
Verkis: Tom Jobim k Vinicius de Moraes
Traduko: Flávio Fonseca

Mia tre amata
Mi volas fari ĉi kanzonon kvazaŭ ĵur'
Mi promesas, dum tuta mia vivo
Esti nur de vi kaj ami vin senlime
Nur ami laŭ neniu plu

Mia tre amata
Ĵus aperinta stelo pura
Mi vin amas kaj vin proklamas
La vera am', la vera am'
Pli granda ol ĉio ekzista
Ho, mia am'


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Nomada

(Originala titolo: Mambembe)
Verkis: Chico Buarque
Traduko: James Rezende Piton

Podie, surplace, en cirko, sur benko de staci'
Kuranta sen lumo, surmura skribumo
Novaĵ' venos tuj pri mi,
Nomada, vaganta,
Malsupre de ponto
Kantanta
Malsupre de l' tero
Kantanta
Kaj priparolata
Kantanta

Falinta, flirtanta, fripono, frapanta, malbanal'
Fuĝanta la sklavo, aŭ tute freneza
Kun la propra festival'
Nomada, vaganta,
Malsupre de ponto
Kantanta
Malsupre de l' tero
Kantanta
Kaj priparolata
Kantanta

Poeto, pajaco, pirato, la sparko, vaganta hebre'
(Kantanta)
Dormanta sur vojo, refojo, refojo
Antaŭ mi la mond-are'
Nomada, vaganta
Malsupre de ponto
Kantanta
Malsupre de l' tero
Kantanta
Kaj priparolata
Kantanta



Kantas kaj gitarludas: Flávio Fonseca

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).





Vidu alian version:
Trupulo

Trupulo

(Originala titolo: Mambembe)
Verkis: Chico Buarque
Traduko: Flávio Fonseca

Sceneje, ĉe placo,
En cirko, sur benko
De ĝarden'
Dum nokto en kuro,
Pentritan sur muro,
Vi ekkonos min sen pen'

Trupulo, cigano
Loĝe sub la ponto
Kantanta
Kaj eĉ sub la tero,
Kantanta
En buŝ' de l' popolo
Kantanta

Almoze, fripone,
Ruzule, ĉifone
Aŭ la mal'
Eskapinta sklavo
Komplete sen pravo,
Estas mia festival'

Trupulo, cigano...

Poeto, pajaco,
Pirato, sagaca
Vagabond'
Dormanta sur strato,
Ne gravas la stato,
Tute mia estas mond'

Trupulo, cigano...



Kantas kaj gitarludas: Flávio Fonseca

Aŭdu kaj elŝutu mp3-dosieron de ĉi tiu kanto.
(Kantas kaj gitarludas: Cícero Soares)

Vidu kaj elŝutu la muziktekston kun akordoj (x-sistemo).




Vidu alian version:
Nomada

Kion supozas do vi?

(Originala titolo: O que será (À flor da terra))
Verkis: Chico Buarque
Traduko: Flávio Fonseca

Kion supozas do vi?
Ke oni suspiradas en la alkovoj
Ke oni susuradas verse en blovoj
Ke oni kombinadas tra noktaj lokoj
Ke oni havas kape kaj en alvokoj
Ke pro ĝi la kandeloj lumas je dekoj
Ke en drinkejoj kvazaŭ aŭdiĝas blekoj
Kaj krioj en foiroj, ja kun certeco
Kun tuta natureco, supozas do vi
Pri kio mi ne certas, nun nek iam pli
Pri kio la riparo ekzistas ne pli
Kaj ĝi ne havas grandon

Kion supozas do vi?
Ke vivas en ideoj de geamantoj
Ke kantas la poetoj kaj delirantoj
Ke ĵuras la profetoj en vinaj gradoj
Ke estas en pilgrimo de la kriplado
Kaj en la fantazio de la kapricoj
Kaj en la ĉiutago de meretricoj
En planoj de banditoj, de nehelpitoj
En ĉiu infinito, supozas do vi
Pri kio jam ne decas, nun nek iam pli
Pri kio la cenzuro ekzistas ne pli
Kaj ĝi ne havas sencon

