Trovita

(Originala titolo: Ich ging im Walde)
Verkis: Francisco Braga,
sur teksto de Johann Wolfgang von Goethe,
tradukita de Antoni Grabowski

Foj' en la arbaron
Mi sole ekiris,
Kaj serĉi nenion
En penso deziris.

Mi vidis, en l' ombro
Jen staras floreto:
Steleto lumanta
Aŭ blu-okuleto.

Mi volis ĝin ŝiri,
Sed plore ĝi diras:
"Ĉu por ke mi velku,
Vi tial min ŝiras?"

Kaj mi ĝin elfosis
Kun la radiketo,
Alportis ĝardenon
Ĉe mia dometo.

En loko trankvila
Replantis karese,
Ĝi kreskas, branĉetas,
Kaj floras senĉese.


Rim:
- Kurioze, la traduko de Grabowski trovita en interreto estas iom malsimila al tiu de la partituro de Braga. Tamen, ĉi tie oni konservas la version de la partituro.
- Dankon al Biblioteko Carlos Domingues, de Brazila Esperanto-Ligo, kiu disponigis la originalon al ni.
Obs:
- Curiosamente, a tradução de Grabowski encontrada na internet é um pouco diferente da que está na partitura de Braga. No entanto, aqui nós conservamos a versão da partitura.
- Agradecemos à Biblioteca Carlos Domingues, da Liga Brasileira de Esperanto, que nos disponibilizou o original.

Aŭdu kaj elŝutu mp3-dosieron de ĉi tiu kanto.
(El MIDI-o farita el la partituro)

Vidu kaj elŝutu la partituron.

En nia lando

Verkis: Francisco Braga k J. B. de Mello e Souza

Kiel dolĉege kantas birdetoj
sur la branĉetoj, en la arbar'...
Gaje saltante, ĉiam en festo,
apud la nesto flugas nun par'.

Kiom da steloj nokton beligas
kaj nin ravigas ĝis la maten'!
Sun' ekaperas... Glore ĝi brilas!
Kampoj similas vasta ĝarden'...

Tra la verdaĵo, inter folioj,
la papilioj ludas kun ĝoj'.
Venas rivero... Ĝi de l' montaro
al blua maro estas la voj'.

Kiom da ĉarmoj, kiom da floroj,
kaj am' en koroj, ĉi tie, nur!
Vi estos ĉiam, kara Patrujo,
la juvelujo de la Natur'.


Rim:
- El la libro 100 jaroj da kantado, de Sylla Chaves: Kultura Kooperativo de Eo, 1989.
- La partituro de tiu ĉi muzikaĵo estas disponebla ĉe Klubo Brazila Muziko.
- Troviĝas kelkaj diferencoj inter la originala partituro kaj la libro de S. Chaves: "heligas" anstataŭ "beligas", "ensorĉas" anstataŭ "ravigas" kaj "estas" anstataŭ "estos". Ni elektis lasi laŭ la partituro, respektante la deziron de la aŭtoro.
- Dankon al Biblioteko Carlos Domingues, de Brazila Esperanto-Ligo, kiu disponigis la originalon al ni.
Obs:
- Do livro 100 jaroj da kantado, de Sylla Chaves: Kultura Kooperativo de Eo, 1989.
- A partitura desta música está disponível no Klubo Brazila Muziko.
- Há algumas diferenças entre a partitura original e o libro de S. Chaves: "heligas" em vez de "beligas", "ensorĉas" em vez de "ravigas" e "estas" em vez de "estos". Optamos por deixar conforme a partitura, respeitando o desejo do autor.
- Agradecemos à Biblioteca Carlos Domingues, da Liga Brasileira de Esperanto, que nos disponibilizou o original.