Sonĝa real’

(Originala titolo: Sonho real)
Verkis: Lô Borges k Ronaldo Bastos
Traduko: Cícero Soares

Je l’ unua vido
pasi’ estas senrevena
nur per artista decido
por sukcesi teni sin
Ĉar la gamboj tremas,
la besteto sovaĝemas,
kiam ulo jese venas: la rev-karin’
En fantazi’ mi feliĉas pri kis’
apenaŭ amkomence volas mi la bis!
Venas, instalas belecon, sen ia atendo.

Iluzi’ ĝojplena
kiam la etos’ amema
apudvenas, haŭton frotas
nin koketas per kaĵol’
legas nian penson
senmovigas la momenton
dum apud-petol’

Sonĝa real’, vi surprizigu min
kaj plektu ties vivon al mia destin’
Venas, instalas belecon, sen ia atendo.

Ĝoj’ foj’ kaj foj’ nur dependas de jes
hazarde ĉeas iu
plena de kares’
Venas, instalas belecon,
Momento de sonĝa real’

Venu ni kuniru
tra la rando de la vojo
sur marĝeno sunoplena
mi ĝin trovis por promen’
Venu, kerubino,
min trouzu ĝis la fino
nian ŝipon iluminu
al la haven’

Ĝoj’ foj’ kaj foj’ nur dependas de jes
hazarde ĉeas iu
plena de kares’
Venas, instalas belecon,
Momento de sonĝa real’

Vidu kaj elŝutu la muziktekston kun akordoj (x-sistemo).

La blua trajno

(Originala titolo: O trem azul)
Verkis: Lô Borges k Ronaldo Bastos
Traduko: James Rezende Piton

Tio ne dirita, ĉar ni lasis en forges'
Frazoj reportitaj de la vento al memor'
Tio postrestinta tra la tempo, nur promes',
En la ventokanto ne laciĝas flugi for

Vi ene de blua trajn', la sun' en la kapo
La sun' en la blua trajn' kaj vi en la kapo
La sun' en la kapo



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).

Al Lennon kaj McCartney

(Originala titolo: Para Lennon e McCartney)
Verkis: Lô Borges k Márcio Borges k Fernando Brant
Traduko: Vitor Mendes

Pro kio via nesci'
Pri l' okcidenta rub'?
Jam ne plu estas motiv'
Por soleco kaj por la tim'
Ĉiu tago jen estas por viv'.

Pri mia okcidentec'
Ĉu vi ne scios ja?
Jen ke tim' ne gravas plu
La timemo ne gravas plu
Ĉiu tago jen estas por viv'.

Mi estas el Sudamerik'
Mi scias ke ne scios vi,
Sed mi estas nun cowboy
El or-ter' mi samas al vi,
Estas mi el mond' kaj el Minas'.


Rim (Notoj de la tradukintoj):

1- La aŭtoro preferis lasi la anglan vorton cowboy (koŭboj') pro tio, ke la muziko temas pri kantistoj kiuj deziras montri ke ili estas famaj kaj bonaj simile al ili, kaj ne rubo. Tial en la portugala versio estas menciita tiun anglan vorton ĉe ĉi tiu diraĵo.

2 - Márcio Borges, kiu komponis la tekston kune kun Fernando Brant, rakontas en sia libro Os sonhos não envelhecem (t.e. La revoj ne maljuniĝas) ke li, kiam aŭdis la muzikon de Lô Borges, meze de makaronia manĝado inter amikoj, sugestis ke la muziko temus pri tio, ke ili estas tiel bonaj verkistoj kiel Lennon kaj McCartney, sed tiuj lastaj tute ne scius pri ili. Lô Borges ŝatis la ideon kaj la kanto estis tre rapide komponita.

Vidu kaj elŝutu la muziktekston kun akordoj (x-sistemo).