Pri la volo

(Originala titolo: O quereres)
Verkis: Caetano Veloso
Traduko: Paulo Nascentes

Revolveron vi volas, mi, kokoso
Kie volas vi monon, mi, pasi’
Vi volonte ripozon, mi, deziro
Kie mi, nur deziro, ja ne vi
Se vi volas nenion, neni’ mankas
Kie flugas vi alta, mi, plafon’
Premas vi la plafonon, anim' saltas
Kaj ĝi gajnas liberon je senfin’

Familion vi volas, mi frenezas
Romantika min volas, mi, burĝul’
Kie volas Leblon, mi Pernambuko
Se vi volas eŭnukon, vir-ĉeval’
Kie vi volas jes kaj ne, ver-ŝajn’
Vidas vi raciecon, sed ne mi
Kie volas vi lupon, jen mi frat’
Kie volas vakeron, mi nur ĉin’

Ha, kruda flor’ de la vol’
Ha, kruda flor’, kruda flor’

Kie volas vi agon, mi, spirit’
Kie volas teneron, mi, seksard’
Kie volas liberon, deksilabas
Se anĝelon vi volas, mi, virin’
Se vi volas plezuron, dolorig'
Vi torturon ja volas, mi mildec’
Hejmon volas ho vi, revoluci’
Kie volas banditon, mi hero’

Volus mi voli vin, amon al am’
Fari mildan katenon al ni du
Trovi justan adapton volas mi
Ĉion rimon metrikon sen dolor’
Sed, la viv’ ja reala ho ho jes
Vidu, celis embuskon al mi am’
Mi vin volas, vi ne, kia jen mi
Ne vin volas, nek vi kia jen vi

Ha, kruda flor’ de la vol’
Ha, kruda flor’, kruda flor’

Kie volas mitingon, mi, bilard'
Se romanon vi volas, rokenrol'
Volas ja lunon vi, suno jen mi
Kie puran naturon, inset-murd'
Kie volas misteron, mi la lum’
Kie bordon vi volas, tuta mondo
Kie volas Karesmon, Februaro
Kie volas kokoson, mi obus’

Vian volon kaj volon volas vi
Pri en mi kio estas malegal’
Volas bonon malbonon mi al vi
Bon’ al vi, malbon’ al via dezir’
Absolute he mi persone aŭ
Mi volonte senfine voli vin
Kaj, pro ĉi-volo, tuta lern' el vi
Pri l’ deziro ĉe mi kaj ne ĉe mi

Vidu kaj elŝutu la muziktekston kun akordoj (x-sistemo).