Kion supozas do vi?
Ke ĉiuj la avertoj evitos ne la
Ĉar ĉiuj ridoj certe defios pro ar'
Ĉar ĉiuj sonoriloj sonoros kun klar'
Ĉar ĉiuj himnoj trilos konsekrante ja
Kaj ĉiuj knaboj fine impetos el tra
Kaj ĉiuj la destinoj renkontiĝos, ha!
Kaj eĉ Eterna Patro, irinta ne al
Vidante ĉi inferon nur benos ĝin, pa!
Pri kio jam ne regas, nun nek iam pli
Pri kio jam ne hontas, nun nek iam pli
Kaj ĝi ne havas saĝon



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu ankaŭ la versiojn:
Kio okazas al mi
Kio okazas al vi
Lant' el lontan'

Lant' el lontan'

(Originala titolo: O que será (À flor da pele))
Verkis: Chico Buarque
Traduko: Querino Neto

Kio kun lant' el lontan'
Agacas mian enon kun lant' el lontan'
Burĝonas ĝi, florpremo kun lant' el lontan'
Survojas en vizaĝon ruĝiga ĉikan'
Senkaŝe min perfidas kun dol' ĉarlatan'
Korpremas al konfeso sen vol' aŭ spontan'
Ne eblas plu afekto de sperta infan'
Sinmontras la obsedo kaj laŭtas rikan'
Devigas min, senhejma, almozi pro pan'
Pri kio senmezuras, kaj nun por ĉiam'
Pri kio senrimedas, kaj nun por ĉiam'
Pri kio senreceptas

Kio kun lant' el lontan'
Subitas el la eno sen permes' nia
Primokas sindetenon eĉ anarkian
Kaj ardas ĝi, veneno afrodizia
Samkiel la mieno festanemia
Ne savas la advento nek haleluja'
Nek la medikamentoj de familian'
Nek ĉiu sorĉotento plenalkemia
Kaj aro da sanktuloj kun lant' el lontan'
Pri kio ne ripozas, kaj nun por ĉiam'
Pri kio ne laciĝas, kaj nun por ĉiam'
Pri kio ne limiĝas

Kio kun lant' el lontan'
Bruligas min el eno, kun lant' en lontan'
Malhelpas la dormemon, kun lant' el lontan'
Provokas mian ĝemon pro ardo je flam'
Incitas korpan tremon, forpreniĝas san'
Kaj ŝvitas mi pro ĝeno, inundo je van'
Kaj ĉiuj miaj nervoj suplikas en klan'
Impetas miaene tre febla organ'
Eruptas mi pro tim', kiel lafa vulkan'
Pri kio ne hontiĝas, kaj nun por ĉiam'
Pri kio ne regeblas, kaj nun por ĉiam'
Pri kio ne prudentas



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu aliajn versiojn:
Kio okazas al mi
Kio okazas al vi
Kion supozas do vi?

Kio okazas al mi

(Originala titolo: O que será (À flor da pele))
Verkis: Chico Buarque
Traduko: Flávio Fonseca

Kio okazas al mi,
Ke tuŝas min interne, okazas al mi
Ke ĝermas je la haŭto, okazas al mi
Kaj iras al la vangoj kaj ruĝigas min
Kaj iĝas okulfrapa, perfidanta min
Kaj premas mian bruston, montriĝas konfes’
Pri kio jam ne ĝustas, sen hipokritec’
Pri kio jam ne justas je ies forges’
Kaj kio igas min almozanto de pec’
Jen io sen mezuro, kaj nun kaj sen ĉes’
Jen io sen rimedo, kaj nun kaj sen ĉes’
Jen io sen klarigo

