Brazila valso

(Originala titolo: Valsa brasileira)
Verkis: Edu Lobo k Chico Buarque
Traduko: Flávio Fonseca

Jen vin mi serĉis ade,
Ĉar dum pens' pri vi
Mi kuris kontraŭ tempo.
Forĵetis mi la tagojn
Sen ekvidi vin,
Kiel el filmo
Partojn sen valor'.
Mi retrofleksis la horojn,
Iom priŝtelis.
Mian vojon mi modelis
Ĝis al via kor'.

Mi supreniris monton,
Sed ne kiel korpo,
Tamen sentimento.
Mi eĉ surprizis sunon
Antaŭ sunnaskiĝ',
Transpasis noktojn
Sen vigligi min.
Kaj tra malantaŭa pord'
De l' domo serena
Mi enirus plena,
Vin vidus jena,
Konfuza pro l' fascin'
De mia ven'
Mil tagojn antaŭ ol ekkoni vin.


Rim: La partituro de tiu ĉi muzikaĵo estas disponebla ĉe Klubo Brazila Muziko.
Obs: A partitura desta música está disponível no Klubo Brazila Muziko.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kvazaŭ preĝo

(Originala titolo: Feitio de oração)
Verkis: Noel Rosa k Vadico
Traduko: Flávio Fonseca

Bontrovo foje nur ofendas,
Pro tio nun mi klare min defendas
Ja kontraŭ doloro de l' saŭdado,
Kiu en plej alta grado
Ĉagrenas per invado.

Batuko: jen privilegio.
La samb' lerneblas ne en gimnazio,
Ĉar samb' estas plora ĝoj' pri io,
Estas rida nostalgio
Ene de melodio.

Pro tio nun al Penjo mi irigos ŝin,
Por ke kun ĝoj', mia brunin'
Kantu por la glor'
Kaj kun harmonio,
Tiun tristan melodion
De mia sambo, kvazaŭ preĝon el la kor'.

La sambo, laŭ kredinda fonto,
Ne venas de la urbo nek de l' monto.
Kaj se elteniĝos la pasio,
Oni certos pri la scio:
Venas ĝi el la mio.


Rim: Penjo estas aludo al Preĝejo de la Penjo (foto), konstruita sur alta monto kaj tre konata en la urbo Rio-de-Ĵanejro. Etimologie, la vorto "penjo" (portugallingve "penha") signifas "roko".



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Gejunuloj deviintaj

(Originala titolo: Juventude transviada)
Verkis: Luiz Melodia
Traduko: Flávio Fonseca

Ŝi lavadas ĉiutage, ho angoro,
eksterdome, sub la pluvo, nur laboro...
Ĝis la revado frumatena.
La virino trosenĝena
devas protekti sin pro antaŭjuĝ'.

Mi komprenas gejunulojn deviintajn
kaj la helpon luksoplenan tamburinan...
Ĝis la revado frumatena.
La virino trosenĝena
devas protekti sin pro antaŭjuĝ'.

Ĉiu homo reprezentas mensogemon,
la naskiĝon, vivon, morton, eĉ blasfemon...
Ĝis la revado frumatena.
La virino trosenĝena
devas protekti sin pro antaŭjuĝ'.

Tamen eblas transformad',
malgraŭ la dir' de gejunuloj.
Vi iam ploros pro saŭdad',
ĉar klariĝos fantazioj.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).