Pri la vero

Verkis: Markone Froes

Ne ĉiuj libroj diras la veron
Ĉar la vero neniam skribiĝis
En ĉiuj libroj
Ne ĉiuj libroj diras la veron
Ĉar la vero neniam skribiĝis
En la historiaj libroj

Kaj la homoj ploras do, pro timo pri mallumo
Kiu envolvas iliajn animojn en mezo de malsaĝa milito
Kaj la homoj ploras do, pro timo pri malcerteco
Kiu antaŭas iliajn elektojn en pezo de malsaĝa vivo

Ne ĉiuj libroj diras la veron
Ĉar ili ne estis tie, kiam ĉio okazis
Ne ĉiuj libroj diras la veron
Ĉar la vero neniam skribiĝis
En la historiaj libroj

Kaj la homoj ploras do, pro timo pri mallumo
Kaj la homoj ploras do, pro timo pri malcerteco
Kaj la homoj ploras do, pro timo pri jam skribita afero
Kaj la homoj ploras do, pro timo pri neniam skribitaj veroj

Ne ĉiuj libroj diras la veron
Ĉar la vero neniam skribiĝis
En ĉiuj libroj


Rim: Registrita en la albumo Por la mondo, de bando Merlin. Vinilkosmo, 1999 (aĉetu ĝin ĉi tie).



Voĉo: Markone Froes
Elektra gitaro: Aldrin Gandra
Basgitaro: Sérgio Ribeiro
Klavaro: Sérgio Vieira
Drumo: Guilherme de Souza Lima

Vidu kaj elŝutu la muziktekston kun akordoj (x-sistemo).