Iliardo

(Originala titolo: Trilhares)
Verkis: Paulo Tatit k Edith Derdyk k Lua Tatit
Traduko: Flávio Fonseca

Steloj, kiuj en nokt' rotacias,
Ĉiuj estas en ĉielo nun.
Eĉ se dumtage mi ne konscias,
Ili brilas apude de l' sun'.

Iliardo da steloj kaj nur nun mi scias,
Ke ankaŭ plentage senĉese radias!
Kiel eblas tiomo da steloj?
Kiel eblas? Eĉ ŝajnas mar' da sableroj.

Sablo, kiu sur plaĝ' harmonias,
Ĉiuj grajnoj ripozas sur grund'.
En plenman' kiun mi disfrakcias
Ankaŭ ne kalkuleblas l' abund'.

Iliardo da eroj kaj nur nun mi scias,
Ke kvanto ilia kreskadas, defias!
Kiel eblas tiomo da eroj?
Kiel eblas? Eĉ ŝajnas ĉiel' da steloj.

Multa sablo, multaj steloj...



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).