Kio okazas al ni,
Ke tohuvabohuas, senceremonia,
Ke malobeas nin, kvazaŭ revolucia
Ke ŝajnas kana brando senprohibicia
Ke ŝajnas malsaniĝo pro festo orgia
Nekontrolebla eĉ de ordon’ religia
Nekuracebla eĉ per ungvent’ farmacia
Eĉ ne per sorĉa provo, eĉ ne alĥemia
Eĉ ne per la sanktuloj, okazas al mi
Jen io sen ripozo, kaj nun kaj sen ĉes’
Jen io sen laciĝo, kaj nun kaj sen ĉes’
Jen io sen limigo

Kio okazas al mi,
Ke mi interne brulas, okazas al mi
Ke ĝenas mian dormon, okazas al mi
Kaj ĉiuj la tremadoj agitas al mi
Kaj ĉiuj la ardadoj incitas al mi
Ke ĉiuj la ŝvitadoj inundas al mi
Ke ĉiuj miaj nervoj petegas al mi
Ke ĉiuj la organoj postulas al mi
Kaj venas afliktego terura al mi
Jen io sen honteco, kaj nun kaj sen ĉes’
Jen io sen regado, kaj nun kaj sen ĉes’
Jen io sen saĝeco



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).




Vidu aliajn versiojn:
Kio okazas al vi
Kion supozas do vi?
Lant' el lontan'

Plumoj de l’ tie’

(Originala titolo: Você aŭ Penas do tiê)
Verkis: Hekel Tavares k Nair Mesquita
Traduko: Vicente Sales

Ĉu vi jam vidis kantantaron en arbar’
De la birdetoj, ĝuste dum la sunsubir’?
Ĉu vi jam aŭdis malĝojkanton arapongan,
Kiu anoncas: baldaŭ pluvos sur la ter’?

Ĉu vi gustumis gvabirobon tre maturan,
Vidis la tagon, kiam venas la vesper’?
Ĉu vi jam sentis el la rosaj ebenaĵoj
La dolĉodoron el la musambea ber’?

Ĉar mia amo havas iom el ĉi ĉio,
Kaj sur la lipoj pluman ruĝon de l’ tie'.
Kiam ĝi kantas, eĉ la birdoj plensilentas,
Ili konscias, mia am’ estas vi mem,
Vi mem, estas vi mem, vi mem, vi mem

Havanta lipojn ruĝkolorajn de l’ tie'.

Rim:
- Arapongo - (Procnias nudicollis) migrantaj brazilaj birdoj el familio kotingedoj rimarkinda pro ĝia laŭta metala bleko, kiel martelo sur amboso. (El Vikipedio)
- Gvabirobo - (Campomanesia pubescens) komuna nomo al pluraj arboj kaj arbetoj de la familio de la mirtacoj. (El vortaro VTF)
- Musambeo (brazila nomo: Muçambê) - botanika genro apartenanta al la familio Cleomaceae.
- Tieo (brazila nomo: Tiê) - (Ramphocelus bresilius) specio de brazila ruĝpluma birdo.

- Vidu portugallingvan analizon de la traduko faritan de la tradukinto ĉe Klubo Brazila Muziko.

Obs:

- Arapongo - (Procnias nudicollis) pássaro migratório brasileiro da família cotingidae, que se destaca por sua potente voz metálica, como um martelo sobre uma bigorna. (Vikipedio)
- Gvabirobo - (Campomanesia pubescens) nome comum a várias árvores e arbustos da família das mirtáceas. (Do dicionário VTF)
- Musambeo (nome brasileiro: Muçambê) - gênero botânico pertencente à família Cleomaceae.
- Tieo (nome brasileiro: Tiê) - (Ramphocelus bresilius) espécie de pássaro brasileiro de plumagem vermelha.

- Veja uma análise da tradução feita em português pelo tradutor, no Klubo Brazila Muziko.

