Por direkti min al Di'

(Originala titolo: Se eu quiser falar com Deus)
Verkis: Gilberto Gil
Traduko: Flávio Fonseca

Por direkti min al Di'
Devas resti mi en sol'
Devas sidi en mallum'
Devas ĉesi la parol'
Devas senti min en pac'
Malbantigi je ĉi vol'
Miajn ŝuojn, la kravaton,
La dezirojn, la timetojn,
Devas mi forgesi daton,
Abandoni miskalkulojn
Kun malplenaj miaj manoj,
Nudaj korpo kaj anim'.

Por direkti min al Di'
Devas cedi al dolor'
Devas iri ĝis la fund'
De la fund' de l' malfavor'
Devas agi kiel hund'
Meti langon sur la grund'
De l' palacoj, de l' kasteloj
Luksoplenaj de la revoj
Devas vidi min timida
Devas mi min trovi hida
Tamen malgraŭ ĉi perfido
Teni koron sen brulvund'

Por direkti min al Di'
Cedu mi al aventur'
Al ĉielo iri pli
Sen apogi min sur ŝnur'
Devas adiaŭi mi
Marŝi rekte al futur'
Decideme, sur linio
Kiu iras al nenio,
Ja neni', neni', nenio,
Nur neni', neni', nenio
Kaj neni', neni', nenio
Jam konata el natur'



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).