Ne scias mi pri la motiv'
ke vi de mi estiĝis for'
kaj kun malĝojo restis mi
kaj adiaŭo eblis ne.
Vi markis min en mia vivo
de viv', ĝis mort' en mia kor'
kaj venas tim' je estontec'
kaj la soleco estas ĉe la pord'.
kaj mi, mi tiom multe amis vin,
mi tiom multe amis vin.
Mi kuras, fuĝas de ĉi ombro,
en sonĝo venas l' estintec',
kaj en la ĉambro sur la mur'
vidiĝas via foto nur.
Al mi ne venu ĉi memor',
mi translokiĝu al tre for'
al ie ajn kie ne estu
tiu pensad' rea pri vi
Tuj post
La mateniĝo en la alta maro de pasi'
Estis videbla la fal' de l’ temp'
Kie vi estas, ho solec'
Ĉu forgesis vi pri mi
Do jen
El ĉio sur la Tero
Ja nenio nenie estas
Kreskebla sen via ĉeestad’
Sen esti vi haltis la viv'
Ĉi suferon nur mi scias
La am' estas dezert' en timaj horoj
Iranta viv' sur selo de doloroj
Reveni ne scias
Vi varmigu min
Min feliĉigu vi
Ĉar mi vin amas
Vi enfluas en min
Mi oceanas
Sed estas la am'
Ja preskaŭ dolor'...
Mi nur scias vivi
Se pro vi
Mi bezonas iel ajn Trovi vin, al vi paroli Flugi en libera trajn’ De babilad’ kaj ne plu soli
Kaj mi spiru en liber’ Aeron kiu estas via Kaj la sun’ tuŝanta vin Estu ĝi sur la haŭto mia Tuŝi vin mi volas ĉar Per tiu tuŝo venas vido De la plej belega rido
Sen vi iras mi en vago Ne sencas mia travivado Sen vi estas mi sen ĝoj’ Sen la plezur’ de l’ ama lago Estas vi la sunnaskiĝo Ĉar pro vi estas mia vivo Ĉiam ja dimanĉa tago.
Vi imagu ke ankoraŭ fruas Lasu ĉion al la saĝa emoci’ Vi imagu ke ankoraŭ fruas Aŭdu kion via kor’ diras al vi
Sed ne gravas Movu vin el vojo ĉar sambemas mi Ĉar la sambo estas mojosa Kaj kun multa emoci'
Jen ĉi sambo Miksita kun marakatu' Sambo de nigroldulo Sambo de rendevu'
Sed ne gravas Ĉar sambo tia ĉi estas rafin' Kaj vi ne volas ke Mi alvenu en la fin'
Rim: - La komenca strofo estas en la joruba lingvo, kaj Obá (prononco: Oba') estas la militista diino de kandombleo. La esprimo estas saluto al ŝi, kvazaŭ petanta forton kaj benon, por ke ĉiuj homoj povu ĝui la muzikecon, kiu alproksimigas la kontinentojn. - Tiu ĉi kanto estas unu el la plejmulte registritaj eksterbrazile; interalie de Ella Fitzgerald, Trini Lopez, Al Jarreau, Sérgio Mendes kaj Jose Feliciano.
He, jen la floso sur mar' He, he, he Jen hodiaŭ troltren' He, iru ni por fiŝar' Lasu la ombron kaj venu vi!
Jen la troltreno en vasta mar' sen fin' He, vi venigu ŝin, Jemanĵa', al mi
Mia Sankta Barbara, vi benu min Vi edzigu min al Ĵanaina
He, trenu ĝin sen erar' He, he, he Jen okazas troltren' He, jen Reĝino de l' Mar' Venu vi al entrepren' por mi
Helpu min Dio, Nia Sinjor' de Bonfin' Tiom da fiŝoj neniam vidis ni
Rim:
- Jemanĵa’ = oriŝao de l' maro. - Ĵanaina = sireno el salaj akvoj; ankaŭ unu el la nomoj de Jemanĵa'. - La partituro de tiu ĉi muzikaĵo estas disponebla ĉe Klubo Brazila Muziko.
Se vi estus, ho, mia amatino kiel bela amatino al mi povus esti vi se volas esti vi nur mia tiu ĉi aĵeto tia aĵo tiu ĉi nur mia ja nenies, nur de mi devas vi ĵuri ke estos nur al vi la penso esti nur de mi, nur de mi, ĝis mort-alven' ankaŭ vi ne perdu vian ĉarman rolon tiun ĉi mildan parolon por rakont' al mi pri vi kaj devas vi esti al mi tre karesema via plor' mallaŭte ĝema sen kialo, en mister'
kaj se multe pli ol nur amatino volas vi esti amata la amata plej amata, amatin' amatin' tia al la amo destinata por ke viv' estu volata kaj ne l' mort', ne l’ vivofin' devas vi veni ĉe mi sur mia vojo kaj al vi eble ĉi vojo estos trista, ho karin' la okuloj viaj estu nur de l' miaj viaj brakoj mia nesto en la posthora malbru' kaj devas vi esti la lasta stel' al fino mia kara kunulino en la senfino de ni du.