KURIOZAĴO: Tiu ĉi kanto, registrita kaj famigita de Fagner kvazaŭ de li adaptita el folklora kanto, fakte estis verkita kaj eldonita de Hekel Tavares en 1928, kaj dediĉita al tiama lirika kantistino Gabriella Besansoni Lage. Post la registro de Fagner, pluraj aliaj brazilaj artistoj ankaŭ registris ĝin, kiel interalie Joanna, Nara Leão kaj Nana Caymmi, kaj la vero aperis nur 26 jarojn poste.

Legu pli pri tio ĉi tie (portugallingva, postulas registriĝon) aŭ ĉi tie (portugallingva, mallonga).

Kantas kaj gitarludas: Vicente Sales

Vidu kaj elŝutu la muziktekston kun akordoj (x-sistemo).

La sun-renaskiĝo

(Originala titolo: O sol nascerá)
Verkis: Cartola k Elton Medeiros
Traduko: Vitor Mendes

En ridad' estu tiel la vivo mia
Pro la plor' la junec’ estis iluzia

Post la ŝtormo-ir'
Sun’ naskiĝos ja,
Post ĉi resopir'
Estos iu por nova amad’.

En ridad' estu tiel la vivo mia
Pro la plor’ junulec' estis iluzia.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Se rigardas vi

(Originala titolo: Esse seu olhar)
Verkis: Tom Jobim
Traduko: Jair Salles

Se rigardas vi,
Ŝajnas ke l' rigard'
Volas ion diri,
Kion ja ne kredu mi...
Dolĉas la rev'
Se mi pensas, ke vi
Ja amas min
Kiel mi amas vin...

Sed la iluzi',
Se finiĝas ĝi,
Tristas ĉe la kor'
De kiu revis sen mezur'...
Ho, se komprenus mi nur
Kion diras ĉi rigardo...



Kantas: Jair Salles
Gitarludas: Otílio
En la unua parto de la video, registrita en la sidejo de SEM, Societo Esperantista de Minas-Ĵerajso, aperas ankaŭ Vicente Sales kaj Túlio Flores.
La dua parto estas registrita en la Tago de Esperanto, sur Placo Zamenhof en Belorizonto, en la 27a de julio 2024.

Vidu kaj elŝutu la muziktekston kun akordoj (x-sistemo).




Vidu alian version:
Ĉi rigardo via

Unutona sambo

(Originala titolo: Samba de uma nota só)
Verkis: Tom Jobim k Newton Mendonça
Anglalingva traduko (One note samba): Tom Jobim
Esperanta traduko el la angla: Bertilo Wennergren

Jen mi ludas etan sambon
Kun nur unu sola ton'
Certe venos pli da tonoj
Baziĝantaj sur ĉi ton'
Jenas nun la tona sekvo
De l' antaŭa harmoni'
Kiel devas mi sekvadi
En la viv' malantaŭ vi

Ja troviĝas homoj
Kiuj povas paroladi pri nenio
Kvazaŭ nenio
Mi foruzis tutan gamon
Sed finfine venis al nenio
Preskaŭ nenio

Mi revenas al la tono
Ununura kaj al vi
Esprimante mian amon
El la koro nur per ĝi
Kiu volas la tonaron
Re mi fa sol la si do
Restas ĉiam sen la klaro
De la kanta a bo co


Rim:
- Registrita en la albumo Tom Jobim en Esperanto, en Junio/2002.
- La partituro de tiu ĉi muzikaĵo estas disponebla ĉe Klubo Brazila Muziko.
Obs:
- Gravada no álbum Tom Jobim en Esperanto, em Junho/2002.

- A partitura desta música está disponível no Klubo Brazila Muziko.

Kantas kaj gitarludas: Flávio Fonseca



Kantas: Alejandro Cossavella
Kromvoĉo kaj gitaro: Flávio Fonseca

Vidu kaj elŝutu la muziktekston kun akordoj (x-sistemo).




Vidu alian tradukon:
Sambo de unu noto nur