Denove

(Originala titolo: Outra vez)
Verkis: Tom Jobim
Traduko: Flávio Fonseca

Mi sen vi: resolec'
Mi sen am': reĉagren'
Mi sen vi nur suferos kaj ploros
Ja ĝis via reven'

Mi sen vi: revagad'
Ien ajn, por kompren'
Mi sen am' nur klaĉados pri l' mondo
Ja ĝis via reven'

Ĉiuj homoj min demandas
Pri l' kial' de la deprim'
Sed neniu scias kiel
Suferigas malproksim'

Mi rigardas sunon for
Kaj la pluvon de angor'
Ĉio nun alportas triston
Sopirigas min pri vi



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Kiso tranĉita

(Originala titolo: Beijo partido)
Verkis: Toninho Horta
Traduko: Flávio Fonseca

Vidu, mi ne havas fidon pri mia frenezo
Kaj diras:
Al mi ne plaĉas iu min dispeciginta
Kaj Di', nur Li scias pri vi
Kaj mi ne meritas kison tranĉitan

Nune jen tago komplete perdita en tempo
Mi restas tre malproksime de l' scioj
Pri kiuj mi ne pensos plu
Kaj mi estos por vi ne gravas ĉu io valora aŭ ne

Nune jen vazo komplete rompita en brusto
Mi krias!
Vidu kison tranĉitan
Kie troviĝas reĝino kaŝita de lucidec'?
Lucidec'?

Rim: La partituro de tiu ĉi muzikaĵo estas disponebla ĉe Klubo Brazila Muziko.

Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Mi preferas sekvi vin

(Originala titolo: Você e eu)
Verkis: Carlos Lyra k Vinicius de Moraes
Traduko: Vitor Mendes

Oni voku min
Al mi do venu pet' sen fin'
Kaj oni eĉ priklaĉu min
Kaj min malamu en la sin'
Oni festu do,
Milojn da festoj sub la lun'
Ne iros mi, ne petu al mi
Ne iros mi, ne volas mi
Kaj oni eĉ intrigu min
Kaj estu plor' kaj rid' kaj ĝin'
Kaj oni do diru al si
Ja kion ajn ja volos li
Oni disvastigu ke ja min lacigas viv'
Kaj ke bedaŭras kiu bone konis min
Mi preferas sekvi vin.



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Ajna kanzon'

(Originala titolo: Qualquer canção)
Verkis: Chico Buarque
Traduko: Flávio Fonseca

Se ajna amkanzon'
Ja estas nur kanzon'
Ĝi amon ne naskigas sorte
Se tamen pro kanzon'
La koron tuŝas bon'
La amo ĝermas tuj kaj forte

Kaj se dolorkanzon'
Ne estas varta son'
Nek flikas disŝiritan koron
Ĝi en minora gam'
Pli bonas dum la dram'
Ol la silenta amdoloro

Kanzon' el pura kre'
Misteron portas de
La grajn', la gen', la kle', kaj flamas
Kaj ĉi kanzono tre
Korodas sen pere'
La koron, kiu ve! ne amas

Vidu kaj elŝutu la muziktekston kun akordoj (x-sistemo).

Blinda fido, tranĉilo akra

(Originala titolo: Fé cega, faca amolada)
Verkis: Milton Nascimento k Ronaldo Bastos
Traduko: Paulo Nascentes

De nun mi ne scivolas plu al kie voj’ vojaĝas,
De nun nek plu la frumateno estas atendata,
Ŝose’, ŝose’, nepra ŝose’, ŝose’, tranĉilo akra,
La blinda brilo de pasi' kaj fid', tranĉilo akra,

Lum’ via rajtu brili ja estante plu trankvila,
Plivaste via amo kreski, kaj ege trankvila.
Brilad’, brilad’, okazi, brili ja, tranĉilo akra,
Fratino, frat’, fratino, fidofrat’, tranĉilo akra.

Tritikon planti kaj refari l’ panon ĉiutagan,
La vinon trinki, renaskiĝi je lum’ ĉiutaga,
La fid’, la fid’, pasi’ kaj fid’, la fid’, tranĉilo akra,
La grund’, la grund’, la grunda sal’, la grund’, tranĉilo akra.

Permesi vian lumon brili sur pan’ ĉiutaga,
Plivaste via amo kreski je lum’ ĉiutaga,
Ŝose’, ŝose’, onta ŝose’, ŝose’, trankvilo fakta,
La blinda brilo de pasi' kaj fid', tranĉilo akra.

Vidu kaj elŝutu la muziktekston kun akordoj (x-sistemo).