Ja, Rio-de-Ĵanejro daŭre estas linda Ja, Rio-de-Ĵanejro daŭre estas bela Ja, Rio januara, februara, marta Ha lo, ha lo! Realengo - jen miaj brakoj! La partianoj de Flamengo - jen miaj brakoj!
Chacrinha daŭre iras kun granda stomako Alhupas la fraŭlinon kaj ĉesigas kvakon Kaj daŭre gvidas ĉion tra la tuta korto Ha lo, ha lo! Ho Chacrinha - ĉiama forto Ha lo, ha lo! Terezinjo de la barako Ha lo, ha lo! Ho Chacrinha - kolora frako Ha lo, ha lo! Terezinjo - jen miaj brakoj! Ha lo! Ino de l' favelo - jen miaj brakoj! Ha lo! Homoj de Portelo - jen miaj brakoj! Ĉiuj karnavalaj tagoj - la sambo-klako Ha lo! Bando Ipanema - jen miaj brakoj! Mia vojo tra la mondo - jen mia fako! Ĉar Bahio jam provizis la mapo-pakon Nur mi decidas pri mi - jen miaj brakoj! Al vi forgesinta min - jen miaj brakoj! Ha lo! Rio-de-Ĵanejro - jen miaj brakoj! Tuta la brazila gento - jen miaj brakoj!
Rim: - La urbonomo Rio-de-Ĵanejro signifas "Rivero de Januaro"; tial, la aŭtoro faras la vortludon "januara, februara, marta". - Realengo - kvartalo en la urbo Rio-de-Ĵanejro. - Flamengo - unu el la plej grandaj kaj famaj futbalaj teamoj de Rio-de-Ĵanejro. - Chacrinha (prononco: Ŝakrinja) - iama brazila televidprezentisto, tre fama de la 50aj ĝis la 80aj jaroj (Estas li sur la foto). - "Alhupi la fraŭlinon" - en la konkursoj de kantado, estis kutimo de la televidprezentisto Chacrinha alhupi tiun kantist(in)on kiu misagordis. - "Ha lo, ha lo! Terezinjo" - tipa esprimo de la televidprezentisto Chacrinha. - Favelo - brazila domaĉaro (laŭ Vortaro de Túlio Flores). - Portelo - unu el la plej grandaj kaj famaj samblernejoj de Rio-de-Ĵanejro. - Bando Ipanema - unu el la plej famaj sambularoj de Rio-de-Ĵanejro. - Bahio - Unu el la ŝtatoj de Brazilo (laŭ PIV).
Vidu, knabino belega, iganta amema
Jen ŝi, la reĝino de l’ plaĝ’ Ipanema
Kun dolĉa luliĝo survoje al mar’
Ino de korp’ origita de l’ sun’ de Ipanema
Kun paŝo sambeca, ŝajnante poema
Kaj se ŝi koksumas mi ĝemas nur “Aahh”
Ah — mi rigardas ŝin triste
Kial min punas soleco?
Ah — nekredebla beleco
Belulin’ kiu ne estas mia
Sola, sed tiom gracia
Ho — se ŝi nur sciintus, ke kiam ŝi venas
La mondo entute je gracio plenas
Kaj iĝas pli bela pro kaŭzo de amor’.
Rim: - Registrita en la albumo Aaron Brazilumas Esperante, en Majo/1989. - Registrita en la albumo Tom Jobim en Esperanto, en Junio/2002. - Troviĝas karaokea video de tiu ĉi kanto ĉe Klubo Brazila Muziko.
KURIOZAĴO: Oni diras, ke tiu estas la dua plej registrita kanto en la historio, post Yesterday de Beatles. La aŭtoroj estis inspiritaj de Helô Pinheiro, tiam 17-jaraĝa knabino kiu vivis en la kvartalo Ipanema. En vintro de 1962, ili vidis ŝin pasantan, kaj verkis la kanton.
Voĉo: Juliana Eva
Gitaro: Danna de Paula
Tamburino: Thais Costa
Aŭdu kaj elŝutu mp3-dosieron de ĉi tiu kanto. Voĉo: Aaron Köenig
Gitaro kaj muzikaranĝo: Flávio Fonseca
Piano: Alfredo Cardim
Basgitaro: Fernando Leporace
Drumo: Tuti Moreno
Perkutiloj: Mingo
Trumpeto: Nilton Rodrigues
Vi devas scii pri multo, knabino
Pri margarino
Pri modinklino
Pri la benzino
Kaj jes vi ankaŭ prisciu min
Baby, baby jen senskua fin'
Baby, baby jen senskua fin'
Al vi glaciaĵon trinki tre bonas
Grupe ja bonas
Ne mi oponas
Kis' kia sperto
Aŭskulti tiun ŝlagron de Roberto
Baby, baby ni vidiĝu pli
Baby, baby ni vidiĝu pli
Vi nepre lernu la anglan, jes
Kaj kion mi taksas sukces'
Ne gravas la ec'
Ne gravas la ec'
Ĉu ne, al mi ĉio estas glat'
Al vi ĉio estas pac'
Ni vivas en edena urb'
De Amerik' al sud'
De Amerik' al sud'
Kaj la devizo
Kaj la devizo
Kaj la devizo
Ĉu ne, legu sur mia ĉemizo
Baby, baby
"I love you"
Rim:
- Baby estas angladevena vorto, kelkfoje uzata en Brazilo kiel karesa nomo.
- La aŭtoro iel ironias pri la troa uzo de la angla.
(Originala titolo: Corcovado)
Verkis: Tom Jobim
Traduko: Wel
En kvieto kun gitar'
Nia am', kanzonofar'
Por feliĉoĝu' de du en amo
Ĝustatempu vivoplan'
Longedaŭru sonĝovan'
Tra l' fenestro, for
sur Korkovad’ jen Redemptor', sublime.
Tra la vivo estu ni
Daŭre kiel tiel ĉi
Ĉi-varme ĝis la fin' de nia flamo
Kaj mi, kiu nur tristis
Sen plu kredi ĉi mondon
Post vin renkonti, sen kondiĉ', al mi
Feliĉo sin malkovris, mia am'
Rim:
Korkovado = skribo laŭprononce de la portugala 'Corcovado', en esperanto 'ĝibulo', al kio similas la formo de monteto, en Rio, sur kiu staras, certe mondkonata, statuo nome Kristo Redemptoro (aŭ Kristo la Savinto).
(Originala titolo: Corcovado)
Verkis: Tom Jobim
Traduko: Wel
Dolĉaj notoj el gitar',
amosento, versofar',
indas nur feliĉ’ al plej amata.
Tempo haltu por pripens',
gravu nur la sonĝintens',
trafenestre sur l’ altaĵo ĝi
la Redemptor', sublime!
El la vivo kion pli
volu mi ol tion ĉi?
Vi ĉe mi, ni du ĝis la fina flamo.
Al mi, aĉa tristulo,
sen ajna kred’ al mondo,
post koni vin la vivo estis nur
feliĉo la plej vera, mia am'.
Rim:
Korkovado = skribo laŭprononce de la portugala 'Corcovado', en esperanto 'ĝibulo', al kio similas la formo de monteto, en Rio, sur kiu staras, certe mondkonata, statuo nome Kristo Redemptoro (aŭ Kristo la Savinto).
(Originala titolo: Corcovado)
Verkis: Tom Jobim
Traduko: Wel
Angulete kun gitar',
amotema kanzonar',
ĉe ni du ekzistu nur feliĉo.
Jam kvietas nia pens',
gravas nun nur sonĝintens',
tra l' fenestr' vidiĝas Korkovad',
kaj l' Redemptor', superbe!
El la vivo kion pli
volu mi ol tion ĉi?
Vi ĉe mi restu ĝis la fin' de l' flam'.
Ja mi kun mia tristo,
sen plu kredi la mondon,
apenaŭ trovis vin novis al mi
la senco de feliĉo, mia am'.
Rim:
- Korkovado = skribo laŭprononce de la portugala 'Corcovado', en esperanto 'ĝibulo', al kio similas la formo de monteto, en Rio, sur kiu staras, certe mondkonata, statuo nome Kristo Redemptoro (aŭ Kristo la Savinto).
- El la kvar tradukoj de ĉi kanto faritaj de Wel, tiu ĉi estas la malplej aprezata de li.
Jen subite dolor' de l' atend' iris for
Venis do tiu am'
Mi revadis pri ĝi, tamen feble pri mi
Kredis jam
Preterpasis la temp' kaj denove printemp'
Tuj vanuis, male nun
Ĉar la plor' iris for
Kvazaŭ sorĉo aperis vi, am'
Jen vi, pli ol scias mi
kaj pensis kaj pli
Ol mi esperadis, kares'
Jen vi, por mi ja la voj'
kaj tuta la ĝoj'
Pli ol mi sonĝadis, kares'
Ĝojas mi, min miru
Ho vi ne foriru (ne, ne, ne...)
Mortos mi pro sopiro
Pro via foriro
(Originala titolo: Corcovado)
Verkis: Tom Jobim
Traduko: Wel
Hejme ni du kaj l' gitar'
Amaj horoj, kanzonar'
La ĝu' de feliĉo, ĝu' de amo
La senhasto al plu pens'
Tuta temp' al sonĝintens'
Tra l' fenestro l' Korkovad'
kaj l' Redemptor', superbe!
Daŭru l' vivo tiel-ĉi
En senfina kuno ni
Ĝis l' estingiĝo de la lasta flamo
Kaj mi, kiu tre tristis
Sen ajna kred' al mondo
Vin konatiĝi estis jam al mi
Tutnova senco de am' kaj feliĉ'
Rim:
Korkovado = nomo de la monteto situa en Rio-de-Ĵanejro sur kiu staras la konata statuo nome Kristo.
Redemptoro = la tuta nomo de la statuo vere estas (en la portugala Cristo Redentor) Kristo La Savinto. Redemptoro samsencas, pive.
